＋
Baby Kingdom - 親子王國 香港 討論區 › 首頁 › 夫婦情感› 我想走...............

夫婦情感

收藏本版
發帖
返回列表
跳至頁
我想走............... [複製鏈接]

首頁
1

尾頁
   0
Baby-Cute


洋房

積分: 43


1#
發表於 04-11-20 06:29 |只看該作者

我想走...............

我同你講我受究啦, 你要返工你會倦, 我每日對住兩隻小魔怪就好精神, 我湊住兩個就唔辛苦, 我唔怕冇錢, 我唔須要名牌, 我唔須要買靚衫, 我只係想你陪我, 但你每日都話好眼瞓, 打電腦同睇波到4-5點就唔眼瞓, 係對住我先眼瞓, 未生bb前就話會幫手, 而家你除咗識打d仔女之外仲識做d咩, 叫你睇住個仔比我去洗奶樽, 又話好, 點知你又瞓著咗, 呀仔個頭瘀咗你又唔知, 問你仲咩唔睇住個仔, 你就話聽到我把聲好煩, 咩都係我錯, 係呀嫁比你同你生bb都係我錯呀, 得未呀, 話我唔企喺係果邊想吓, 我知你好倦, 咁你可唔可以幫手做好d野一齊去瞓呀, 咁你又有冇想過我呢, 每日起身就做同一樣野, 叫你陪吓我又好眼瞓, 我好悶呀, 因為你所以我就冇自由, 冇朋友, 日日喺屋企唔知等乜, 等一個唔理我嘅人返, 我憎死你, 你既然聽到我把聲好煩, 我以後都唔會同你講野, 我唔係同你講笑, 如果唔係對仔女我一定會走, 係唔係都冇人陪, 不如找個有錢嘅好過啦, 至少有d錢陪呀, 我心淡啦, 我今年得28歲咋, 你唔好浪費我d青春, 浪費我d時間呀, 我都唔想煩你呀, 衰人, 忔人憎,
私人傳訊

陳太


大宅

積分: 1370


2#
發表於 04-11-20 09:24 |只看該作者

Re: 我想走...............

Baby-CUTE

不要勞氣。你丈夫唔珍惜你。唔緊要。
你做好自己做太太及母親的責任就夠。
有時我們唔可以要求別人，同樣珍惜你。
人家有選擇的。

好似我咁，我丈夫有時都唔幫手。
我咪自己做Law
慢慢做一定得架。
我自己一個人照顧3個兒子
一個3歲、一對1歲孖仔
我丈夫又係喜歡玩。

我23歲、丈夫24歲。
我的青春都無啦

有時，唔可以咁計的........
你嫁得俾佢，就不應後悔。
結婚是你情我願
唔通你迫你丈夫娶你呀

你又有無嘗試和他3口6面講清楚
或者你丈夫未開竅啦
始終女人比男人早熟

我相信你是一個盡責的媽媽
baby_cute唔開心，可以上來「呻」下
希望你在bk找到更多媽媽朋友

祝你生活開心

我星期一去瑞士旅行
一個月後回來，
到時希望你和丈夫關係可改善

為你祈禱

你的新朋友
陳太
「每一日我主，我懇求三件事， 更深刻認識你， 更虔誠敬愛你， 更緊緊地跟隨你，每一日。」
私人傳訊

angelmak


大宅

積分: 2974


3#
發表於 04-11-20 10:48 |只看該作者

Re: 我想走...............

Baby-Cute,
好多男人都係咁o家! 我嗰個都係咁啦!
走? 我都好想, 但係個女呢? 眼見佢宜家返學返得咁開心, 又忍心咩?!
我今年得24歲, 咁我啲青春咪仲浪費, 不過我只會比多半年時間佢改善, 如果佢都係咁, 我都會恨心啲... 你都比個時限自己啦! 過吓一年, 過吓又一年, 容乜易到老呢?
2個寶貝~雅詠&灝泯
私人傳訊

my1215sui


男爵府

積分: 6328


4#
發表於 04-11-20 11:38 |只看該作者

Re: 我想走...............

我老公咪又係咩都吾做,只是打機,睇波,玩電腦.....
我就要返兩份工,我只想生活好o的,但現在大住個肚就返吾到兩份lu....我地已經冇咩錢,所以搬返同老爺奶奶,寄人離下這種感覺真係好難受呀.....我好吾開心,我嫁比佢要捱都預左,但起碼自己有頭家,開開心心,但現在家又冇,又吾開心,又要比咁多錢....仲要冇私人空間,老公又吾明白,佢成日話佢由小到大都係咁.....但我吾係ma....我吾需要養埋佢屋企人ma....佢自己都吾夠食,大部份o既野都係我比,我都冇同佢計....但現在住我咁吾開心佢都吾體諒,佢跟本都吾明白我.....
我都好想走,好想返媽咪到,但現在我大住個肚,七個月呀.....
所以我決定坐月都返自己媽媽到,吾理佢地.....直至我放完假為些我先會返去呀

私人傳訊

yannstan


大宅

積分: 1163


5#
發表於 04-11-20 11:50 |只看該作者

Re: 我想走...............

