吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 夫婦情感› 請大家救救我

夫婦情感今日: 0|主題: 42807

收藏本版

發帖

返回列表

跳至頁

查看: 4086 | 回覆: 22

請大家救救我 [複製鏈接]

catmimi

別墅

積分: 672

1^#

發表於 04-9-13 13:38 |只看該作者

請大家救救我

我和4年多的男友分手了,没有先兆,
只是告訴我淡了,
唔知是否時間長了, 就一定淡
我接受唔到前一刻仲好關心我, 下一秒話分就分
我在這個月里用盡方法挽留, 但他説好大壓力
自問我唔是個痴纏的人, 也給他很大的自由空間
我不明白何以他對這麼愛他的我這麼殘忍, 一句淡了, 4 年情一的留戀都冇

現在我唔知如何恢復過來我也對愛情失去了信心, 唔知該怎
樣面對以後
我傷得好重
請大家救救我

私人傳訊

kingawa

伯爵府

積分: 18528

2^#

發表於 04-9-13 15:44 |只看該作者

Re: 請大家救救我

你有否宗教過信仰?會幫到你的...請別鑽牛角尖,人與人之間是講緣份的...

我是4歲的澤銘,我最愛跑來跑去,破壞看得到的一切東西,和最愛車車

ようこそ！ご覧で下さい !

私人傳訊

stkyo

象牙宮

積分: 206249

牛年勳章 HiPP勳章(1) 2018復活節勳章 15週年勳章親子王國15週年勳章玩具勳章畀面勳章環保接龍勳章大廚勳章親子達人勳章 wyeth冷知識勳章 BK Milk勳章 hashtag影視迷勳章育兒性格勳章認識瑞士牛牛第一回認識瑞士牛牛第二回最關心BB問題熱投勳章開心吸收勳章

3^#

發表於 04-9-13 15:56 |只看該作者

Re: 請大家救救我

我先前都係同我拍咗幾年拖既男朋友分手，最初覺得好似個世界變得無意思，原因係習慣咗有一個人係身邊，無論對方關心我與否，最初個陣真係覺得好辛苦，亦都有嘗試搵返佢，可惜佢無咩反應，後期我多咗搵朋友出街，玩下，傾下心事，個人變得輕鬆好多，好似重獲自由一樣，後尾佢竟然搵返我，不過我無答應。

後期我返教會，覺得好似重獲新生咁，我仲諗住自己唔會再拍他，因為對愛情無咩信心，點知比我遇到我而家個老公，而家我個女就嚟5歲喇！我仲慶幸當初同佢分開咗。

見到你既遭遇同我以前所遇到既差唔多，所以我講返我既經歷你聽，如果感情已變，勉強黎都無用，放開心情，就會捱過呢一段時間，將來一定有機會比你遇到一個更好既男人，到時你睇番你呢段留言，只會一笑了之。

私人傳訊

catmimi

別墅

積分: 672

4^#

發表於 04-9-13 20:11 |只看該作者

Re: 請大家救救我

stkyo,
我好羨慕你.

這是我咁多年來第一次拍拖, 我本來都唔敢太投入, 但他曾經投訴我唔投入, 令他很痛苦, 我好認真地思考過, 從種種小事中,我覺得他是我可以扥付終身的人, 所以我開始投入, half year ago, 還計劃結婚, 我一直以為只要真心付出, 2 個人
就可以有未來, 但現在他卻不想我投入, 我以為自己好堅強, 受得起, 但我現在才發現我比自己想像中更愛他, 我好想恨他, 但我恨不了, 我唔知以後我應怎樣去面對愛情

我同他有同一班朋友, 他們整日催我們結婚, 我現在唔知點面對他們, 好怕自己會哭到死, 都唔敢見他們, 仲有好友下個月結婚, 我唔知到時見到他會點
我好悲哀, 想找人傾下都冇, 好多謝大家聽我說

