2014年媽媽會 今日: 0 | 主題: 5769

積分: 111

1^#

發表於 13-9-29 00:00 |只看該作者 |倒序瀏覽 |打印

醫生話有妊娠糖尿，要轉介去屯門醫院，係咪乜都唔食得？會唔會對 BB 有影響？好驚…點萛好…

0 0 0

私人傳訊

積分: 3016

2^#

發表於 13-9-29 00:12 |只看該作者

我同妳一樣! 今日先去完屯門醫院見醫生, 醫生話要再約見營養師(比$100), 要落地下果間野租血糖機, 下次見營養師佢會教我番屋企點用同埋要聽講座同比營養餐單我! 先前我都好擔心要入院, 我問左醫生話好少人會要入院, 但血糖控制唔好就可能要打針控制!

私人傳訊

積分: 111

3^#

發表於 13-9-29 12:50 |只看該作者

回覆 kitty0909 的帖子

哦！又要再約營養師？唔係即時解決問題咩？租機要再俾租機費嗎？咁你約咗幾時？我03/10先見醫生……而家我乜都唔敢食，淨係知要少糖少鹽，又要少澱粉質，點好？

私人傳訊

faipy

積分: 1292

4^#

發表於 13-9-29 13:58 |只看該作者

回覆：妊娠糖尿…

我上一胎都有，不過扎界，唔係嚴重果隻，其實食嘅份量不會太小，因為飯可吃5湯匙，蔬菜任吃，肉食2份，生果唔可以吃太多甜的，例如橙小的一個，提子不能超過10粒等為之一餐，餐與餐之間仲可以吃一件火腿三文治，or脱脂奶加咸餅乾，只要控制得好，bb就不用超重，到40週一定要催生，不能等到41週，生完糖尿通常回覆正常的，不用擔心

私人傳訊

jackie.lok

別墅

積分: 659

5^#

發表於 13-9-29 18:20 |只看該作者

回覆：妊娠糖尿…

唔好意思，想請問一下係幾時要驗呢個妊娠糖尿架？係公家會幫你驗定私家自己驗架？thx thx! 祝早日康複！

私人傳訊

積分: 3016

6^#

發表於 13-9-29 18:58 |只看該作者

CSWCML 發表於 13-9-29 12:50
回覆 kitty0909 的帖子

哦！又要再約營養師？唔係即時解決問題咩？租機要再俾租機費嗎？咁你約咗幾時？我0 ...

醫生其實無咩講架, 我問佢佢都只係話例如飯唔可以食多過一碗...其他就無講D咩話營養師到時會教我點樣食野同點樣飯後自己係屋企督手指, 淨係叫我搵姑娘教我點做! 租機費$290包埋D針同試紙, 之後生完用完就淨係還番部機比佢地就OK(無錢REFUND架) 我依家都只係食少D澱粉質野同甜野(因為有左之後好鐘意食!) 飲多D湯食菜呀蕃茄呀咁...

私人傳訊

積分: 3016

7^#

發表於 13-9-29 19:01 |只看該作者

回覆 kitty0909 的帖子

同埋醫生話生完要番黎再飲糖水CHECK多次!

私人傳訊

積分: 111

8^#

發表於 13-9-29 23:40 |只看該作者

我基本上係飯桶一個，當我知道之後，而家每日都只食半碗飯同多蔬菜/生果少肉，搞到成日都覺得頭暈頭痛，又驚令到BB冇營養，咁其實我可唔可以好似以前咁每餐食番一碗飯呢？另外你話要每日都要CHECK機，係咪要CHECK到生為止呢？

私人傳訊

積分: 3016

9^#

發表於 13-9-30 00:38 |只看該作者

CSWCML 發表於 13-9-29 23:40
我基本上係飯桶一個，當我知道之後，而家每日都只食半碗飯同多蔬菜/生果少肉，搞到成日都覺得頭暈頭痛，又 ...

醫生淨係話飯後督手指, 咁係每餐定係淨晚餐就未知啦...等過兩日見埋營養師先知! 不過應該就係每日督到生為止啦! 我有左之後就超鐘意食飯面粉薯仔同所有糖水甜品呀...未見營養師前依家我早餐食麥皮+腿蛋冶(大家樂), 下午食個水果, 晚飯就飲湯食D湯渣, 少少魚同菜食到飽為止! 如果夜D再肚餓就食梳打餅(健康院醫生話肚餓最好就係飲水, 食餅就選梳打餅唔好食甜餅) /脂奶+粟米片...不過見完營養師之後應該要改啦!

私人傳訊

積分: 3016

10^#

發表於 13-9-30 00:46 |只看該作者

jackie.lok 發表於 13-9-29 18:20
唔好意思，想請問一下係幾時要驗呢個妊娠糖尿架？係公家會幫你驗定私家自己驗架？thx thx! 祝早日康複！

...

平常好似28W先飲糖水CHECK, 但我自己屋企人有, 所以健康院要我提早CHECK多次!

私人傳訊

penguinguin

積分: 1243

11^#

發表於 13-9-30 23:50 |只看該作者

kitty0909 發表於 13-9-30 00:38
醫生淨係話飯後督手指, 咁係每餐定係淨晚餐就未知啦...等過兩日見埋營養師先知! 不過應該就係每日督到生為 ...

