吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 家事百科› 油塘裝修黑店-----超藝設計裝飾公司

家事百科今日: 0|主題: 39379

收藏本版

發帖

返回列表

跳至頁

查看: 8986 | 回覆: 12

油塘裝修黑店-----超藝設計裝飾公司 [複製鏈接]

kiki1219

民房

積分: 15

1^#

發表於 04-10-27 21:45 |只看該作者

油塘裝修黑店-----超藝設計裝飾公司

呢間正一係謀人寺, 大家千祈要記住呢間舖頭, 唔好幫襯佢呀~~~

我最近新屋裝修, 開頭諗住呢間叫做超藝設計裝飾公司(油塘) 既裝修公司個價都幾合理, 又有套餐, 咁佢又全間傢俬舖都係木做既傢俬, 咁啱我又要做埋床, 咁就幫襯佢啦, 點知最後既結果係非常之激氣, 而家仲要報警添，各位如果要裝修既話就千祈唔好揾佢啦....以下就係佢既過人之處 (佢既負責人叫做鄭漢文，地址係油塘鯉魚門廣場二樓210舖…..酒樓側):

1. 最初開單時，乜野都話ok，真係好好耐性咁慢慢將你既要求畫出來，又開個大數俾你，同你講話張單個數一定唔會過幾多幾多錢，但係當你真係落單既時候，佢就逐呎逐呎同你計。如果你係女仔，佢就更加將total個數提高20%。以我為例，本來我同我阿媽去問價，佢話about 4萬5蚊，但係當我叫埋我阿叔落去傾既時候，個total數可以係3萬8元，而且仲多咗6個items，個價真係差好遠……

2. 當單job開始咗之後，佢又話個套餐呢樣唔包，個樣唔包，又不斷要你加新野。好似幅牆咁，佢話油ici乳膠漆，個套餐只係包牆身，天花係唔包既，油埋天花要另外加1000蚊，仲有牆身又唔係全間屋既牆，一d睇唔到既地方佢話又係唔包既，落單時佢又唔提???……仲有佢仲特登整花d房門同埋厠所門，跟住就同你講話要油埋，開價400一隻，我話唔油，跟住我阿媽轉頭問佢，佢居然話700一隻…….

3. 講真，佢做工程又真係好快，快到可以一個禮拜就交得貨俾你，但係d手工就真係求其得緊要。好似幅牆咁，起初落單時佢話唔會批灰，但係都會幫你用沙紙磨番滑佢，但係真正做既時候，佢就一張沙紙都無用過，而且2個人2個鐘已經幫你油晒全間約600呎既屋(牆身 + 天花)，真係快到無眼睇……而家叫佢上來執番好佢，佢又話d師傅唔得閒….叫我等吓先….但係佢又日日吹我俾錢…

4. 仲有，佢呢間裝飾公司會將client d鑰匙配n咁多條，所有水泥木工油油師傅都會有一人一條，永無走雞，真係唔知d師傅幾時中上門。仲有，佢又會keep起晒你d鑰匙，到你真係俾晒所有錢先至俾番你，佢仲會無情情走上去開你屋企度門，完全唔會事先通知，真係有幾次俾佢嚇死呀~~~~~

5. 呢間超藝除咗裝修之外，佢仲有傢俬同埋燈飾賣。我o係佢間公司訂咗燈同埋張雙人床，同佢講話等我裝完修先通知佢送貨日期，點知我訂完之後一個星期，佢就話送貨俾我，仲話已經去到我門口，問我點解裡面無人，叫我即刻返去收貨…..點知去到屋企門口，d貨就o係度，但係人就走晒。但係因為我間屋都未ready，所以最後我都係要佢地將d貨搬番走，仲被佢地話事先無講明(我sure一定有講)，咁即係明屈啦~~~~後尾我問番d鄰居，佢話商場o個兩間傢俬舖做野都係靠估架，傢俬d款式啦，價錢啦，送貨時間同送貨地點都係估估吓，真係會送錯你件傢俬去人地度都唔知架……

6. 好多間裝修公司都會包基本清潔，即係起碼都將間屋執到乾淨番少少，但係呢間公司絶對唔會幫你執間屋，我收貨個陣成間屋都係灰泥，地下又有大大塊(6呎乘4呎)既木板，厠所同廚房都係佢用完唔要既磚，英泥，大剷，木車仔，垃圾，乜都有，我即刻同佢理論，佢就話呢d係垃圾，個套餐係唔包清垃圾的，仲要我自己買野去洗乾淨地下d灰，我只係掃乾淨個地都掃咗4粒鐘…..仲有幫佢處理埋d垃圾，足足花咗我兩日時間，到而家都仲係成地灰。到我俾錢既時候，我就話d板同埋磚係泥頭唔係垃圾，個套餐白紙黑字寫明包清泥頭，咁緊係要減番錢，佢都同意我既講法，但係佢話一毫子都無得減，佢仲話係我自己多事走去做咗d清理工作……吓，咁當時問佢佢又話唔包???咁即係明屈姐…….仲要我做餐死既……..