私人傳訊

小manman

翡翠宮

積分: 88116

5^#

發表於 04-9-13 21:50 |只看該作者

Re: 請大家救救我

睇完你的case,令我有身同感受的感覺,不過,諗落都已經係7年前的事喇!!!
記得以前我又係同你一樣咁,我當時又係第一次拍拖,好投入,唔同既係我同男朋友拍左兩年幾拖,但又係毫無徵兆的情況下,佢竟然無喇喇同我講唔鍾意我,意思又係淡左咁的意思,我當時簡直晴天霹靂,足足咸左一個月~~~
我又係同你一樣,覺得同男朋友分手,有種好怕同朋友交代個種感覺,都唔知點同人講,一講起一定會淚囇人前~~~
個個月真係好痛苦,好似無左佢就無哂人生意義咁,好唔捨得佢,好唔習慣無左佢係身邊,食又食唔落,訓又訓唔著~~~
不過,當時有我媽咪每日聽我講野,我先可以撐落去,我知道我當時日日都係講黎講去都係個d野,但我媽咪好有耐性聽我講野,其實,唔使佢回應我太多,只需要我講野時有人聽就足夠喇!!!
一個月之後,我就回復正常喇!!!係上年識到我依架呢個honey,我地仲打算下年結婚添!!!
所以呢個時候揾個你信得過的人聽你講野,開解下你,對你度過呢個難關會好有幫助架!!!
唔好放棄,勇敢面對呀~~~

私人傳訊

maggie168

民房

積分: 6

6^#

發表於 04-9-13 22:29 |只看該作者

Re: 請大家救救我

catmimi,

你男友是否一直都有以來都有一個正式女友或老婆???
你只係一個第三者嗎??? 所以最後他都是選擇他的正式女友。

私人傳訊

Long

大宅

積分: 4341

7^#

發表於 04-9-13 22:55 |只看該作者

Re: 請大家救救我

男人提到個淡字即系有第三者
或己暗戀另一個
有野食無理由叫淡除非有新口味

私人傳訊

Perria

大宅

積分: 1272

8^#

發表於 04-9-13 23:15 |只看該作者

Re: 請大家救救我

呢斷時間係難過d，但我地會支持你的，搵個朋友或家人傾下，你會覺得放鬆d，唔好睇到好似世界末日~~~俾d時間自己....總會識到個更好的!!!!!!!!!!既然佢提出大家二人已淡，就無謂再去挽留....條路仲有好長遠....明天會更好!!!

私人傳訊

calcal

男爵府

積分: 6227

9^#

發表於 04-9-13 23:37 |只看該作者

Re: 請大家救救我

以"淡"呢個理由o黎結束一段唔錯o既感情o既人係愚蠢幼稚，因為佢o地唔會稔到，新一段的感情亦會有淡o既一日，然後不斷惡性循環，咪搵著自己o黎攪？

私人傳訊

柏浠媽咪

民房

積分: 37

10^#

發表於 04-9-13 23:41 |只看該作者

Re: 請大家救救我

我覺得算巴喇!
好彩你無同呢個男人一齊落去!
無結婚算係執翻身彩!
傷心一個月好喇!
一個月之後去搵個重更加好的!
唔好胡思亂想!唔好為佢而再唔開心!
要比佢知道佢唔要你係佢的損失!
要樂觀D!呢個森林入面仲有好多樹呀!!
加油!!加油!!加油!!加油!!加油!!加油!!

