母乳餵哺 今日: 0 | 主題: 85707

積分: 399

1^#

發表於 12-11-6 14:59 |只看該作者 |倒序瀏覽 |打印

本帖最後由 Yeshi 於 12-11-6 17:11 編輯

我係一個在職媽媽，除左假日，大部份時間都係泵、泵&泵。本來奶量唔多，幸好努力之下將勤補絕，呀女總算可以享受到全人奶加少少儲備。

最近唔知係咪因為天氣轉，成個人都覺得好累，好多野都好似提唔起精神、有心無力，尤其當傍人都在享受、睇電視、頃計、玩、打機、食飯、同BB玩、瞓覺等等嘅時候，而我就係度泵奶... 我就特別妒忌...

晨早六點，天剛開始亮，我習慣數數手指然後同自己講：「太好了，沉晚瞓到五個鐘！」，帶住半開半合嘅眼珠連袋爬出被單去囉泵同樽，然後一邊聽住C6鼻寒聲同睇住呀女個甜睡樣...我嘅「新一天」又開始了...

中午lunch前十五到二十分鐘，一見老板唔唯意即刻去pantry 丁定飯，以便一「打鐘落堂」可以用6秒6嘅時間倒晒入口，skip左咬嗰part，然後一邊徑步去殘厠泵奶一邊吞落肚...

好累啊!! 不禁問問自己：「呀女而家先四個月大，我能撐到佢歲半兩歲或以上嗎??」

0 0 0

私人傳訊回覆引用

oiyan3010

積分: 1523

BK Milk勳章

2^#

發表於 12-11-6 15:18 |只看該作者

撐住呀，諗下仲有2個月亞女可以開始食固體食物會好好多，我成日都係咁諗，比啲正能量你啦

私人傳訊回覆引用

積分: 399

3^#

發表於 12-11-6 15:26 |只看該作者

回覆：oiyan3010 的帖子

多謝你呀

係咪呀女開始食固體食物後就可以唔洗再迫自己泵咁多？

私人傳訊回覆引用

trachan

積分: 3199

畀面勳章 BK Milk勳章

4^#

發表於 12-11-6 15:27 |只看該作者

頂住呀! 有jm話辛苦一兩年換來bb一世健康係值得的. 見其他post有些bb唔食人奶或者媽媽唔夠奶餵, 相比自己已經好幸福.
同埋聽講到咗6個月開始食固體就輕鬆好多架啦. 奶收咗就追唔番架啦. 你可以去shopping下, 或者食餐好的去鼓勵下自己咁叻餵咗4個月.

私人傳訊回覆引用

積分: 399

5^#

發表於 12-11-6 15:40 |只看該作者

本帖最後由 Yeshi 於 12-11-6 15:41 編輯

回覆 trachan 的帖子

多謝你呀. 其實我今日心情真係好down, 已經好過份咁食左成排朱朱力.. 又唔敢食太多, 怕肥同對呀B冇益..

為左呀B我會努力. 只係, 有時我覺得同C6講佢都唔明.. 似乎只有呢度D媽媽們先真正明白到我O既感受

私人傳訊回覆引用

trachan

積分: 3199

畀面勳章 BK Milk勳章

6^#

發表於 12-11-6 15:53 |只看該作者

男人係咁架啦. 佢唔搞破壞已經好好啦. bb將來一定會明白媽媽的苦心同辛苦.
同埋我地中國人介口算做得好好的, 外國人邊會唔食呢樣唔食個樣. 只要唔好回奶食物, 有時食下朱古力都唔相干的.

私人傳訊回覆引用

alolo

積分: 4257

7^#

發表於 12-11-6 16:25 |只看該作者

係呀, 唔好迫自己迫得太緊, 其實可以放鬆少少, 食下朱古力, 飲下可樂 tum 下自己, 我覺得唔係勁食, 應該冇乜問題! (我都有食, 有飲咖啡, 試過一次飲酒, 但之個成日泵既奶都倒哂, 要好捨得至可以!) 捱下捱下, 我仔都7個半月喇! 上面jm講得好岩, 到六個月食固體就好好多, 起碼唔駛半夜泵, 跟住如果佢食得好, 好快食兩餐固體, 咁d奶就變左副食, 依家我仔有時飲8安, 有時飲5安, 我都唔理佢咁多, 只要固體食得好, 玩得訓得又正常增重就得!!