死啦, 我嗰個會唔會又係咁o架, 佢又係鍾意打機,睇波,玩電腦......我依家個肚七個多月, 我問佢會唔會幫手, 佢話當然會啦......我驚佢又係貪口爽...
私人傳訊

andreaaaa782004


禁止訪問

積分: 30347


6#
發表於 04-11-20 13:40 |只看該作者

Re: 我想走...............

提示: 作者被禁止或刪除 內容自動屏蔽
私人傳訊

garytai


大宅

積分: 2920


7#
發表於 04-11-20 20:26 |只看該作者

Re: 我想走...............

其實我老公都係咁, 我地依家屋企好靜嫁, 好少傾計, 就算傾都係坐起電視旁等賣廣告時傾下計, 之後我就自己上網, 睇書, 佢咪起度睇戲, 對住部電腦囉! 你咪當俾d空間佢, 試下搵d興趣, 唔使等佢返黎陪自己, 咁佢同你都開心d
私人傳訊

yuenwa


男爵府

積分: 5774


8#
發表於 04-11-21 00:31 |只看該作者

Re: 我想走...............

我老公話24歲就做返24歲會做的事, 男人在24歲時的確最喜歡不分早晚打機, 上網。

我回想我老公24歲時都是這樣的人, 所以當時我沒有和他結婚和生BB, 一直等到他28歲結婚, 32歲才生BB, 所以而家我老公會和BB沖涼, 和BB玩, 等BB睡覺時才做自己喜歡的事。

我不敢說24歲便已結婚生BB是浪費青春, 但現今花花世界, 有太多娛樂和誘惑, 24歲是很難定性的, 尤其男人, 所以奉勸各位未有BB的人, 最好先好好的享受一下花花世界, 才修心養性去個父母。
私人傳訊

fish123


別墅

積分: 522


9#
發表於 04-11-21 01:30 |只看該作者

Re: 我想走...............

Baby-Cute,
我絕對明白你ga感受,你幫我講左我想講ga說話,我同佢講又講過,吵又吵過都無用,佢重話我煩,,又話我太囉嗦,又話我唔企喺係果邊想,..........重有好多,好多令我傷心ga說話!佢重話聽到我把聲就好煩, 但我自己係房搵d興趣,自己上網, 睇書, 唔使等佢返黎陪自己!,俾d空間佢,佢自己起聽度睇戲,打機,佢又話我唔關心佢,.....你想我點ar!:evil: ,我今年只得23歲咋,我而家大住個七個月肚,大囡只有1歲半,唔係我可能已走了! :evil:
愛一個人！ 要了解，也要開解；要道歉，也要道謝；要認錯，也要改錯；要體貼，也要體諒； 是接受，而不是忍受；是寬容，而不是縱容；是支持，而不是支配；是慰問，而不是質問；是傾訴，而不是控訴；是難忘，而不是遺忘；是彼此交流，而不是凡事交代；是為對方默默祈求，而不是向對方諸多要求； 可以浪漫，但不要浪費；可以隨時牽手，但不要隨便分手。
私人傳訊

adaleung0716


男爵府

積分: 5554

好媽媽勳章 畀面勳章


10#
發表於 04-11-21 09:46 |只看該作者

Re: 我想走...............

........話
原來所有24歲的男人都是這樣打電腦......
我隻佬都係...我就成日鵝他不和仔仔玩只是ALWAYS
打電腦.....
私人傳訊

haileymama


水晶宮

積分: 67068

好媽媽勳章 醒目開學勳章 畀面勳章 hashtag影視迷勳章


11#
發表於 04-11-21 20:39 |只看該作者

Re: 我想走...............

Baby_cute：
我個老公都係一模一樣，佢仲要衰多樣....爛賭！咁我又可以點呀，你鬧佢咪盞自己勞氣，不如得閒上黎同bk既媽咪傾偈仲好啦，我相信呢度既媽咪一定善解人意過你老公！
將嬲佢既精力，留俾對仔女，好好栽培佢地仲好啦，唔好理你老公喇！
私人傳訊

歌莉亞


伯爵府

積分: 18338


12#
發表於 04-11-21 21:15 |只看該作者

Re: 我想走...............

你不用勞氣，你越勞氣，關係就會更差，我以前亦同你一樣，好嬲我老公成日對住部電腦，得我自己理個女，我一話他，佢就話我煩，我曾經因為好嬲而剪了電腦條線，當時我真的很激氣，因為他第二日又買一條新的線回來，我完全不明白電腦為何這麼吸引，同網上的人傾仲多過同自己個老婆傾。(我當時是不懂得上網的，是好幾年前的事)總之，大家的關係搞得很差，我越多抱怨，佢就更變本加利。
後來個女開始大，而自己亦明白到自己都需要有自己的娛樂、興趣(當然以前都有，但常為了頭家，將所有的時間都付了出來，好像沒有了朋友和興趣，因為沒有時間吧)於是便做多一些自己喜歡做的事如看書、跳舞等，後來我還懂得上網，在這裡跟大家談天說地，我現在上網的時間可能仲多，我便明白到上網的樂趣，當時佢可能太大壓力所以上網舒緩一下吧。現在我們的關係好好，佢亦很樂意跟個女玩，教個女做功課和每星期我們都有家庭樂。所以，不要向負面想，你應想想小朋友大了便沒有這樣困身，到時你們的關係可能會有180度的改善。
私人傳訊

Lavenda


等待驗證會員

積分: 187


13#
發表於 04-11-22 00:13 |只看該作者

Re: 我想走...............

