夫婦情感 今日: 0 | 主題: 42808

積分: 207

1^#

發表於 05-2-28 10:09 |只看該作者

做女人係咪一定要忍

看了很多BK媽的經歷，　我在想做了人老婆係咪一定要忍身邊的男人，　我已經做哂我做人老婆要做的本份，　我老公仍然好唔滿足，　我一日返十二粒鐘，　放工返到屋企仲要打掃，　并不是普通打掃，　因我老爺９９係好污糟，　我老公學了他們成日掉垃圾在地上，　我都習慣了不出聲，　我老公欠人錢，　屋企一切開銷都是我在付，　他份糧只用來還錢，　但他卻洗腳唔抺腳．　出了張信用卡當時是想以備不時之需，　但每個月都碌爆，　結果成份糧都係用來找卡數，　我仲要稠脹孩子今年讀幼稚園，　但如果個男人對我好就什麼都抵，　但他一味只要求我對佢好，　我為他付出，　到他覺得我符合他要求先會對我好，　我和他一起時都有憧憬他會好，我對他說窮不要緊，　只要有上進心，　但他卻不是，　我份工做兩年他卻換了五六份，成日個口話想快些還錢，　但成日去請人飲酒，　個人大男人，　但卻不懂男人是要保護女人，　小事不用他幫，　大事他幫不到，　總之家中有什麼都是我一個人在撐，　脾氣大，　但吵架時像個女人，　不講道理，　太多．．．．．

我真的想離開，　我想找個人可以讓我把身上的重擔卸下，　而不是把他的重擔放到我身上．　我如果要同他分開，　我要一大筆資金，　找人湊孩子，　一切一切都令我卻步，　我真不知究竟該忍下去定把心做個單親媽媽 :cry: :cry: :cry:

私人傳訊

積分: 6387

2^#

發表於 05-2-28 10:14 |只看該作者

Re: 做女人係咪一定要忍

heichunmother,

我想問下你...你係同老爺和奶奶一齊住的嗎?
層樓..係邊個的呀?
你每個月比個家的付出($)係你收入的幾多% - 只計老公(還$)和供樓(如有), 及比$老爺奶奶的家用....

要比意見你...呢幾個問題好重要....

私人傳訊

積分: 11510

3^#

發表於 05-2-28 10:22 |只看該作者

Re: 做女人係咪一定要忍

其實未必一定既,只係睇你同佢一開始時大家係點去相處,如果一開始係得你對佢處處忍讓,結果都只係換來佢既蝦蝦霸霸,因為你已經縱壞佢,有時我老公都係咁架,對佢好時佢硬係會有啲臭脾氣或者係啲難頂嘢俾我受,我本身亦係臭脾氣既人,不甘示弱,所以見佢有乜唔妥,就會用番佢對我既態度對番佢,以彼之道還施彼身,等佢自己受吓,咁佢就唔會越嚟越放肆!

其實你都可以咁架!男人唔係大哂!有時候,你都要好似湊仔咁指出佢既錯處嚟,等佢知自己做錯!例如佢將啲垃圾扔响地,如果你有勇氣玩大佢,大可以飯後當住佢面前將啲餸頭餸尾掉落地下,佢問你痴咩線,你咪話:"無呀,見你平時都係扔垃圾响地,你又覺得無問題,你係我老公,我咪學吓你囉!吖!又真係幾方便!"然後當無事發生,坐低un un腳睇電視,佢唔幫你執番佢時,你都唔好去執,大家鬥污糟囉!

我有時都會咁恰番我老公轉頭,做番佢做嗰啲嘢,佢咁大個人一定知自己衰咗啲乜,然後識得自動自覺嚟氹番我,改善番佢既態度同壞習慣.所以,千祈咪忍呀!

私人傳訊

積分: 207

4^#

發表於 05-2-28 10:23 |只看該作者

Re: 做女人係咪一定要忍

我地住公屋，係佢老豆名，老爺９９不用我兩俾錢，　佢地知佢個仔無錢，知我要揹起頭家，　佢地有工返，　仲有，　我係未婚生子，　和他同居，　無註冊

私人傳訊

積分: 207

5^#

發表於 05-2-28 10:27 |只看該作者

Re: 做女人係咪一定要忍

我一個月放在家中的錢．．．佔我人工５０－６０％．

私人傳訊

積分: 6387

6^#

發表於 05-2-28 10:31 |只看該作者

Re: 做女人係咪一定要忍

bandband講得arm呀...如果你唔打算走...就一於鬥氣啦....

仲有..如果係未結婚註冊的....
唉~~佢地會唔會係覺得有你係度, 就有人執下頭家...個仔的經濟負擔,反而有人幫佢呀?

聽你咁講...老爺同奶奶係好錫你老公的...

恕我直言....我係feel到...佢地係利用你,你尚有利用的價值...所以你地會一齊住.....當你係一個會比錢出來的工人呀...

如果你經濟ok的..不妨搬出去住...當然,無必要同老公地話攤牌,或嘈的...借d易..話bb要返學..個地點唔方便囉...

老公..我相信, 佢唔會離開你..因為財政大臣係你.....你一直唔發火..佢就蝦你姐....