唔使日日, 每個星期兩至三日, 一日七次 (早午晚餐前後加臨瞓前), 每次覆診佢會睇你個表, 你超標太多佢地會捉你入醫院住一日「教」你點控制血糖每餐5匙羹飯對於飯桶真係唔夠... 唯有食多D菜同飲湯令自己飽肚喇
餅呢,嘉頓有一隻梳打餅係咸嘅亦都唔油膩, 我見醫院都有放喺度俾入院媽媽食, 可以去超市買黎做茶點, 好過食weetbix個種紙皮咁嘅餅乾
汽水果汁唔飲得架喇, 連奶都唔可以太多 (有碳水化合物), 驚自己唔夠蛋白質可以飲無糖豆漿
基本上出街食一定會超, 因為出街食D汁可能落左糖, 而且飯多過餸, 一定唔飽。連奶茶呢D都要走糖同唔飲得多(因為有花奶)

唔控制血糖BB會太得過快好難生 (太大隻), 又有身體問題。戒口真係好辛苦... 不過好消息係你跟到的話, 你完全唔需要擔心自己會產後肥胖 (糖尿會瘦架), 食多D強白質俾阿B 同食埋materna, 跟足佢指示, 就肥b唔肥自己!

私人傳訊

積分: 3016

12^#

發表於 13-9-30 23:56 |只看該作者

penguinguin 發表於 13-9-30 23:50
唔使日日, 每個星期兩至三日, 一日七次 (早午晚餐前後加臨瞓前), 每次覆診佢會睇你個表, 你超標太多佢地會 ...

吓...一日督7次架?? 咁咪好痛??

私人傳訊

積分: 111

13^#

發表於 13-10-1 22:12 |只看該作者

回覆 penguinguin 的帖子

請問乜嘢係materna??唉！我老公成日都有提我記得要少食多餐，但係自己成日話食少少冇嘢既……真係好難忍呀！

私人傳訊

penguinguin

積分: 1243

14^#

發表於 13-10-1 23:02 |只看該作者

kitty0909 發表於 13-9-30 23:56
吓...一日督7次架?? 咁咪好痛??

咁唔係叫你同一隻手指.. 同埋輕輕一針(個血糖機有得較深度, 你到時聽完就知), 慣左無咩

私人傳訊

penguinguin

積分: 1243

15^#

發表於 13-10-1 23:05 |只看該作者

CSWCML 發表於 13-10-1 22:12
回覆 penguinguin 的帖子

請問乜嘢係materna??唉！我老公成日都有提我記得要少食多餐，但係自己成日話食少 ...

惠氏隻孕婦綜合營養補充丸其實跟營養師餐單食夠營養架喇, 係自己唔多飽肚啫, 驚就食埋呢D supplement囉
我有食calcium, 因為唔飲得太多奶

私人傳訊

Mylittlejojo

積分: 386

16^#

發表於 13-10-1 23:29 |只看該作者

回覆：CSWCML 的帖子

Hi..點樣發現有糖尿先兆，現在week 18, 偏愛吃甜食，體重只增加了兩磅？

私人傳訊

積分: 111

17^#

發表於 13-10-3 22:39 |只看該作者

回覆 kitty0909 的帖子

請問你見咗營養師未呀？營養師點講呢？有冇俾張餐單你？可否分享一下呢？

我今日見咗醫生，我個體重跌咗少少…

而家約咗下星期三見營養師。

私人傳訊

積分: 3016

18^#

發表於 13-10-4 00:53 |只看該作者

CSWCML 發表於 13-10-3 22:39
回覆 kitty0909 的帖子

請問你見咗營養師未呀？營養師點講呢？有冇俾張餐單你？可否分享一下呢？我 ...

我都係體重一直趺, 依家比起未有之前輕左6-7磅!
見左啦~不過果日都聽左好耐, 兩點至五點(仲好凍添! 記得帶外套去!) 一班人一齊聽, 先見護士講關於咩係妊娠糖尿病同續個教妳點用部血糖機兼即場試用, 之後一星期選兩日, 每日督6-7次, mark低係form之後見醫生交比佢睇! 之後先到營養師入黎講, 其實人人都係果本書仔, 教妳點去計一份(碳水化合物, 生果, 肉, 奶芝士) 咁之後就按番咁樣計去食早餐, 午餐, 午小點, 晚餐同晚小點! e.g. 早餐要食4份: 瘦肉粥2飯碗/腿冶/蛋冶/芝士三文冶/粉加菜同肉1兩, 午餐: 飯一碗+瓜菜1-2碗+瘦肉/魚3兩/生果1個, 午小點: 奶1杯+方包1塊/餅, 晚餐: 飯1碗+瓜菜1-2碗+瘦肉/魚3兩/生果1個, 晚小點: 奶1杯+方包1塊/餅至於時間幾點食, 佢會先比妳填張問卷問妳飲食習慣同時間, 佢再寫比妳安排要妳改善幾點進食!

私人傳訊

積分: 111

19^#

發表於 13-10-4 07:20 |只看該作者

回覆 kitty0909 的帖子

嘩！日日都咁食都幾悶喎！如果出街食咪肯定超標？另外想問，奶一杯係媽媽奶粉 OR 鮮奶呢？三文治/方包係咪要麥包呢？

私人傳訊