吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 夫婦情感› 老公究竟係咪對我冇曬感覺?

夫婦情感今日: 0|主題: 42806

收藏本版

發帖

返回列表

跳至頁

查看: 4819 | 回覆: 11

老公究竟係咪對我冇曬感覺? [複製鏈接]

Black

民房

積分: 3

1^#

發表於 04-6-9 23:39 |只看該作者

老公究竟係咪對我冇曬感覺?

我同老公六年前因為有o左而結婚. 婚後佢一路都對我同囡囡好好, bb沖涼,開奶,喂奶,屋企家務.....都難佢唔到.....但係唔知點解, 自從佢一次o既失業(自己辭職)開始, 佢對我冇曬興趣.....我o地依家分開房訓o既..........結婚咁耐, 一直都唔需要做任何避孕措施.....我試過厚住頭皮咁做主動, 試過拋低尊嚴咁開口, 試過地獄式減肥, 試過同佢按摩, 其實我乜都肯做(只要佢鍾意)...都冇用. 最後我唯有順其自然, 心想佢可能工作太累, 佢都係正常人, 到放假或者佢有需要先囉! 但係一過就年半....每一次長假, 每一次特別o既日子, 我都會同佢興祝, 抱住期待o既心情.....但係每一次我都好失望.....我唔係咁差o者!! 近呢年半,公司開始要佢返大陸做o野, 另我更唔開心....我一向都唔鍾意管住同干涉佢o既私人空間, 做夫妻o既, 信任好緊要, 我唔介意佢忙自己o野....一個男人, 最忌做做下o野, 開開下會,或者同朋友同事食食下飯o既時候老婆打電話o黎....我亦係做到"入得廚房,出得廳堂"o個隻....但係佢就好離譜, 一個星期起碼有三晚唔返屋企訓, 又唔打電話返o黎.....雖然對我態度一d都唔差, 有講有笑, 但係似同屋住多過兩公婆.......

終於, 昨夜囡囡冇接返o黎, 我試o下主動.....可能已經超過年半冇"行埋", 佢都有興趣, 但係佢未"完"就唔能夠繼續.....我好唔開心, 但冇表現出o黎....仲攬住佢同佢講我好愛佢...佢叫我倒o左杯水比佢飲就倒頭大睡..........

我呢兩日好唔開心....我唔係好需要做, 我好喜歡同佢親熱o個種感覺.....感情要好好維繫呢個都係其中一個元素.....佢究竟係咪陸識o左第二個或者攪女人? 正常男人都有正常o既需要o架!

私人傳訊

SweetieBaby

大宅

積分: 1691

2^#

發表於 04-6-10 01:15 |只看該作者

Re: 老公究竟係咪對我冇曬感覺?

let's try try talk to him waht you think/feel....
don't be upsad, keep smile

私人傳訊

歲月如詩

複式洋房

積分: 204

3^#

發表於 04-6-10 09:39 |只看該作者

Re: 老公究竟係咪對我冇曬感覺?

我認為你先生可能心理或身體有事, 男人好易興奮, 就算不鐘意你, 要應酬你也很容易. 所以你們應不是感情問題. 你可以要求他在外做野時打多些電話俾你, 免你掛心

[size=xx-small]生命點滴匯成流金長河, 握你的手到天荒地老歲月流金, 年華老去, 心中的詩仍是溫柔的你.

私人傳訊

at777777

別墅

積分: 769

4^#

發表於 04-6-10 11:36 |只看該作者

Re: 老公究竟係咪對我冇曬感覺?

[size=xx-large]我認為你絕對係一個好老婆, 好多女人都做唔到 !!![size=xx-large]支持你

私人傳訊

小manman

翡翠宮

積分: 88092

5^#

發表於 04-6-10 20:38 |只看該作者

Re: 老公究竟係咪對我冇曬感覺?

聽落你同你老公的情況又真係好奇怪,一個正常的男人點會無性需要???
你同你老公無性生活呢個情況係係佢去左大陸做野之前定之後架???如果係之前已經係咁,咁就應該同佢有無第2個女人無關,你無同佢傾過架咩???
如果係我,我一定忍受唔到我老公對我無哂興趣,我會覺得好痛苦,兩夫婦性生活愉快,係會增進夫妻感情,既然你話你做過哂任何野,佢都係依然對你毫無興趣就真係好有問題喎!!!佢會唔會係身體有d毛病而無話比你知呀???正如其他媽咪所講,男人好容易就會興奮,點會未"完"就唔能夠繼續,我覺得佢似身體有毛病多d~

私人傳訊

hinhei

男爵府

積分: 9835

6^#

發表於 04-6-10 23:06 |只看該作者

Re: 老公究竟係咪對我冇曬感覺?

我覺得你應直接同佢坐底傾一傾,問題存在了,大家唔應估估吓,攞出來講,大家都好過啲!

私人傳訊

Black

民房

積分: 3

7^#

發表於 04-6-11 03:07 |只看該作者

Re: 老公究竟係咪對我冇曬感覺?

