母乳餵哺 今日: 0 | 主題: 85707

積分: 9930

1^#

發表於 12-8-31 23:16 |只看該作者 |倒序瀏覽 |打印

麻煩各位JM幫幫手, 我而家第一胎, 3個半月, 未有BB前已經決定好會盡我最大能力去餵母乳, 因為我見呢度好多媽媽都話, 只要肯努力, 唔怕辛苦點都有上奶既一日, 好多媽媽都好肯教人, 你地分享既心得我都有盡量去記,

當我一心諗住自己唔洗返工, 又冇老爺奶奶畀說話我聽, 老公又支持, 咁既環境底下試做奶媽應該唔難, 正當我滿懷信心開始睇奶泵時, 身邊既朋友就開始講埋D令我唔多開心既野

佢地話: "唔係個個媽媽都一定有奶, 唔好咁老定!"
"我想餵都冇啦, 唔好諗咁多啦, 有就餵, 冇就食奶粉啦!"
我唔係想質疑佢地, 但諗唔明既係, 真係會有媽媽連一滴奶都冇嗎? 如果好似佢地咁講, 真係咁多人冇奶, 咁以前冇奶粉既年代, 奶媽咪好似神咁偉大?

我而家煩惱緊究竟買唔買奶泵好, 真係好似佢地咁講, 借人用住先, 到有奶先買?
咁買奶樽又應該買幾多個呀? 聽人講人奶媽埋身餵唔洗買好多啵, 但買得少, 萬一冇奶咪又唔夠樽用?
如果將來有奶要買泵我會買avent, 咁我而家揀奶樽係唔係一定要買avent隻樽呀?
唉

~~~~~ 點解我身邊D人個個都餵奶粉, 講到人奶可遇不可求咁, 好擔心呀, 有冇人可以解答D疑難呀

, 唔該晒

0 0 0

私人傳訊回覆引用

yan101011

積分: 1492

2^#

發表於 12-8-31 23:36 |只看該作者

回覆：CannieWP 的帖子

我個仔而家2個月，我係ftm全埋身餵奶，無用泵，起碼暫時唔會買，我覺得點解有新鮮唔食，要食泵出嚟嘅雪奶。全埋係辛苦d，但都唔係無得瞓，嗰種埋身的親密感覺真係好難形容。我生之前身邊d人都俾好多負面說話我聽，我無理會。生完最緊要去母嬰健康院揾姑娘教餵人奶。只要你信自己得，就一定可以餵到。

私人傳訊回覆引用

halololo0721

禁止訪問

積分: 10676

陪月勳章 BK Milk勳章

3^#

發表於 12-8-31 23:46 |只看該作者

回覆：真係會一滴奶都冇嗎?

提示: 作者被禁止或刪除內容自動屏蔽

私人傳訊回覆引用

草

伯爵府

積分: 18713

環保接龍勳章

4^#

發表於 12-9-1 00:02 |只看該作者

剛剛先有jm post, 朋友圈子有人餵同冇人餵都會影響成功率.
我係度兩年幾, 見好多失敗都係方法錯, 餵得少同太過緊張, 真正餵唔到係有病/ 工作唔許可等等好少數.

其實好多人失敗左都冇諗過原因, 就算餵過少少都未必係了解人奶, 因為上一代多數餵粉, 佢地將餵粉的方法變左標準, 其實掉轉晒. 例如初生bb兩個鐘就要食一次人奶, 奶粉隔三個幾四個鐘, d人會覺得係人奶唔飽肚, 而事實係人類bb兩個鐘一次至係正常, 奶粉b隔耐d至食係因為一來唔洗佢出力, 二來冇咁吸收, 留係胃時間長, bb要用多d能量消化. 本來正常的係人奶, 但係因為多人餵粉, 個概念就錯晒.

仲有係人奶本來係好自然的, 份量/成份成日都唔一樣, 但係我地科學化左好多野, 樣樣都要有數值, 睇唔到就唔安心, 於是變左一個大難關. 好多人為左知道bb食左幾多泵出o黎, 其實係減少左奶量, 仲放棄左好多埋身好處...

另外就係好多人認為自己湊b湊得好好, 好錫仔女, 湊大bb係一份成就感. 如果話人奶其實一定有, 只係唔勤力先餵唔到, 就好似認自己湊得唔好咁, 所以就算知都唔會認, 仲會否定其他奶媽, 唔會比你叻過佢, 特別係上一輩. 再講, 真正情況係好多人根本唔知母乳係供求關係, 我三年前都唔知ga.

長氣左, 有感而發, 唔知點講好, 希望多d人餵, 風氣好d, 咁後繼的奶媽, 或者我個女第時都可以餵得輕鬆d.

點評

Serenity 講得好！

發表於 12-9-2 08:43

私人傳訊回覆引用

積分: 9930

