現任老公-
我剛剛結婚四個月,但我地拍拖唔夠一年,係因為意外懷孕而結婚,我好想要bb,我唔捨得唔要佢,所以我選擇結婚,但係我跟本就唔愛我老公。我老公係一個好老實又顧家既男人..佢會係一個好爸爸,亦都會係一個好老公,所以我選擇結婚。我地結婚無擺酒,佢無俾禮金,而我地亦分開住...係咪好怪呢?因為咩?我地無錢囉!起初我以為自己乜都唔介意,一心諗住想給肚裏bb一個名份就算,但係日子耐咗,自己身邊亦發生好多事,我媽咪老人痴呆初期,自己好俾心機返工都係得個幾千蚊人工,事事變得好唔如意,我已經笑看人生,但係其實一直都好介意,好介意自己有個咁無用既老公,佢乜都幫唔到我,我有問題同佢傾,佢只會聽但係乜都做唔到,我地無地方一齊住,都係我一手一腳去申請公屋,bb出咗世後佢有幾日黎陪我,但係佢竟然無抱過個囡,因為佢唔敢,奶又唔識餵,片又唔識換,佢驚會整親bb,幾日都係睇住我點湊囡囡,佢係到反而仲俾到壓力我,我叫佢唔好上黎,佢話唔緊要,佢上黎都幫唔到手。由我地結婚開始,我地有好多嗌叫,意見不合,我發覺跟本同佢相處唔到,性格不合,個人漸漸變得好無感情,久而久之開始對佢有埋怨,佢唯一最好既優點就係忍,佢由得我發脾氣,黑口黑面對住佢,我叫佢做乜就做，毫無意見,反而我覺得佢好無用,好激氣,我覺得佢加重我既負擔,由我有BB到而家,全部事都係我自己一個去解決,我老公覺得我係一個女强人,覺得我好叻,但係佢跟本唔明白係佢迫到我變成一個女强人,其實我只不過係一個小女人,我要人地關心,幫我解決問題,減輕我既負擔。我好想同佢講清楚,離唔離婚都唔重要,我怕講出黎會破壞整個家,我唔想囡囡無咗個爸爸,因為我都係單親家庭長大,我而家覺得好痛苦,我覺得好對唔住囡囡,係我任性要生佢出黎.我唔想佢受苦。
前度男友-
佢係我幾年前既男朋友,我地行咗兩年半因為第三者而分開,而我一生人最愛就係佢,分手之後我好心痛,心痛既程度我肯定以後都唔會再有,過咗兩年,佢知我仲好愛佢,我地發生過關係,因為我好愛佢,我唔可以無咗佢,但係佢依然同緊第三者一齊,過後自己漸漸開始明白過去就由得佢過去,係唔可以返轉頭,只有把以前忘記先可以重生,個人開始成熟起黎,係呢個時候佢同第三者分手,分手原因都係因為第三者,哈哈!報應嘛?我知道今次分手令到佢好傷心,好痛苦,但係佢無表現出黎,因為佢係一個大男人,但係我地並無係番埋一齊,因為我已經同咗我現任老公一齊,而我地關係--就係一對好好好朋友,我地實在太過了解對方了.佢分手之後成日都打俾我,而佢亦都有過好多女朋友,但係我知道佢而家呢一刻最愛既係我!係早幾年我生日既時候佢離我而去,正正生日個日佢同第三者一齊,個年既生日我好傷心,哭得死去活來,我求佢回來我身邊,但係佢無理過我,今年生日竟然收到佢電話,因為我老公要返工,所以我同佢一齊過,醉意之下佢同我講 :係我對你唔住,係我對你唔好,而家只要你開心就得勒,你老公對你好我就放心,如果佢蝦你記住同我講,我唔會俾任何人傷害你,只要你開心我就開心.哈哈~等了幾年終於等到呢番說話,我好清楚佢係一個大男人,佢重來都唔會講有幾愛我或者對唔住,佢終於都內疚,我聽完真係好感動,亦都好心痛,呢番遲來的說話可以作出彌補嗎?由我大肚到而家佢一直都有打俾我,佢打黎既目的都係關心我,俾我老公更加關心我,我地乜都傾,就係我地兩個之間既感情避而不談,但係佢一直都同我好朋友講,係佢辜負左我,係佢對我唔住,發覺我係最好,不過可以點丫?因為我已經結咗婚,我朋友叫佢搶我返黎,佢話俾D時間佢,我知道佢跟本未玩夠,而佢亦未準備好負起咁大既責任,佢知我愛既係佢,佢都係,佢一日未定性都唔會同我一齊,而我都無渴求d咩.
我只想同一個我愛既而佢又愛我既人一齊長相廝守,開開心心,快快樂樂,平平安安渡過一生,好好孝順媽咪,安安穏穏,好好享受下半生,有一份可以養得起全家既工,唔駛擔心生活問題,但係....但係點解會咁難既?有時覺得做人好辛苦,身不由己,我好想離開唔再玩呢個遊戲,但係我走咗,為我傷心既人比我活在現實中更加痛苦,我唔想傷害佢地,我唔知自己可以撐到幾時,我怕我崩潰之後就係社會上既一個負累.
:party:
:-D
懷孕
健康
煮意
遊樂
熱話
學校
管教
移民升學
理財
潮流
使用意見
故障報告
下載APP
關注我們
發表於 
返回列表