呢個問題其實o係佢要返大陸之前已經開始, 但係自從佢返o左大陸做野之後就更嚴重......我的確已經唔開心o左好耐....其實我都諗過同佢傾, 但係: (1) 如果我問佢係咪生理或者心理有障礙, 而事係既話, 我相信佢會覺得o係我面前冇曬尊嚴, 或者覺得我為o左呢o的野去踐踏佢o既尊嚴.....怕有反效果(況且佢都唔會肯講 - 原因見下文).........(2) 如果我問佢係咪因為第三者, 而係事實o既話, 佢一定唔認, 不過我寧可佢唔認, 因為佢瞞我即係佢仲care我同呢個家(做女人真係矛盾)....(3)加上佢係一個唔鍾意將事情攤出o黎既人....平時偶爾佢對我態度唔好, 我一定唔會發脾氣, 因為對件事一o的都冇幫助.....咪同佢好好坐低傾o下.....但係佢會顯得好唔耐煩, 淨係識答我"冇野呀!都話冇野咯!!"最後, 傾完仲衰過未傾......再舉個例子....我奶奶過身o既時候, 我隨o左可以幫佢打理曬奶奶o既後事同安頓好老爺之外, 根本完全冇辦法可以另佢比我去分擔佢o既感受....佢成個幾月冇返工, 日日收埋自己o係屋企.....由於工作關係, 我不得不先返回工作崗位...有一次, 我如常o係公司打電話返屋企, 試圖叫佢出o黎食lunch,等佢可以出o下門口,等佢唔好日日o係屋企胡思亂想, 但係好耐都冇人接電話, 佢手電亦如是, 我急得要死, o係我正打算同老闆請臨時事假返屋企睇睇之前, 再打兩次.....佢終於聽電話, 我好冷靜地問佢o係屋企做緊乜,出唔出o黎一齊食飯......佢就o係度語無倫次, 好似飲o左好多酒o禁....可能由於奶奶過身我心情已經好差,加上我對佢o既憂心, 我竟然忍唔住o係公司喊o左出o黎!! 佢就係一個 o禁o既人......所以我怕直接同佢傾會有反效果!!........昨晚佢又冇返屋企.....今日我專誠打電話比佢,約佢同囡囡一齊Dinner, 雖然佢依舊冇同我講佢去o左邊, 但我都唔想比佢覺得我囉囉唆唆同都想比佢知道囡囡同我都好想見到佢同掛住佢.......究竟我仲可以點做呢?

私人傳訊

小路

琥珀宮

積分: 161936

好媽媽勳章醒目開學勳章畀面勳章環保接龍勳章大廚勳章

8^#

發表於 04-6-11 08:28 |只看該作者

Re: 老公究竟係咪對我冇曬感覺?

睇黎佢心理好有問題喎，佢咁封閉自己，連自己太太都唔願意放開心懷傾下，咁樣落去，都唔知會點咕喎，我諗都要諗諗辦法開解佢，如果正面大家傾唔到，不如你寫封信俾佢啦，我諗佢都會願意睇掛!!

私人傳訊

Jsmami

大宅

積分: 4008

9^#

發表於 04-6-11 09:11 |只看該作者

Re: 老公究竟係咪對我冇曬感覺?

Black,
You are a good wife for sure. But "not confronting" your husband may be too passive as this has lasted for one & a half years.

For me, I can accept everything he does EXCEPT not coming home. You should find a quiet moment (while your daughter is not around) & talk it out with your husband calmly "at home".

Communication is key to a marriage. Let him know u care & u are concerned. Also let him know how YOU feel, u have the right to ask him to lend u an ear. Wish u well!

私人傳訊

case

洋房

積分: 95

10^#

發表於 04-6-11 13:49 |只看該作者

Re: 老公究竟係咪對我冇曬感覺?

BLACK,
唔好再往:是否自已做不好做不夠"問題上鑽牛角尖, 依你所說, 我覺得係你先生心理上出現了問題, 而影響了他的身理也出問題...
我想知他不做他份工, 留在家及對你特失興趣是不是時間上
出現全在他媽媽過身后呢 (同一時期發生), 及他本身跟他媽
媽的感情是不是很好很好, 互相依賴好重個種, 若是, 我建議
你自已先找專業人士 (如明愛...)等幫下你...
因為你長時間受了這精神折磨也不健康..會有抑鬱的...及
慢慢再帶你先生去見社工, 他一定要找人幫佢解開心中結,
但不是你獨自一個能力上可做得到的, 因為, 你給他的意見會主觀了 , 他是不會聽得入耳或開盆同你傾的,..若不找第三者
(心理醫生或社工), 你跟他關係只會拖下去....
為了你及BB, 也為了他...保重身體呀...

私人傳訊

小草

王國長老

積分: 57327

15週年勳章親子王國15週年勳章王國長老 BK猜猜猜慶中秋好媽媽勳章醒目開學勳章畀面勳章大廚勳章

11^#

發表於 04-6-11 15:32 |只看該作者

Re: 老公究竟係咪對我冇曬感覺?

我覺得你老公心理上有問題而令至生理上都出現問題，先唔好理性方面先，睇下點樣可以令佢個心可以放開d，如果佢肯見醫生當然好啦，如果無辦法開口，或者試下寫封信比佢，比佢知你有幾擔心佢、關心佢、愛佢、囡囡需要佢、你好想同佢分擔喜與懮...

私人傳訊

Sindybel

洋房

積分: 99

12^#

發表於 04-8-20 14:40 |只看該作者

Re: 老公究竟係咪對我冇曬感覺?

Hi Black.

I knew you posted this topic on June, how is your marriage and how is your feeling now.

Today I read your story, it seem your case is same as mine. Just wanted to share the feeling with you. No sure will you read it. But God Bless you