私人傳訊

積分: 11510

7^#

發表於 05-2-28 10:31 |只看該作者

Re: 做女人係咪一定要忍

你都算好喇!仲有四成可以駛其他嘢/儲起...我仲慘過你...我基本上成份人工都攞去支付屋企支出,依家我仲要失業,頭先剩係交咗管理費差餉煤氣費,已經駛咗我銀行戶口三分二既錢...無計啦!都係要捱,你跟住佢,就預咗要一齊捱,不過你至少慶幸既係你有個明事理既老爺同奶奶,起碼佢地都鍚你地啦!

heichunmother 寫道:
我一個月放在家中的錢．．．佔我人工５０－６０％．

私人傳訊

積分: 207

8^#

發表於 05-2-28 10:32 |只看該作者

Re: 做女人係咪一定要忍

bandband:

我老公唔受得呢套，　佢係一個唔可以大佢

私人傳訊

積分: 11510

9^#

發表於 05-2-28 10:34 |只看該作者

Re: 做女人係咪一定要忍

完全同意!佢地根本係靠你去生存,所以查實佢地又真係幾驚你走架!

chickchick 寫道:

老公..我相信, 佢唔會離開你..因為財政大臣係你.....你一直唔發火..佢就蝦你姐....

私人傳訊

積分: 6387

10^#

發表於 05-2-28 10:34 |只看該作者

Re: 做女人係咪一定要忍

heichunmother,

嘩~~動手????

咁好啦...你唔好幫佢還錢....

你睇下佢地一個家和筆債....無你個50%會變成點???

佢動手..你就徹走d資金啦...

私人傳訊

積分: 207

11^#

發表於 05-2-28 10:38 |只看該作者

Re: 做女人係咪一定要忍

我老爺９９係錫佢地個仔，　佢兩個先係屋企

私人傳訊

積分: 11510

12^#

發表於 05-2-28 10:39 |只看該作者

Re: 做女人係咪一定要忍

佢試吓郁手!你咪報警囉!你又唔係佢合法老婆,怕佢啲咩呀?做男人有本事既話,咪買層樓養你囉!仲學人郁手打女人???我覺得唔應該因為佢係點既人而怕佢忍佢!我老公夠係出名超級臭脾氣啦,連朋友都試過俾佢打到瞓地,我咪一樣咁反佢!講真,女人唔係老馮怕哂啲男人架!佢對你唔好,你駛乜仲對佢咁好?可以既話,好似chickchick所言,你真係要搬離呢個屋企!講真,你家吓又唔係靠佢,係佢地靠你,你都有能力去養家,為乜依家要受氣仲要養埋佢????[quote]
heichunmother 寫道:
bandband:

我老公唔受得呢套，　佢係一個唔可以大佢

私人傳訊

積分: 11510

13^#

發表於 05-2-28 10:46 |只看該作者

Re: 做女人係咪一定要忍

如果比着任何人遇着呢類'愛生事家庭'實癲都似!一家人都可以成日為錢而家嘈屋閉,又唔理人感受,又搞到d地方污糟,你試吓數吓佢地有咩係對你好喇,如果數唔到,呢啲地方你都係唔好再逗留,講真,你都係人嚟架!又未同佢結婚,做咩要受埋呢啲咁既氣啫?如果真係一個負責任而又真係愛你既男人,點解佢一早唔主動同你結婚,努力賺錢養家,唔好話養唔養得起老婆先啦,至少都一人一半啦,再者,真係愛你既係唔會郁手打你,如果我俾隻佬打,我實還拖架!驚咩呀?佢打得我點解我唔打得佢呀?有時啲嘢真係相向架! :evil: [quote]
heichunmother 寫道:
我老爺９９係錫佢地個仔，　佢兩個先係屋企

私人傳訊

積分: 207

14^#

發表於 05-2-28 10:49 |只看該作者

Re: 做女人係咪一定要忍

我都有諗過，　但我都唔可以話走就走，　依家我個仔係佢家姐湊，　佢家姐好錫我個仔，　除了奶粉尿布係我地付，　佢會買其他日用品給BB，　我要找地方，　而且我要儲點錢．　我如果不交租，　叫佢交番，我驚未搬就俾人趕走．

仲有，　我返工時間很長，　要找人湊BB要好貴．　好煩　

私人傳訊

積分: 207

15^#

發表於 05-2-28 10:55 |只看該作者

Re: 做女人係咪一定要忍

我識佢時已同佢講過我最憎人打我，　但佢有時話我同佢嘈佢覺得我唔

私人傳訊

積分: 6387

16^#

發表於 05-2-28 11:05 |只看該作者

Re: 做女人係咪一定要忍

heichunmother,

帶bb去日託的幼稚園啦......
再請你個邊的朋友湊開bb的幫你湊多幾個鐘.....
搬去新界..都係3000租姐......

唉...唔好想話佢家姐叫錫bb喇...點錫都唔及媽媽個種錫啦....錫唔錫, 呢個唔係重點....

你話無了你...連租都無得交..佢地....
咁你更加要反擊啦...仲等?

你處上風呀!

私人傳訊

積分: 11510

17^#

發表於 05-2-28 11:08 |只看該作者

Re: 做女人係咪一定要忍

你係咪未識呢個人之前曾經俾前男友打過?你有話過俾佢知?如果係既話,佢就係知道你'打得'所以先至咁放肆去打你!再者,你唔需要驚俾佢地趕走,佢地根本唔捨得送走個財神(你),無咗你,佢地開支突然大咗成倍,佢地一定唔會蠢到一野斷自己米路...其實你可唔可以先搬番去外家住?外家既人可唔可以幫你湊住bb先???唔係叫你即刻走,你都要時間去準備,但真係唔需要驚佢地囉!佢試吓再打你,你就即刻報警驗傷,唔理告唔告得到佢,至少都要俾佢知道你唔係咁好蝦!有時女人真係唔可以軟弱! :evil: [quote]
heichunmother 寫道:
我識佢時已同佢講過我最憎人打我，　但佢有時話我同佢嘈佢覺得我唔

私人傳訊