私人傳訊

carol_kk

男爵府

積分: 7398

11^#

發表於 04-9-14 00:00 |只看該作者

Re: 請大家救救我

Long 寫道:
男人提到個淡字即系有第三者
或己暗戀另一個
有野食無理由叫淡除非有新口味

我好同意你咁講......因我也有過咁既經歷

私人傳訊

是是但但

水晶宮

積分: 63783

2025勳章蛇年勳章牛年勳章 2018復活節勳章

12^#

發表於 04-9-14 00:44 |只看該作者

Re: 請大家救救我

唉!有時感情既野真係好難計得清! 無論係結佐幾多年婚,拍佐幾多年拖,如果一個人對你的感情係變佐就變佐!你要記著,今天他不愛你,不是你的錯呀! 或許是你們之間緣份已盡....「當你失去某些東西的同時,你亦會得到另外一些東西!」一段舊既戀情過去,才能迎接新的戀情! 所以,好好將你的傷口癒合,來迎接新的一天吧~~~! 你要振作呀!

Childhood is journey, not a race.

私人傳訊

lauretta

子爵府

積分: 14515

好媽媽勳章醒目開學勳章睛靈勳章

13^#

發表於 04-9-14 06:45 |只看該作者

Re: 請大家救救我

catmimi,

我同ex-bf都係一齊左4年之後分手,唔同既係響4年內佢不停咁響出面有第3者,到左我一齊第4年既情人節,佢同我講要做野,唔得閒陪我,其實我一早知道佢有新既第3者,只係我一路都冇出聲,果日我終於死心,我同佢講分手啦,唔好浪費我時間亦唔好阻住你花心,雖然好痛好痛,但點都好過比佢hurt完一次又一次,佢有挽留我,但我同佢講,佢既誠信一早已經冇晒,再講下次唔會都只係好1個月,我唔想成日都check佢,成日佢一話唔得閒就問佢d朋友係唔係佢又有第三者,好似個傻婆咁,佢已經浪費左我好美好既4年,我唔想再繼續...,我唔知點解當初我咁有勇氣去選擇離開,而又可以咁決絕(因為我地已經諗住結婚),我慶幸我冇再同佢糾纏落去(結左婚仲慘),唔係同佢分手,我唔會識到我而家個好老公,我當初為左平伏傷痛,我用工作麻醉自己,放左工為左唔令父母擔心,我會快d返屋企,有時同d同事去玩下,ex-bf打電話比我,唔理home,office定手提我都唔聽(我d同事認得佢把聲),我d同事初初都好擔心我會崩潰,但我冇,因為我唔會將我事放上公事度,慢慢1個月之後,我冇再諗起我同佢一齊既野,我同佢屋企人仲有聯絡,有時仲約佢麻麻飲茶,佢都試過響我結婚生左女女之後搵過我,不過比我老公鬧左佢一餐之後就冇囉

我唔知點先可以幫到你,但我覺得令自己好忙係一個好方法,至於佢令你好驚再拍拖,我當初都會,但1年之後我同左我老公一齊,時間會撫平你既傷口,要知道分手,可能係上天覺得佢唔適合你,下次出現果個一定比佢更好,好似我老公咁,佢冇咩好,一個好大男人既人,但佢一放工會返屋企陪我同女女,佢d朋友叫佢出去,佢10次都唔去1次咁滯,有時我都叫佢去下,因為佢真係比到安全感我,我唔須要擔心佢會對我唔住,所以唔好擔心,傷口會慢慢好返嫁,下一個一定對你更好,有唔開心再上黎傾丫,cheer up

私人傳訊

lisa0135

大宅

積分: 2808

14^#

發表於 04-9-14 12:07 |只看該作者

Re: 請大家救救我

如果男人同你講:感情淡了.....分手吧! 便一定是有第三者了, 所以無謂再拖。電台剛巧播了盧巧音的"好心分手", catmimi, 請留意歌詞........要知道活得比"佢"好, 才是爭氣, 話唔定佢會再回來找你呢! :wink:

私人傳訊

catmimi

別墅

積分: 672

15^#

發表於 04-9-14 13:27 |只看該作者

Re: 請大家救救我

有冇第三者我唔知, 也唔想知, 我都知單方面的挽留無濟於事
但是一見到街上一對對, 我都會想起以前開心的, 同他對我咁無情的分手, 我就忍不住當街哭出來, 搞到街上的以為我short 的