我老公都係咁, 所以我絕對唔會生細路(佢都唔想要),
我知道佢係生左仔就唔會理果d人,
我唔會同呢種男人生仔.
而家我地各自各上網, 不知幾爽.

我有個朋友, 大學畢業, 原本自己有份工,
因為想有好既家庭教育寧願自己係屋企湊仔唔做野,
佢老公最初都話幫手湊, 但到頭來咪又係我朋友湊晒.
d細路梗係成日痴住阿媽, 佢老公用呢個做借口話細路唔跟佢,
我朋友一個月先爭取到一晚同朋友出街食飯,
仲要急急腳返屋企果隻, 唔係電話追住問幾點返,
仲衰過菲傭.
私人傳訊

Maggie519


大宅

積分: 4978


14#
發表於 04-11-22 02:58 |只看該作者

Re: 我想走...............

好多2X既老公都係甘架,佢地仲未玩夠呀馬,我朋友個老公咪又係甘,佢仲衰玩第三者呢樣tim,所以妳唔駛甘唔開心既,比心機湊亞B仲好,亞B大左會鍚side妳架啦
私人傳訊

Baby-Cute


洋房

積分: 43


15#
發表於 04-11-23 14:53 |只看該作者

Re: 我想走...............

好多謝各位, 我同佢已傾過啦, 總算好番, 其實我老公唔係你地講嘅24歲, 佢今年已經34歲啦, 都仲係冇d責任感, 成日只顧自己, 我先會咁嬲, 我同佢反面果日佢朋友又同老婆嘈, 我老公居然走去同朋友傾都唔發覺我嬲佢, 人地老婆仲緊要過自己老婆, 你話嬲唔嬲呀 :evil: :evil: :evil: ,不過點都好啦, 多謝你地關心
私人傳訊

占仔


民房

積分: 39


16#
發表於 04-11-23 21:00 |只看該作者

Re: 我想走...............

我老公今年32咪一樣係個大細路咪玩夠, 同大家既老公一樣鍾意打機, 玩電腦同睇波(賭波), 我依家個b都快5個月, 佢都話生左之後會幫手, 但我唔會抱太大希望, 如果佢唔幫手我都唔會太嬲, 佢會主動幫手咪當bouns囉, 搵另一個咪一樣會係咁, 始終個句 "天下男人一樣黑" 呀 ?-( ?-( ?-(
私人傳訊

Coco926


禁止訪問

積分: 3892


17#
發表於 04-11-24 14:01 |只看該作者

Re: 我想走...............

提示: 作者被禁止或刪除 內容自動屏蔽
提示: 作者被禁止或刪除 內容自動屏蔽
私人傳訊

曳人


大宅

積分: 1431


18#
發表於 04-11-24 14:04 |只看該作者

Re: 我想走...............

唉~~~~我老公36歲咪一樣, 我諗呢個係性格問題, 唔關歲數事
明日之<猩> - 卓彥
私人傳訊

dudu19812002


男爵府

積分: 5646

醒目開學勳章 2011精緻種植勳章


19#
發表於 04-11-24 14:52 |只看該作者

Re: 我想走...............

Baby-Cute :

你唔好咁激動,其實我個老公都好似你老公咁的呀!我同我老公成日因為工作,家庭事務,個囡來嘈的呀..有時我仲鬧都喊,咁我成日叫佢企0係我立場諗下啦!咁佢每次都一係唔出聲,一係就話我係咁家啦!我個性格係咁家,改唔到喎,咁我同佢講,咁我只係想你明白我,我知道你開工係辛苦,但我又要湊仔,什麼也做不到,我都想你陪下我,佢又係好似你老公咁,我好眼訓,喜歡就理下我,唔喜歡就唔睬我,我都唔知佢當我係什麼??
我有時覺得自己似工人多過似佢老婆,我都有時覺得唔結婚好過結婚,我得23咋!我跟左佢三年啦!!!拍拖同結婚後兩樣野咁,有時都後悔,但一諗到個囡就打消了同我老公分開,咁我覺得你應該冷靜地同佢傾下,如果唔係你既容忍量就會爆炸.....我都有同我老公冷靜地傾完,佢真係好左好多....
私人傳訊


首頁
1

尾頁

跳至頁
返回列表
回覆
發帖
Presslogic Logo
Baby Kingdom Logo
聯絡管理員 廣告查詢 使用條款 免責聲明 使用意見

Copyright © 2026 Baby-Kingdom.com Limited. | Privacy Policy