吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 母乳餵哺› 全母乳分享。無啦啦變咗全埋身。

母乳餵哺今日: 0|主題: 85707

收藏本版

回覆發帖

返回列表

跳至頁

查看: 4839 | 回覆: 9

全母乳分享。無啦啦變咗全埋身。 [複製鏈接]

9am5pm

大宅

積分: 3317

1^#

發表於 16-5-13 03:47 |只看該作者 |倒序瀏覽 |打印

分享一下。
新手媽媽，bb而家4個月。

(第1個月) 完全唔夠奶，狂食狂飲，發晒癲咁狂催谷。嘗試跟schedule餵b，但跟跟下甩晒，最後改為bb喊就啜。堅持唔補粉。

有泵，無規定幾耐泵一次，因為ftm自己一腳踢，根本無時間泵，顧得b顧唔到泵，好隨意咁泵，泵少少都泵。奶量好少，最多都只有2oz，要夾奶先夠一餐。

(第2個月) 見bb開始瘦，家人建議補粉，我妥協，bb長期喊，心都痛埋，所以一日補2-3餐粉。補完粉後一樣俾佢啜，啜到佢自己停口。有泵奶，奶量一樣好少，最多只有3oz。

(第3個月) bb因為有補粉，明顯肥了。我仍然一有時間就俾佢啜+泵。

(第3個月多dd) bb開始抗拒奶樽，無論係奶粉/泵奶都表現抗拒，埋身就勁落力。我唔敢再泵奶，怕餵樽佢唔食，會浪費晒。

個陣我同先生都好驚，佢唔要奶樽，補唔到粉怕佢唔飽，我地又換奶樽，又換奶粉，希望作一個\"唔夠人奶\"的後備。

(第3月中) 如我們所料，佢即頭唔要奶樽了，那時我只好同bb講：「係你自己決定全埋身的，媽媽配合你，唔夠食唔好喊呀。」
於是我唯有俾佢全埋身，無schedule，佢要就俾佢啜。

直到現在，佢體重無下降，仲俾醫生話佢增長理想(即係完全夠飽)，我就無啦啦由半人奶變了做全埋身。

雖然有點意料之外，因為跟我幻想的人奶路有出入(我期望像其他媽媽般，雪櫃有人奶儲備，可埋身/餵樽)，但點都好，總之全人奶就好。

我應該不算是什麼成功的例子，但都想同各位媽媽分享一下，呢幾個月入面的心情好複雜，由怕無奶到半放棄，到而家勉強叫成功，的確好辛苦。

我地一齊加油啦！

0 0 0

私人傳訊回覆引用

無知太

複式洋房

積分: 424

2^#

發表於 16-5-13 05:04 |只看該作者

引用：分享一下。新手媽媽，bb而家4個月。(第1個

原帖由 9am5pm 於 16-05-13 發表
分享一下。
新手媽媽，bb而家4個月。

你好犀利呀咁堅持！
我bb頭個半月埋身餵，但一路都食得唔好，仲因為體重唔理想入左院醫生建議每次埋身15分鐘後開始補粉，到我乳線炎食抗生素，bb變左食全粉差唔多三星期，呢段日子開始每日泵6-7次，希望保持奶量！但依然係超級窮媽（bb已經食緊5,6安，我泵奶一次得2，3安）依家準備再次學埋身！希望佢都會有日突然學識埋身努力啜到飽！

私人傳訊回覆引用

cassy_w

大宅

積分: 4991

3^#

發表於 16-5-13 10:10 |只看該作者

其實 BB 埋身是最好的, 你又唔洗泵, 唔洗洗奶樽晒時間, 出街又方便, 如果我係 ftm 我都一定全埋身. 唔洗特別儲奶啦.

而家我 B 淨係早晚埋身, 好 sweet 架. 泵奶真係好煩, 我都好佩服全泵媽

私人傳訊回覆引用

wenwen885

別墅

積分: 584

4^#

發表於 16-5-13 13:30 |只看該作者

回覆：9am5pm 的帖子

我最近都轉全埋身，但反而bb好少叫食，就係成日食手指，所以有時我都係睇時間，四個鐘左右餵佢，呢排好似重得唔係咁快，會唔會唔夠飽呢？有時埋完補樽佢又唔飲，有時又飲嗮，都唔知應該繼續全埋，埋加補樽，定全樽算，好疑惑

私人傳訊回覆引用

Yanlovesnaz

子爵府

積分: 14073

大廚勳章睛靈勳章畀面勳章

5^#

發表於 16-5-13 20:27 |只看該作者

全埋身好呀，唔使泵唔使洗樽果d，bb錫媽媽，知媽媽辛苦

我由一開始就全埋身，一直都無schedule，佢想幾時食就幾時食，feed on demand，初生1.5小時就喊奶，夜晚堅持2小時起身餵到個半月，一餐食一邊到4個月，猛長期會30分鐘至1時就喊奶，而家5個月日頭2.5小時食一次，夜晚3小時一次，每次要食晒兩邊，磅數增長得好好，生長線50-75
全埋身嘅bb食奶係唔會定時，佢地幾時餓，幾時口渴，食多食小都係bb話事