7. 仲有一樣野我就最睇唔過眼，就係佢d裝修師傅簡直係一流。我俾間屋佢地裝修，佢地居然當呢度係酒店，食煙不在話下，佢地夜晚仲三五成群咁o係度聚賭，仲要開埋你屋企d冷氣o係度瞓覺。最離譜的是佢專登用好多塊木板打塞住你度大門，等你o係出面開唔到門，唔會嘈住佢瞓覺。我諗呢個方法佢實係試過好多次，如果唔係技巧唔會咁純熟，而且仲萬試萬靈添!!

本來一個3萬8的套餐最後要4萬8先攪掂，足足多咗成皮野，我到而家都仲o係度刷緊個地下d灰，真係奉勸各位千祈唔好幫襯呢間野，因為佢而家都仲有幾單官非在身，我當然係其中之一啦….(因為我當時同佢拗數，佢地出言恐嚇我，而家仲考慮緊落簿charge佢刑事毁壞添)…..今日仲俾佢地d員工用好流利既粗口問候添.......唉......大家真係要諗過先好呀~~

私人傳訊

Msma

大宅

積分: 3049

2^#

發表於 04-10-28 11:31 |只看該作者

Re: 油塘裝修黑店-----超藝設計裝飾公司

真係唔好亂幫趁d 裝修公司呀!

你咁做好arm! 可向傳媒街坊題下。唔好再等佢地呃人呃得咁易 !

Msma

私人傳訊

monchan

男爵府

積分: 7751

畀面勳章

3^#

發表於 04-10-29 16:44 |只看該作者

Re: 油塘裝修黑店-----超藝設計裝飾公司

kiki1219,

嘩....多謝你post呢間嘢嘅惡行呀....之前見佢d sofa價錢都ok...仲諗住幫襯tim...而家....咪搞喇....真係好彩

私人傳訊

貓太太

別墅

積分: 983

4^#

發表於 04-10-29 20:21 |只看該作者

Re: 油塘裝修黑店-----超藝設計裝飾公司

kiki1219，您好：
以下有小小意見回應。
1.裝修報價其實好浮動，正統是每平方尺計算，但套餐要做平個價根本不能每平方尺計，其實裝修套餐多數是將價就貨，多數無好野出。如果只做簡單裝修，直接找師傅做仲化算，當然親友介紹先好用，有商業豋記的師傅會好D，有問題都可以追。
2.套餐真是不會比好野你，佢就是靠這些手法賺錢
3.要鏟牆批灰的油漆細單位要8days，3 rooms or以上 at less 12 days，不批灰的細單位要4 days 啦，要油 at less 3層，佢做得好馬虎！
4.裝飾公司會將client d鑰匙配n咁多條，要留一條匙給自己，裝修完要換鑰膽。
5.傢俬是裝修公司上圖給傢俬廠造的，送貨是傢俬廠的工作，送貨工人見無人就甘放在門口，要趕下個order，這情況是裝修公司無根你單job。
6.包清泥頭是包清垃圾木板，唔包抹櫃抹窗洗toilet。你可以同佢講等左幾日無人清，唔可以無了期等，不是多事，是佢地唔做，要扣佢錢。
7.裝修師傅在你個單位做不是裝修的事，仲聚賭，開冷氣瞓覺，是裝修公司管理不力，要扣佢錢。
你要將佢做得衰的影相證明，法官才會信你。祝您好運！老實說這種案個官好難判你勝，公証行只能証明佢有做定無做，不能証明質素有問題，這種裝修公司日日有拗數，你寫張defect紙要佢跟到滿意先付款，同個官講不是不付款，只是質素太差，只要裝修公司做番好就無問題，最初佢會兇你，最後會不了了之。

私人傳訊

Minnieluo

子爵府

積分: 10856

5^#

發表於 04-10-30 12:57 |只看該作者

Re: 油塘裝修黑店-----超藝設計裝飾公司

私人傳訊

媽咪咪

別墅

積分: 648

6^#

發表於 04-10-30 13:10 |只看該作者

Re: 油塘裝修黑店-----超藝設計裝飾公司

在完功時收回鎖匙，最好有第三者在場或文件做証，就算配n咁多條都由佢。之後換上個新鎖，比佢知都唔怕，如果佢中上門，你就報警，話佢擅闖民居。到時由番你話事，一句講曬，唔收拾好就無錢收。如果佢用好流利既粗口問候，就當佢面立即報警，話佢性騷擾。最好每次都第三者同用錄音機錄起佢，有証有據。

~散佈愛~ 在你所到之處不斷散佈愛......首先要從自己家開始。把愛給孩子、妻子或丈夫、父母，然後及於鄰人.......... 讓每一個分享過你的愛的人都能在離開後感受到生命中有愛。 ---德蕾莎修女 ~SPREAD LOVE~ Spread love everywhere you go.......first of all in your own house. Give love to your childred, to your wife or husband, to a next door neighbour......let no one ever come to you without leaving better and happier. ---MOTHER TERESA

私人傳訊