吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 大仔大女媽媽會› 仔仔1歲半，成日唔肯食野…好煩惱！

大仔大女媽媽會今日: 0|主題: 177860

收藏本版

發帖

返回列表

跳至頁

查看: 34699 | 回覆: 19

[2011年] 仔仔1歲半，成日唔肯食野…好煩惱！ [複製鏈接]

kaguya

大宅

積分: 2622

1^#

發表於 12-8-2 11:03 |只看該作者 |倒序瀏覽 |打印

仔仔1歲半，成日唔肯食野…好煩惱！

朝早6點幾醒，就要飲200ml奶
8點幾食早餐︰食麵包食幾啖就唔肯食
1點食午餐︰又係食唔到半碗飯就唔食，仲成日吐返d飯出黎
3點食生果
7點食晚餐︰要tum好耐先食幾啖又唔食，又吐返d飯出黎。

我真係唔知道點先好！
睇醫生，醫生話佢肚餓自然就會食，但都已經成個月都係咁。個人就好精靈，無咩唔舒服。我都試過煮下d通粉，意大利粉之類。佢直頭食都唔肯食。

各位媽媽，你地有無遇到呢個問題呢？點解決好呢？

0 0 0

私人傳訊

helis

男爵府

積分: 8381

環保接龍勳章陪月勳章爸B勳章

2^#

發表於 12-8-2 12:04 |只看該作者

回覆 kaguya 的帖子

我阿女1歲半尼兩個星期都係咁，我念係天氣問題無咩胃口～

私人傳訊

freezer1

男爵府

積分: 8132

2023年兔年勳章牛年勳章畀面勳章陪月勳章

3^#

發表於 12-8-2 12:17 |只看該作者

食粥好D嗎?我個仔無呢個問題,仲食得幾多;另我每日分兩至三次俾水果佢食,補充水份同VIT. C

私人傳訊

Cheerfulfish

大宅

積分: 3665

畀面勳章

4^#

發表於 12-8-2 16:40 |只看該作者

回覆：仔仔1歲半，成日唔肯食野…好煩惱！

呀囡早排食飯都唔好，超扭計，可能出大牙或天氣熱，後來我地比左好多不同野佢食，發現佢只係唔like 飯，於是我地而家一日三餐中有兩餐係杰粥另一餐係通粉或者字母粉，咁就OK番! 仲有唔好比太多奶佢飲，呀囡只係起床時飲7安奶，其他都係固體食物啦。

私人傳訊

咩妹

複式洋房

積分: 389

5^#

發表於 12-8-2 17:17 |只看該作者

回覆：kaguya 的帖子

我跟你一樣情況，但已經差不多3個月以上，奶照飲、飯只吃半碗，我都有看醫生，醫生只說他生長線有升，有長高有重，沒野呀！不用理會。
但身為家長有點會沒野呀！

私人傳訊

andymak838

複式洋房

積分: 286

6^#

發表於 12-8-3 14:41 |只看該作者

我仔一樣情況時間更長，有半年多啦，鐘意個餐就到食到一碗（不過要一個多鐘先食得曬）唔鐘意個餐個幾鐘都食唔到幾啖，不過距D精力好到不得了，一日都不停跑都可以。E+食飯等於同距打仗。

阿仔成日都掉跤唉

私人傳訊

kaguya

大宅

積分: 2622

7^#

發表於 12-8-6 10:33 |只看該作者

醫生都有講話唔駛擔心，食飯最好唔好超過一個鐘咁多，因為會縮短餐與餐既時間；到夠鐘食第二餐時，又會唔肚餓唔食。叫我忍心啲，慢小朋友慢就會明白到，原來唔食就無得食。咁就好快會正常返喎！

