本帖最後由 zingzingmok 於 24-11-20 14:58 編輯
我係上年以新客COSMXX既優惠價以$36,000買左thermage (450 eye +900 face), 見到做緊優惠, 同埋上市公司以為可信, 我就買左。當時資詢師阿Suxt sell 我果陣無講要eye + face 一齊做成個療程。因為我買療程當日一個月前先喺B記做完thermage 眼 450, 經一輪交涉, 最終同意左俾我分開做眼同面。
我9月喺COSMXX銅鑼灣分店了做Thermage face 900。但當完成療程後, 資詢師阿Su*t同我講, 用左600發的機頭幫我做。 佢當時道晒歉, 一副慘樣話公司無300發機頭, 所以唔可以即刻補做返, 之後就游說我將今次療程以face 600療程扣, 然後補差價買多次$36,000 Thermage eye + face, 而且一再強調係會全部用返優惠價去計算。佢話 450+600 係 $31,200 , 當時我唔知道450+600 其實係做緊$28,800 (一齊做), 其實變相我要俾多$2400
我一時心軟, 同意左補錢換另一個療程 (唔係Thermage) 。 點知後來我發現, 佢地用一個$31,200 (分開做) 既價錢扣我當日療程, 並唔係所謂地講既優惠價$28,800 (一齊做)。我係完全唔知道一齊做, 同分開做既價錢, (我一直喺B做無呢樣野), 姐係因為佢地換左個機頭, 我要俾多$2400($31,200 - $28,800)做一個600既treatment, 明明係佢地做錯野, 但要我suffer $2400, 於是我就投訴資詢師阿Su*t, 同埋要求退款。
之後得到既回覆係, 無得退款, 只可以用俾多左既部份換其他"正價" 療程, 話因為我當日係同意左, 同埋俾左錢 >.<’’ 。又話我唔係新客其實無呢個優惠, 之後又話我係分開做 。
事實上呢個療程係我用一年前以新客身份買的, 一齊做亦都係當時巳經傾好左。最令我不滿係個資詢師阿Su*t 暗中將我原本 ”一齊做” 既價變成 ”分開做” 既價來扣。而家因為佢地俾左個600 頭我做, 我就變左要俾多 $2400 做呢個Treatment ? 就算換療程, 都要係正價, 我都要再俾錢, 試問經歷完以上事件, 我仲點敢俾錢買喺COSMXX既任何療程? 我都有理由懷疑, 其實佢地係咪專登換左個機頭? 有無SIS 有類似經歷?
係咪D sales 以為”look” 左card 就可以過骨? 之後個客發現俾間店搵笨就無得申訴?? 仲有成間上市公司, 個CS department 只有一個人 , Tamxy Chx。 個客戶主任話, 我係唔可以接觸到佢以外既人投訴, 只有佢一個人處理所有投訴case。求教各位SIS 我應該點做?
懷孕
健康
煮意
遊樂
熱話
學校
管教
移民升學
理財
潮流
使用意見
故障報告
下載APP
關注我們
發表於 
呢間肯定貴啦,上左市後好chur 
返回列表