5^#

發表於 12-9-1 00:11 |只看該作者

yan101011 發表於 12-8-31 23:36
我個仔而家2個月，我係ftm全埋身餵奶，無用泵，起碼暫時唔會買，我覺得點解有新鮮唔食，要食泵出嚟嘅雪奶。 ...

, 我都係諗住埋身餵呀, 因為呢度個個媽媽都話埋身會好溫馨好開心

, 因為我聽人講過, 有BB試過出世辰訓幾日醫院, 所以唯有用住泵先, 所以就諗洗唔洗買一個看門口

, 聽到你咁講我又開心返D, 因為我知道自己一定會努力架, 多謝你

我想請教你多樣野呀, 請問你而家全人奶, 要買幾多個奶樽先夠用呀? 後日2號, 之之島BB展會抵D, 我好想買呀

, 而家每買一樣BB野, 都會覺得好可愛同好開心

私人傳訊回覆引用

yan101011

積分: 1492

6^#

發表於 12-9-1 00:13 |只看該作者

回覆：CannieWP 的帖子

我自己無買，朋友比左一個大同一個細奶樽，但我無用過。

私人傳訊回覆引用

skmami

別墅

積分: 780

7^#

發表於 12-9-1 00:15 |只看該作者

yan101011 發表於 12-8-31 23:36
我個仔而家2個月，我係ftm全埋身餵奶，無用泵，起碼暫時唔會買，我覺得點解有新鮮唔食，要食泵出嚟嘅雪奶。 ...

初初我都你好似你咁諗
點有新鮮 ge 唔食要食雪藏野??
只要埋身餵得密 d, 上奶應該冇難度
但係當真係要實行時, 原全唔係嗰回事囉

因為我唔係富媽, 就算密密餵, 阿囡都係唔夠食
為左要追奶量, 一滿月出得街第一件事我就係去買泵
餐餐餵完囡囡都要再泵
泵左大半個月情況終於有好轉, 唔可以話係富, 但起碼囡囡唔會食晒 2 邊都唔夠飽
再加上, 有時如果要行開一陣, 未必趕得切返屋企 ge 話
冰/雪奶係呢個時候就好幫到手喇
功欲善其事, 切先利其器嘛
如果覺得電泵太貴, 其實可以平平地百零蚊買個手泵先
頭半個月上奶期, 有個泵我自己就覺得追奶會追得易好多好快好多
至於奶樽...我自己就買定 4 大 2 細
就算依家唔需要用
bb 身時大個都用得返 ga ma

私人傳訊回覆引用

積分: 9930

8^#

發表於 12-9-1 00:19 |只看該作者

halololo0721 發表於 12-8-31 23:46
我餵左9個月全人奶，其實我都聽過有d媽媽話佢自己天生冇奶或者話自已得好少奶所以要放棄，實制上只係佢地冇 ...

聽完你咁講我好放心

, 事關我都有小小咁既諗法, 但始終都係第一次, 唔敢質疑人地既努力, 但佢地講親我都好唔開心

, 老公雖然都好支持我, 因為佢都係飲人奶大, 但佢果邊D朋友個個都潑我冷水, 令佢同我都有開始有D質疑, 係咪真係有人會冇奶, 多謝你

, 我而家冇咁擔心啦, 總之就盡努力啦, 我唔想衰畀人睇

私人傳訊回覆引用

fi_ni1029

積分: 2236

9^#

發表於 12-9-1 00:25 |只看該作者

引用：麻煩各位JM幫幫手,+我而家第一胎,+3個半月,

原帖由 CannieWP 於 12-08-31 發表
麻煩各位JM幫幫手, 我而家第一胎, 3個半月, 未有BB前已經決定好會盡我最大能力去餵母乳, 因為我見呢度好多 ...

我曾經係草Facebook 睇過一句只3-4%女性係真係身體機能問題而未能餵母乳，你唔係覺得呢3，4%係曬香港而且仲要梗好彩有你份ar?,你揀信你朋友怕無奶，點解唔揀下信有mama可以全人奶餵四胞胎而怕自己太多奶？放鬆d,只要bb學好點啜，飲多d,食多d,人奶路絕對唔難行，至於泵方面我建議買定個手泵，因為就算你全埋身，如果有時bb唔係你身邊你又谷起上尼都可以用，就算你做全泵媽，手泵係比機泵泵得更清，，最好既情況就係你順利埋身，又完全唔會離開bb,梗你曬既都只係三四百蚊姐

私人傳訊回覆引用

草

伯爵府

積分: 18713

環保接龍勳章

10^#

發表於 12-9-1 00:25 |只看該作者

