母乳餵哺今日: 0|主題: 85707

收藏本版

回覆發帖

返回列表

跳至頁

查看: 1495 | 回覆: 2

胎教對喂人奶有用？ [複製鏈接]

80smum

複式洋房

積分: 300

1^#

發表於 16-4-8 15:14 |只看該作者 |倒序瀏覽 |打印

係陀bb果陣我睇左七田真既胎教書，所以都一直有同bb傾計，講野
每日都拜託佢要順產出世，要健健康康，要做中碼Bb，仲有同佢講媽媽唔想剪會陰，佢要點樣同我合作，係出世時要點做，結果係出世既時候，發生既事就同我講既一模一樣。
另外我記得本書有教係陀緊既時候，每次沖涼時可以同bb講沖涼係幾舒服，幾開心，叫佢出世後唔使驚水，唔使怕沖涼，結果我個女番屋企第一次沖涼落水就好開心。

我一直都係全埋身既，因為係私家生，所以頭4日係醫院有補奶粉，番到屋企第1日都有補，之後第二日就開始全人奶，當初真係喂得好辛苦😭
不過我想講既係我女係醫院第一次學埋身既時候，一放埋身就識得啜，姑娘仲讚佢叻叻，而家喂到3個月，諗番起自己胎教時，有拜託過佢要好好食奶，我記得我係咁講架：
「你出世後，媽媽諗住喂人奶比你呀，因為人奶對你黎講係最好架，但係你都要叻叻，要識得配合媽媽，出世之後一定要好好食奶，因為唔係每個bb都有機會食媽媽既奶，而且生係香港呢個唔使捱肚餓既地方，係一種福氣黎架，所以你要好好食奶呀，當出世後媽媽比奶你食時，你就要好好啜，知唔知呀？」

我記得大概係咁，我唔知係咪真係有關係，但我女到而家一次都無咬損過我，而且每次食奶都好落力，有時我要學yoga,用樽喂佢都無抗拒。
所以我諗可能有d陀緊bb既媽媽會上黎睇定學野，突然間諗起可以分享比大家，反正有時都唔知胎教講咩時，可以試下拜託bb，可能出世後真係會同你胎教講既時一樣😊