本帖最後由 amyincity 於 18-1-27 23:03 編輯
來11:1 信就是所望之事的實底、是未見之事的確據。
詩37:3 你當倚靠耶和華而行善．住在地上、以他的信實為糧．
詩37:4 又要以耶和華為樂．他就將你心裏所求的賜給你。
詩37:5 當將你的事交託耶和華、並倚靠他、他就必成全。
感謝主，終於有 bb 啦，一直都好想寫返呢段信心既見證，去鼓勵各位姊妹們，而家bb 已經出左世，過左100日大啦，佢既名叫 Makis, 意思係由神而來既禮物，好感恩得嘗神厚賜的禮物！
結左婚6年啦，由兩年幾前開始想 try bb, 望住身邊既人一個一個咁有，連話唔諗住咁快有既，都一擊即中，好多大學同學都生左第二個添，仲要有d 人係細過我，我好快35啦，自知身體又唔係好過人，一直睇中醫，都睇左好耐，叫做好左d, 要介口既都有介，介到自己都唔開心。
慢慢開始，每次 M 來，我都會喊，我叫自己唔可以埋怨神，唔好咁唔開心，咁失望啦，但真係好難控制到自己既心情，面對日子越黎越迫近，高齡會好多危險，唔想丫
家計會既生育指導，我都去埋，醫生要我每朝一起身要量體溫，足足要量夠5分鐘，先可以起身，要做d 好多人都話會痛既檢查，我都做埋，醫生都話無事 wor
之後仲寫紙我排威院 ivf, 我自己都約埋私家症，快d 睇
果d 有關 ivf 既文我會去睇，talk, 我都會去聽
而自己就反而因為呢d 既檢查，量體溫，令到自己好 stressed, 成日未夠鐘就醒，怕自己又量錯，最後搞到果個月 50日先黎 M，成日好似個怨婦咁，覺得自己好有問題，而且呢個問題真係好大，大到我睇唔到其他我已有既福份 ……
就喺呢個咁絕望既時候，今年2月，神透過我靈修時既經文，教導我一d 野，我必須要學到既一課 ……
“信心，放手依靠，信靠神”
其實作為一個基督徒，一直以來既靈修讀經，都會有教導同提醒自己要感激神而家已經比左好多野自己，欣賞同感恩，只係有時個心會 ok, 有時又返返去自己既感受道 ……
再者，身邊既姊妹都會提自己好多，你放手交比神啦，講左 N 次，我都以為自己放緊，但其實個心係未明，未放到手 ……
直到有一日既靈修睇返呢段耶穌喺客西馬尼園既祈禱 ……
太26:39 他就稍往前走、俯伏在地、禱告說、我父阿、倘若可行、求你叫這杯離開我．然而不要照我的意思、只要照你的意思。
以前年輕時，我當時睇到呢段經文，就諗，不如學下耶穌咁祈禱丫，所以，我就開始左咁樣祈禱 ……
“求神照你既意思成全我既祈禱丫”
日復一日，經歷爸爸突然的過身，唔同既事，都令自己唔敢再咁樣去祈禱，好怕神既意思會係自己好難去 take 既事 ……
但今次，神要我睇返呢段經文，靈修書仲鼓勵我思考從耶穌既祈禱，學到什麼 ……
真係要面對啦，我思想若我繼續係咁樣望住神，我只會越黎越對神無信心，我只會越黎越遠離神，最後後果係點，我都唔想，我深知神係好愛我，我唔想遠離神 ……
雖然我個心未改變到，但我想用一個決定去幫自己，亦係救回我與神既關係同信心 …
我決定將 bb 呢個 area，用祈禱作決定交上比神
我開始左每日既祈禱，無論係我好 care 既媽媽，佢既健康，佢既得救，或者我一直好掙扎好掙扎既生 bb 呢個 area, 我都有咁既祈禱 ……
“求神照祢既意思成全我地既祈禱丫”
我好知我個心真係未到，但祈禱真係日復一日咁建立緊我既信心
一直去到2月尾，我去結婚周年既旅行，去之前都決定唔理啦，去旅遊盡情 enjoy 啦
神蹟，神既祝福就降臨，
一路去旅行，一路好攰，心諗可能行得多，自己又帶錯鞋，休息下無事既 …… enjoy the trip la
到旅程中途，發現平時黎 m 前既現象都無既，都 due date 啦，唔通真係有？？
到旅程 last day, 飛到返香港機場果下，去 toilet, oh，有紅色既血絲！！！仲要係鮮紅既！！！
心真係一沉，出到黎同老公講，老公鼓勵我返去祈禱，將一切交比神，我地返到屋企一齊祈禱，祈禱自己會相信神會給予最好既 plan, 我自己亦祈禱多一樣，像大衛為病患中的孩子祈求一樣，求神許可，求神使這 bb 健康，我相信神是可以使人復活的神！！若神許可，神是可以使這 bb 無事，健康咁出世既！
感謝神，就喺2月28號早上，原定都同老公定左果日驗下既，原本都已打定輸數，要接受可能真係空歡喜 ……
我叫埋老公一齊睇 result
結果驚人丫 ～ pregnant!!!
CB 真係顯示 pregnant ya!!!
仲要係 2-3 weeks la!!!!
So amazing!! 神就是這樣的 amazing!!
我攬實我老公，好開心，不斷講，有左，真係有左丫，感謝神，要感謝神！！感動到想喊丫！！
果下真係覺得咩都唔緊要啦
呢個真係神送比我地最好既結婚周年禮物丫，感謝主！！！（我2月27號結婚周年）
喺呢段經歷上，我學到神要教導我信心呢一課。當你願意向神投降時，相信神，神總會帶你去體會佢最美好既計劃。
來12:11 凡管教的事、當時不覺得快樂、反覺得愁苦．後來卻為那經練過的人、結出平安的果子、就是義．
好想藉此去鼓勵各位基督徒太太，要相信神，投降將你所想所求的完全交給神，神會安排最美好既計劃比您！！
提前2:15 然而女人若常存信心愛心、又聖潔自守、就必在生產上得救。
懷孕
健康
煮意
遊樂
熱話
學校
管教
移民升學
理財
潮流
使用意見
故障報告
下載APP
關注我們
發表於 
返回列表