回覆 CannieWP 的帖子

仲有呀, 有機會bb唔識啜, 咁就要泵, 不過唔好放棄教佢埋身. 我大女都用左兩個月先學識.
古時人餵唔到可能真係營養不良, 又冇人公開教點餵, 有d bb唔識啜/太弱食唔到, 身體冇output就唔會生產奶, 而家我地有泵, 雖然流過bb好多, 不過都一樣幫得手.

唔好預一開始就好多, 一開始用手擠好啦, 唔好幻想有奶柱呀, 幾多安咁, 開頭如果係用泵, 有奶流到落樽底都好勁, 得一丁點係好正常, 好多人概念以為一開始泵就會有奶, 以為可能係一兩安, 見自己得幾滴以為自己冇奶, 其實keep住擠就會有, 最初可以唔用泵住, 手擠先, 裝係樽蓋, 兩三次之後有一灘, 見住越來越多真係好開心ga.

私人傳訊回覆引用

積分: 9930

11^#

發表於 12-9-1 00:56 |只看該作者

草發表於 12-9-1 00:02
剛剛先有jm post, 朋友圈子有人餵同冇人餵都會影響成功率.
我係度兩年幾, 見好多失敗都係方法錯, 餵得少同 ...

草草~~~~ 你果篇人奶漫畫我有save條link呀, 資料真係好詳盡, 畫功好靚好有心機呀

我本身有哮喘, 鼻敏感同氣管敏感, 幾年前聽人講過飲人奶既B係冇咁易遺傳呢D病, 雖然唔知真唔真, 但一諗到每次病發都會令自己好難受時, 就同自己講, 唔理有絃真, 試過點都好過唔試, 於是由上年話結婚開始就上左黎學野, 點知人奶既好處原來真係唔止咁少, 最難得係個個媽媽都好肯教人, 所以我決心就越黎越大

我本身都有做開運動, 所以你套漫畫所提及到既供求問題我係非常同意既, 通常我地做運動, 到雙腳發軟時好多人都會呻停叫救命, 但我就會叫自己撐多5-10mins, 目的就係要話畀身體知佢不應求, 試得兩三次之後, 身體明顯係會有突破, 所以你一講我就明, 印象仲好深刻, 每次有人同我講唔一定有奶時, 我個心都會諗, 佢一定就係果種"雙腳發軟就叫停"既人啦

,
如果人奶真係咁難求, 咁以前冇奶粉既年代, D阿B又係食咩大呢?
但我始終未生過, 真係唔敢咁話人, 費是畀D前輩話我, 到時冇人教我仲衰

,
我本來都好自信架, 係最近幾個奶粉媽媽咁同我講, 令我開始有D質疑, 尋日仲有個難得既人奶媽都話唔一定有奶就令我更加自己驚冇奶

, 不過我而家定好多啦, 既然個個都話只要堅持同努力就一定會有, 咁我就唔會理佢地, 等有日成為真正奶媽時就證明甲佢地睇, 佢地錯晒

, 努力, 努力

私人傳訊回覆引用

積分: 9930

12^#

發表於 12-9-1 00:58 |只看該作者

yan101011 發表於 12-9-1 00:13
我自己無買，朋友比左一個大同一個細奶樽，但我無用過。

照你咁講, 即係連奶樽消毒機都慳返? 咁又好喎, 慳埋D烚奶樽時間

, 唔該晒呀

私人傳訊回覆引用

積分: 9930

13^#

發表於 12-9-1 01:14 |只看該作者

skmami 發表於 12-9-1 00:15
初初我都你好似你咁諗
點有新鮮 ge 唔食要食雪藏野??
只要埋身餵得密 d, 上奶應該冇難度

我都係咁諗, 雖然聽到好多人話埋身餵最易上奶, 但現實中又真係太多未知因素, 所以都諗過洗唔洗買定個泵看門口, 但有個fd話唔一定有奶, 叫我唔好買住, 佢借我用, 到我真係有奶時先買喎, 所以都唔知買定唔買好, 買既話又唔知買手泵定電泵, 如果照你咁講, 平平地買一個手泵看門口都好喎, 好過萬一要用時冇嘛

,

我成個懷孕同坐月期都唔會有奶奶同媽咪幫手架, 連畀意見都唔會有, 所以都擔心自己冇經驗湊B又唔識照顧自己, 所以都搵左個陪月幫手, 希望佢可以幫我煲D野飲下, 等我上奶都快D啦

我今日行之之島都見到avent有set2大2細既box set, 想連埋個消毒機一齊買, 我想問呀, 如果一路都埋身, 咁幾時先有機會用呀?

私人傳訊回覆引用

yan101011

積分: 1492