我同他已去到好親密的關係, 我冇想過會分開, 我也放不下,
到現在我都唔想他唔開心(雖然冇麼可能他會為我傷心) 我是咪好傻, 好"on" 居

這陣子, 是我人生中最down 的時候(工作上, 家人健康),我撐得好辛苦, 本來以為他可以支撐我, 但誰知他仲給我咁致命的一擊, 點解是我最須要他的時候咁對我?!! 我傷心到哭不出來, 想過去死

我對愛情從來都要求唔高, 從來都冇要求過他什麼, 只是想要一段二情相悦, 想過未來的感情, 都咁難?

私人傳訊

stkyo

象牙宮

積分: 206249

16^#

發表於 04-9-14 14:18 |只看該作者

Re: 請大家救救我

catmimi,

希望你真係唔好轉牛角尖，感情已逝就已逝，無論佢有無第三者都好，佢已經變心，唔值得為一個咁既人傷心，我好清楚明白你而家既感受，如果你真係覺得好辛苦，多D搵朋友傾訴一下，再唔係，多D上嚟同我哋傾偈，我哋一定會支持你架。

私人傳訊

阿早!

子爵府

積分: 11405

好媽媽勳章

17^#

發表於 04-9-14 14:54 |只看該作者

Re: 請大家救救我

好多年前, 我睇陶大宇一個專訪, 佢提到佢之前失戀好唔開心, 日日喊到死去活過, 無左對方唔得, 日日玩頹廢. 佢阿媽見到咁就對佢講左句: 如果第日阿媽死左你都喊到咁淒涼, 我就老懷安慰喇.

就係呢句說話點醒左陶大宇, 有咩係比親情更重要? 女/男朋友無左係無緣份, 終會有日遇到有緣人, 但係家人呢? 你提到家人健康都令你唔開心, 倒不如多花心神響家人健康呢方面, 呢方面先值得你去咁憂心.

以上為小女愚見.

私人傳訊

kingawa

伯爵府

積分: 18528

18^#

發表於 04-9-14 15:28 |只看該作者

Re: 請大家救救我

產前產後的那個媽媽跟你的情況很相似,但她更可憐,巳有了小孩,她男朋友還公然帶新女友出現!但那位媽媽很堅強,不理家人反對而堅持生下孩子!相信她不但要忍受心靈上的創傷,還有肉體上的痛苦,但因為bk媽媽們的支持,她巳有點笑容...我覺得多關心別人,就會發現自己的問題其實也不算什麼

我是4歲的澤銘,我最愛跑來跑去,破壞看得到的一切東西,和最愛車車

ようこそ！ご覧で下さい !

私人傳訊

lovelycoco

複式洋房

積分: 290

19^#

發表於 04-9-14 17:34 |只看該作者

Re: 請大家救救我

多搵朋友陪妳, or 睇書, 睇到攰好快就訓着,咁又一日,
我以前同個又係拍了四年拖的男友分手, 都係搵朋友
陪, 但係朋友都唔陪得咁多, 後來我o念到睇書, 因為
書(小說)係睇唔完架嗎, 一段時間後你就習慣啦!

:-) 人在擁有時懂得珍惜當失去時也不用嘆息 :pint:

私人傳訊

damiergirl

複式洋房

積分: 272

20^#

發表於 04-9-15 17:40 |只看該作者

Re: 請大家救救我

Time is the medicine, friend is the vitamin.

Talk more to people, don't think/talk to yourself only. This is my experience.

I thank you my ex-bf to treat me so bad, otherwise I wouldn't know what I really want/need for a boyfriend/husband.

I thank myself to separate with my ex-bf to give myself a good chance to meet my husband and now......is the best and happiest time in my life.

Trust us......you will overcome. Wait for someone who will appreciate who you are, love the way you are and will cherish your love.

God bless you all!