我卒之忍到佢收工,我首先問佢(m係我,h係我老公)
m:你返黎未呀?肚唔肚餓呀你?
h:返啦,而家行去搭車,好肚餓呀,有d咩食呀?
m:咪有 xx 同 xx law!
(跟住我開始入正題)
m:你最近有冇d咩係呃我呀?
h:冇呀!咩事呀?
m:最近你有冇識咗d咩人呀?
h:最近識咗好多人喎!
m:係咩,咁係男定係女呀?
h:有男又有女law!
m:咁有冇同人傾電話呀?
h:間唔中啦!
m:間唔中?係間唔中定日日呀?
h:我冇呀!
m:冇?咁你識咗人哋幾耐呀?有冇同人出過街呀?
h:識咗半年到,見過兩次.
m:係幾時既時呀?
h:咪之前熄咗電話話同人去飲野個兩次law!
m:咁你之前又話冇女去?
h:我話有你一定唔比去啦!
m:咁你哋係邊度識呀?
h:係xxx時做野識!
m:但人哋話唔係你d同事喎!
h:佢係客黎!
m:嘩!你連d客都約出街去唱k呀?
h:我真係同佢冇野!
m:冇野?又唔見你同我去唱k?你話冇野啫,我點信你呀?你竟然可以同人講我唔比你出街?
h:咁你係唔比麻!
m:咁我點解唔比呀?
h:因為我之前衰過law!
m:咁衰過幾多次呀?
h:幾次law!
m:咁你話你要出去,又要熄電話,又唔比我同你去咁我點比你去呀?
h:我講咩你都唔信我+啦!
m:我點解唔信你,我唔信你係邊個做成+,我以前就係太信你令到我自己得到d我唔應該有既野,最終受到傷害既係我自己,你去玩個陣有冇唸我既感受呀?你明知我係屋企等你返黎,你唔返我係瞓唔到,點解你都要咁對我呀?
h:咁你而+想點呀?
m:係唔係我想點你都應承我呀?
h:咁即係點呀?
m:我要離婚?
h:唔好啦!點解要離婚,攪到咁大件事呀,我同佢真係冇野+!
m:但我真係唔可以再比你去傷害我,我已經受唔住,趁而家我重可以平心靜氣咁同你講,大家將來都重可以做朋友,但如果你要我發脾氣時,將來就唔可能有朋友做,連見我都唔會再想見到你!
h:我同佢真係冇野+!
m:今次係人哋對你冇野,你先冇野,如果下次人哋對你有野時咁點呀?過多兩年我三十啦,我唔想到我咩青春都冇晒時你走返黎同我講,話你係出面有另一女人,而家要同我離婚!我到時我真係會受唔住,我會去死+,你唔好咁對我啦,既然你唔愛我點解重要捉住我呀?其實你既然唔愛點解重要同我結婚呀?兩年前你出面有女人時,我要走,我要離婚,點解你係都唔肯比我走呀?
h:我成日以為自己唔愛你,但每次你話要走我就覺得自己係愛你,唔可以冇咗你!
m:點解要我走你先會覺得你愛我,到我唔走,你又可以一次又一次咁去傷害我?
h:對唔住呀,我真係唔會再係咁對你!
m:我唔會再信你,我就你因為太信你先攪到而家自己有咁既下塲!
之後佢返到黎屋企我再冇同佢講野,佢亦都唔敢同我講野,亦冇再解釋,今朝佢返工之後打返黎同我講,叫我唔好同佢離婚,叫我唔好走,話會改過,但我真係對呢個人已經冇晒信心!如果佢心中對我冇愧,點解佢唔敢同我講野,又唔敢正面咁回答我既問題ar?雖然到而家我都認為自己對呢個人已心死,但我個心依然係度痛........淚依然繼續流,將來既日子我依然未有計劃,我自從有咗bb之後都冇做野,做全職媽媽已經六年有多啦，離咗婚之後我亦唔知以後點去生活,但有一樣我好清楚,就係呢個人呢一世都唔會變，我再同佢一齊，同樣既只會不停咁發生，我既痛苦只會不斷咁延續落去，唔會有停止既一日！
今日佢一有時間就打返黎比我，問我唸成點，問我可唔可以唔離婚，佢唔想同我分開，又話驚我走咗之後會冇人照顧我，我會好慘，佢話佢而家真係覺得自己好愛我，唔可以冇咗我，話我而家就係佢既一切，我同個仔就係佢最親既人，冇咗我就咩都冇！佢而家咁令到我更加難受，既然愛我又點解要咁樣對我呀？又話如果唔係咁佢唔會知自己愛我，我真係覺得好好笑，到咗要失去既時先知自己愛，而家我好亂，我都唔知自己要點做好！我係唔捨得，但我真係好驚有一日佢返黎同我講，佢係出面有另一女人,而家要同我離婚!咁我真係唔知點好，同返佢一齊我好怕到我人老珠黃時會如我所料，但我又唔忍心去整散頭家！
懷孕
健康
煮意
遊樂
熱話
學校
管教
移民升學
理財
潮流
使用意見
故障報告
下載APP
關注我們
發表於 
返回列表