14^#

發表於 12-9-1 01:21 |只看該作者

回覆：CannieWP 的帖子

加油呀，要信自己。長氣講多樣，我開始唔識餵令自己乳頭痛，阿b頭一星期輕左10%，又退唔到黃。好釆母嬰健康院姑娘教我點樣餵，之後就順利同乳頭唔痛。而家阿b，2個月已經14磅，算大隻b了。
祝你成功

私人傳訊回覆引用

skmami

別墅

積分: 780

15^#

發表於 12-9-1 01:27 |只看該作者

CannieWP 發表於 12-9-1 01:14
我都係咁諗, 雖然聽到好多人話埋身餵最易上奶, 但現實中又真係太多未知因素, 所以都諗過洗唔洗買定個泵看 ...

其實我好相信, 世上無難事, 只怕有心人...
買左個泵, 咁你就會話比自己知, 買左唔用會好浪費~
初初係會好攰, 又冇得抖, 餵完仲要泵~
但係當睇見自己 D 奶量一日比一日多~
就會好有成功感~
想上奶上得好D, 可以食多D 豬手, 飲魚湯同埋黑豆漿都有幫助~
至於D 樽同 STEAM 煲~
其實當 BB 半歲之後, 開始食固體食物~
我自己就會比D 水佢地飲, 咁已經要用樽喇~
百貨公司嗰 D BB 展~
好多時都會係一個 STEAM 煲跟幾個奶樽咁一SET 賣~
你可以睇埋岩唔岩你心水囉~^^

私人傳訊回覆引用

積分: 9930

16^#

發表於 12-9-1 01:28 |只看該作者

fi_ni1029 發表於 12-9-1 00:25
我曾經係草Facebook 睇過一句只3-4%女性係真係身體機能問題而未能餵母乳，你唔係覺得呢3，4%係曬香港而且仲 ...

唔該晒你呀

, hehehehehehe

, 我而家唔驚啦,
我身邊D親戚同朋友個個都食奶粉架, 係得一個餵緊半人奶, 佢地成日講到話冇奶, 嚇得我丫, 攪到我都以為有人真係一滴都冇,

而家知道原來係阿媽都有奶既, 咁我就梗係相信自己啦,

而家綜合各位媽媽意見, 我諗都係買定一個手泵, 4個奶樽加個消毒機就算啦, 因為陪月姐姐都話, 如果最初個星期我上奶上得唔好會幫我補奶粉, 再煲野我食, 咁點都有隻奶樽仔用下, 再唔係就留畀阿B遲D飲果汁囉,

私人傳訊回覆引用

積分: 9930

17^#

發表於 12-9-1 02:07 |只看該作者

草發表於 12-9-1 00:25
回覆 CannieWP 的帖子

仲有呀, 有機會bb唔識啜, 咁就要泵, 不過唔好放棄教佢埋身. 我大女都用左兩個月先學 ...

多謝你呀, 原來初初得幾滴

, 如果你唔講我可能都會以為自己冇奶

, 人地話初乳好有營養架喎, 得幾滴咁如果唔埋身, 泵出黎阿B點食到呀? 可唔可以儲多幾次先餵架? 我仲想問呀, 如果我真係買左個手泵, 其實可唔可以帶埋去醫院, 生左後就得閒拎黎泵架?

私人傳訊回覆引用

積分: 9930

18^#

發表於 12-9-1 02:10 |只看該作者

yan101011 發表於 12-9-1 01:21
加油呀，要信自己。長氣講多樣，我開始唔識餵令自己乳頭痛，阿b頭一星期輕左10%，又退唔到黃。好釆母 ...

多謝你呀, 我一定會努力架, 我屋企行十分鐘就到健康院, 唔識咪至多行多幾轉, 我唔會衰畀人睇架

私人傳訊回覆引用

積分: 9930

19^#

發表於 12-9-1 02:18 |只看該作者

skmami 發表於 12-9-1 01:27
其實我好相信, 世上無難事, 只怕有心人...
買左個泵, 咁你就會話比自己知, 買左唔用會好浪費~
初初係會好攰 ...

後日2號之之島感謝日, 加埋BB展會好抵呀, 我諗住買個box set, 入面有2大2細樽, 又有奶樽擦同夾, 不過我睇中果隻有大中細3個size, 請問一般大同細既樽其實係幾多ml架? 我見到最細有120ml 好似太細咁

太好啦, 豬手同魚湯我都好鍾意架

, 最喜歡木瓜雞腳煲魚尾,

, 多謝你呀

私人傳訊回覆引用

wendy333