話說年頭plan左5月會放假返菲放假, 當時已經知道要隔離14天, 咁佢都明白額外假係要無薪的。因為當時疫情都幾高峰, 勸過5月好危險又好多變數, 當時亦買唔到5月的直航機票去佢城市(佢話馬尼拉好遠,唔想去馬尼拉), 只有轉機, 但我提出唔建議用多10倍既時間去搭機返去, 結果姐姐唔開心喊左兩日話6月有機返去都OK, 咁我都無法....只好買機票去安撫左佢先.....然後姐姐當然開心返晒, 有返心情。
到5月頭, airline出左通知6月航班取消, 機場關閉, 姐姐又一次成個人down, 然後話想改7月返, 由於當時我太忙, 準備唔切資料同佢去傾不如考慮下今年唔好返住..... 等疫情平和d同無左隔離措施時先返... 為平伏佢心情先, 然改7月機票比佢....
到早兩個星期我終於有時間整好D資料喇, 問埋AGENT去了解下菲律賓現況, 我就同姐姐坐低認真傾左如果返去既會出現既問題, 兩地的隔離時間的薪金安排, 如果有事返唔到黎又會點安排後...... 叫佢自己考慮下推唔推遲放假, 同埋我比1 個月時間佢同屋企人商量下先, 如果最後決定係要返, 咁我都唔會阻止既, 會尊重佢.
咁之後一星期見佢日日都好失落, 我都唔安落...... 我又唯有開解下佢, 佢話仲未有決定, 咁我都主動咁讓多步, 話: 如果你照返, 真係無問題, 返黎之後要扣既人工可以分期扣, 等你唔好咁大壓力先. 但健康就係你既, 依家最關心同最擔心就係呢個問題, 所以先叫你去衡量同考慮。
結果又一星期過去...... 都係無晒心機, DOWN晒咁, 又無下文......
想請教各位僱主, 我仲可以點開解下佢呀? 佢喺我度做左2年有多, 未試過咁, 一直都好坦誠, 好笑容的....所以我依家見到佢咁樣, 我又覺得有D心痛佢, 自己都有內疚感...好似我喺度反口咁, 臨飛前比咁多問題佢諗去阻撓佢放假咁, 但我同佢講呢D係出於關心佢為佢好既角度去講的.
朋友勸姐姐唔好試就覺得佢阻撓佢...
懷孕
健康
煮意
遊樂
熱話
學校
管教
移民升學
理財
潮流
使用意見
故障報告
下載APP
關注我們
發表於 
，又不斷花錢花時間同姐姐安排機票，又有同理心。
返回列表
