少年成長今日: 0|主題: 16130

收藏本版

發帖

返回列表

跳至頁

查看: 15103 | 回覆: 0

快餐店裏看家教 [複製鏈接]

csir3290

子爵府

積分: 12776

1^#

發表於 22-11-27 11:55 |只看該作者 |倒序瀏覽 |打印

每日返工好多時都會去公司附近一間集團式快餐店食晏，通常食晏嘅時間都正正係撞到附近啲小學返半晝放學嘅時間，所以快餐店入面都有好多家長同埋學生食晏。因為成日去所以越嚟越發覺其實快餐店比任何地方都更加容易見到家長對細路仔嘅家教係點樣。好似早幾日食晏，隔離枱就有個細路仔發脾氣話唔想食啲乜嘢，終於兩三個家長一齊圍住嚟氹佢。另外，啲細路仔喺快餐店入面嘈喧巴閉已經係平常事，食到污糟邋遢一檯面都係紙巾已經唔在講，有陣時又會喺度走嚟走去。又或者就算唔嘈喧巴閉嘅就只係坐喺度顧住玩手機，甚至乎玩到要家長餵佢哋先食飯。最通常其實就係啲家長自己有自己喺度同其他家長傾偈，於是就由得自己啲細路自己喺度玩，如果偈偈吓見到啲細路仔冇食飯就鬧幾句，所以食晏時間嘅快餐店基本上就係嘈喧巴閉。有陣時嘈到連附近嘅其他食客都眼望望，最慘係大家都唔會出聲，因為真係見過出聲嘅時候，有家長仲會大條道理話細路仔係咁㗎啦。終於昨日難得一見坐喺附近有個媽媽都係同埋個細路仔食晏，個媽媽一路食晏嘅時候就同自己個細路仔喺度傾下偈講下學校發生嘅嘢，個細路仔都係三四年班但係好聽話咁樣坐低一路同媽媽傾計一路食晏，又冇走嚟走去嘈喧巴閉亦都冇喺度玩手機。對比起快餐店入面見到其他嘅情況，呢對母子安安靜靜咁食飯同傾偈，真係形成一個強烈嘅對比。所以家教嘅嘢唔需要特別做畀人睇，其實喺平常嘅生活入面已經會滲出嚟，家教嘅高低連喺快餐店食飯都好容易睇得到。細路仔係點樣，其實就係睇家長你日常點樣教佢哋同點樣做畀佢哋睇。

快餐店畀遊樂場更加容易睇到細路仔嘅家教，家長有冇留心細路仔會唔會騷擾到其他人，有冇乖乖哋食飯。我唔係話唔準傾偈，但係都要留心下聲量，留心下有冇影響食飯，連家長自己本身都傾到不亦樂乎嘈喧巴閉，細路仔又點會唔會有樣學樣呢！更加連家長自己都傾倒唔得閒理返細路仔，班細路仔更加自然係冇王管啦！快餐店呢種咁自由嘅環境正正就睇到細路仔家教嘅高低。但係其實好多家長都冇留心，原來只係食一餐飯咁簡單都係展示緊畀側邊嘅人睇自己屋企嘅家教係點樣。其實大家都係想靜靜地食餐飯，家長可唔可以教自己嘅細路仔靜靜地守規矩食飯呢！唔好淨係顧住玩手機，嘈喧巴閉而且更加要教佢哋食得乾淨啲，食完可唔可以自己清潔返自己嘅嘢呢！最起碼幫手將自己嘅食具攞返去收集嘅地方。食晏時間喺快餐店最怕嘅就係明明搵到有個位但係檯面污糟邋遢，啲清潔姐姐根本都做唔切，其實只要啲家長肯教下啲細路食得乾淨啲，同埋食完嘢行自己收拾下啲餐具其實個環境就會好好多。不過好多人嘅心態都係既然有清潔姐姐，點解我要自己清潔呢！我唔懷疑其實家長平時喺屋企都會教導自己嘅細路仔，但係見微知著，估唔到一間小小嘅快餐店就見到每一個家長家教嘅高低。

0 0 0

私人傳訊

跳至頁

返回列表

回覆

發帖

熱門搜尋：

少年成長 今日: 0|主題: 16130

瀏覽過的版塊

少年成長今日: 0|主題: 16130