工人姐姐出年2月到期，很大機會唔會續了，依加系考慮緊到時傾向最快（提前42日）完約比佢走呢，還是提早14+2日比佢走。
因為有時真系比佢激到血壓飆升。
1，從來到之后教佢去街市買餸，好似我系工人佢系Madam甘離九丈甘遠，次次都要專登“點”佢行過來。
2，后來到比佢自己去買，日日朝早我要做定功課寫定紙仔比佢，都仲要買錯，比如買肉我會寫定英文買咩部位，跟住買錯呢佢就話個豬肉檔嘅人可能唔識英文，比佢嘅系呢舊。好啦我之后再寫埋英文+中文，又再買錯。問佢仲話“唔知吖，我成張紙仔比豬肉檔個人睇架”……好啦，即系佢系唔會錯嘅，如果有錯，都系人地嘅錯。
3，事緣有一次我系玩具箱度發現一個應該存放系高柜（系廁所內天花甘高）度嘅嘢，我同佢講呢件嘢唔應該系度哦，你收返好佢啦。佢即刻博：唔系我吖，系你個仔吖。佢琴上個座廁再擺張凳系廁所上爬上去架！激到我啊！我個仔果陣未夠1米高，佢仲有排都未琴得到果上面嘅嘢，第二，就算佢甘琴法都系好危險你都唔應該比佢做啦！我即時叫我個仔來示范一下點樣可以琴到甘高，然后影相同錄影比A準。
4，做嘢完全無交代。有咩事揾佢電話次次都打唔通，我要系Chat度留言，但佢睇完都系唔會有回復嘅，你都唔知道自己嘅留言系埋半途跌佐落海。
5，成日戴住個耳機，我話佢做嘢和陪小朋友時唔好戴，如果唔系小朋友叫你幫手嘅時候你都聽唔到。佢復我話如果唔用耳機佢叫話就會無訊號？話唔會影響佢睇住小朋友哦！（唔系依加情況特殊我真系起即炒）
6，果日我買佐半只切雞比我仔和佢食午餐先，佢一嘢抄走佐只雞肶，問都唔使問下我個仔食唔食！
7，晾衫洗衫，一唔睇到呢就偷步不入洗衣袋吖，用大人衣架晾小朋友衫扯到變曬形，晾衫時又唔Fling直，滴褲管衫袖仲縮響入邊，同佢講話要Fling直再晾呢，佢話佢疊衫嘅時候會整理好哦！
8，滴衫褲如果有漬嘅，洗得干唔干凈佢疊衫時候都唔會拎出來再洗過哦，照疊。等我用果時抄出來就話：系吖呢個洗唔干凈了！
9，從來到到依加將近一年半了，仍然未識煮餸，初初來到時仲好似好有心機甘寫落薄仔，但完全都無用，根本無上過心。滾魚湯前要煎下滴魚呢佢直接煎到變魚松，蒸肉餅呢佢撈到滴肉（漿糊）甘去蒸，淥菜佢淥完熄火就算，等得閑先撈條菜出來，搞到又黃又爛一碟舊餸甘。
10，一定仲有滴咩，待補充……
懷孕
健康
煮意
遊樂
熱話
學校
管教
移民升學
理財
潮流
使用意見
故障報告
下載APP
關注我們
發表於 
返回列表