媽媽加油呀! 你己經做得好好, 唔好迫得太緊!!

私人傳訊回覆引用

puipui0101

積分: 1478

8^#

發表於 12-11-6 16:41 |只看該作者

回覆：突然感覺好累，我還能撐下去嗎？

我都係在職泵媽，你的辛苦我明白，平時早起都算，如果仔仔晚上扭計，我更加想喊。我做零售，忙起來泵無定時，好怕唔夠奶，但未到最後一刻，只要仲有奶俾仔仔，我都撐下去，今日我仲買了個新fridge to go 為逼自己餵落去，要花D錢

私人傳訊回覆引用

kforkaren

積分: 1430

9^#

發表於 12-11-6 17:12 |只看該作者

完全明白！有時真係覺得好累。。。BB到六個月食固體時唔洗追奶追得咁辛苦，會舒服多D。不過我而家又覺得另一種累，就係晚晚準備BB第二日嘅食物。。。算啦，做媽媽就係累架啦！一齊加油！

私人傳訊回覆引用

momoakira

水晶宮

積分: 57088

開心吸收勳章 BK Milk勳章

10^#

發表於 12-11-6 17:14 |只看該作者

回覆：突然感覺好累，我還能撐下去嗎？

我餵全人奶餵足21個月入面阿仔未病過，除左打完針有時發少少燒，一晚就會退
睇番同期其他同事個d奶粉b成日要請假帶bb同睇醫生，所以我覺得餵人奶辛苦係有價值既

私人傳訊回覆引用

積分: 399

11^#

發表於 12-11-6 17:15 |只看該作者

回覆 puipui0101 的帖子

係呀. 上星期呀女有幾晚突然飲番夜奶, 晨早四五點係度喊肚餓, 我o個幾日番工都係似遊雲咁.

Fridge to Go 真係好貴呀, 不過物有所值. 我番工後呢兩個月都係keep住用佢呀女先有新鮮拉拉飲

私人傳訊回覆引用

積分: 399

12^#

發表於 12-11-6 17:17 |只看該作者

kforkaren 發表於 12-11-6 17:12
完全明白！有時真係覺得好累。。。BB到六個月食固體時唔洗追奶追得咁辛苦，會舒服多D。不過我而家又覺得另 ...

你個囡囡超可愛呀!!!!

點評

kforkaren 多謝曬！見女女健健康康，有有返D動力冇咁累

你都要咁吖！發表於 12-11-6 17:29

私人傳訊回覆引用

kellychan77

積分: 1095

13^#

發表於 12-11-6 17:30 |只看該作者

明白你感受，加油啊！

私人傳訊回覆引用

天藍小妹

積分: 1439

14^#

發表於 12-11-6 17:54 |只看該作者

真係好攰 ! 半夜要起身泵奶，早上比完BB埋身飲又泵，係公司有時間就泵兩次，冇就一次，放工返到屋企埋身，仲要洗奶樽，STEAM ，先可以訓，之後又重複。
昨晚訓得5個鐘，今朝真係唔想起身，但一諗到唔起身BB就冇奶奶飲，即刻跳落床。

私人傳訊回覆引用

天藍小妹

積分: 1439

15^#

發表於 12-11-6 17:58 |只看該作者

kforkaren 發表於 12-11-6 17:12
完全明白！有時真係覺得好累。。。BB到六個月食固體時唔洗追奶追得咁辛苦，會舒服多D。不過我而家又覺得另 ...

BB 到左六個月食左固體之後就唔洗飲咁多奶啦，咁大家仲會維持泵幾多次奶同埋一般會飲幾多餐奶架 ??

私人傳訊回覆引用

MrsWongJr

積分: 1815

16^#

發表於 12-11-6 18:21 |只看該作者

回覆：突然感覺好累，我還能撐下去嗎？

完全明白同體會到你感受，我老公成日夜晚唔訓上網我都好想鬧佢「有得訓點解唔訓，早D休息然後半夜或者朝早起身幫手掃下風都好!」我覺得生活完全圍繞住人奶，食飯係為咗多奶，一有時間一係訓多D做奶，一你泵多次追奶，返工就望住個鈡幾時泵奶（我返工泵3次），但係每朝埋身見到BB陶醉個樣我就又重新有動力繼續落去。
捱下捱下我BB就6個月！希望他吃固體吃得好我可以壓力少點

私人傳訊回覆引用

mansum92