**我而家都試緊，睇下work唔work！**

私人傳訊

肥豬豆豆

大宅

積分: 3232

8^#

發表於 12-8-14 09:22 |只看該作者

回覆：仔仔1歲半，成日唔肯食野…好煩惱！

呢個情況困擾咗我大半年，除咗奶乜都唔願食，奶都食得少

睇兒科專科話我過份擔心；去健康院度高磅重後身高體重唔合格（74.5cm, 8.2KG)，原本要見醫生，但姑娘見我個囡歳半識講短句話佢發展幾好，所以又唔駛見。

私人傳訊

花花b

侯爵府

積分: 21478

9^#

發表於 12-8-16 00:02 |只看該作者

回覆：仔仔1歲半，成日唔肯食野…好煩惱！

我仔都係，整2個月唔肯食粥同飯，我無整呀，唯有煲湯整湯麵佢食，佢見到碗麵好happy食！所以我由佢na！
早晚飲8安奶，Lunch，Dinner食麵加飲湯，下午一時時飲湯，無湯就食d麵，慢慢等佢出多d牙再比飯試下

私人傳訊

kaguya

大宅

積分: 2622

10^#

發表於 12-8-16 11:35 |只看該作者

回覆肥豬豆豆的帖子

如果姑娘都話情況ok既，就唔駛太擔心。我問過身邊好多朋友，佢地都有咁既經驗，只要小朋友精精靈靈就可以。

私人傳訊

kaguya

大宅

積分: 2622

11^#

發表於 12-8-16 11:37 |只看該作者

花花b 發表於 12-8-16 00:02
我仔都係，整2個月唔肯食粥同飯，我無整呀，唯有煲湯整湯麵佢食，佢見到碗麵好happy食！所以我由佢na！
早 ...

你做得好岩！最緊要佢肯食同食得開心！慢慢先再比其他野佢食，唔駛心急架~

私人傳訊

adatsoi

複式洋房

積分: 301

12^#

發表於 12-8-16 14:50 |只看該作者

我仔仔個情況好嚴重..你地既小朋友都會有野肯食，

我個仔由兩個月大開始唔肯飲奶，初時以為佢食滯左唔食，

比時間佢啦，點知日復日都係咁..又成日喊，應該係肚餓，但又唔肯食。

醫生只係話奶咀問題，換左都無用。

最後餐餐都要灌佢飲，佢飲完就無野，

但係就比唔到其他野佢食，糊仔唔食，又迫唔到佢食喎...食落去又會嘔返出黎。

到宜家就快兩yrs，都無食過固體野。因為任何食得既佢都唔肯食，不論係零食定生果麵包。總之食得既就唔要，直情唔會拎上手，唔食得野就敢放入口。
我真係無晒辦法。

宜家越大越反抗，我媽媽都餵唔到佢飲奶，佢已經唔夠營養。

去埋醫院睇兒科，都無咩結果咁......

我真係唔知點做好.....

佢餓到個人軟晒都唔肯自動食，都係要夾硬迫佢....食完佢又好似無野咁....跑跑跳跳咁.....

我問下大家有無知道咩兒科醫生，專科，我好想解決呢個問題。

佢一日一日咁大，我無可能只係灌佢飲奶，同埋都灌唔到幾耐。

我又要返工，佢一日飲五餐，就算我日日返去餵佢，佢最多都係飲到3餐。(因為宜家扭到我媽媽無辦法餵佢飲。)

我想問係咪有啲開胃藥既野，有無用？

只要佢肯自動食野就好，多少都可以慢慢黎。

唔該大家如果有咩資料方法，可唔可以幫下我。

謝謝大家！

私人傳訊

肥豬豆豆

大宅

積分: 3232

13^#

發表於 12-8-18 14:28 |只看該作者

上次去健康院姑娘點講? 而家發展如何?

我去過睇兒科專科李乃器醫生, 佢話我自己過份擔心, 話好多小朋友都係咁細粒, 做咗個簡單檢查, 冇唔正常, 發展冇問題, 開咗啲藥俾我, 講明係抗敏藥, 不過SIDE EFFECT係會易肚餓, 叫我自己諗下食唔食.

我個囡越來越多嘢講, 但越來越食得少, 全日加埋半碗粥, 500 ML奶

P.S.我個囡到家陣都仲係得四隻牙.