論盡家傭 今日: 0|主題: 133825

我現在有時間, update下老seafood既罪行:

1)
由第二個星期開始現形, 要求多多、黑口黑面. 話我呃佢, 因當初見工時同意我屋企有cam, 因身為僱主我既理由係: 我兩公婆都要番工, 所以屋企無人, 故需要有cam. 但老seafood話我呃佢, 因sir番輪班(一星期約二日), 番通宵後會回家睡覺; 而太太一星期有兩日假, 故僱主講大話, 跟本唔係屋企成日無人, 所以我需要拆左個cam佢先可以順氣. 因佢話佢唔接受「屋企無人」呢個藉口喎，同埋我見工時應該如實話佢知sir輪班、太太一星期有兩日假呢件事比佢考慮, 佢話如果佢一早知pattern係咁, 佢唔會接受我家offer.

2)
佢上班前要求唔放假回菲直接上工, 但想我聖誕節比佢番去渡假二至三個星期. 我基於聖誕節好難攞到長假, 故拒絕佢聖誕放假既要求, 叫佢完約後直接回菲, 放完假先黎我家番新工. 果次我俾佢放左四個星期. 點知老seafood話我又講大話, 理由一樣, 又係: 「sir番輪班, 番通宵後會回家睡覺; 而太太一星期有兩日假, 故僱主講大話, 跟本成日有假」. 但實情係: 就算sir輪班, 太太一星期有二日假, 都好難安排到聖誕節連續有二至三個星期留係屋企比佢回菲渡假架.

我怕左佢日嘈夜嘈, 同老公商量完, 應承比佢聖誕節再回菲兩個星期, 仲送埋來回機票比佢, 我同佢講我想你開心, 故我比你再放, 當係提早放14日年假. 機票當聖誕禮物. 但佢無感恩, 有次send短訊鬧我, 我回家問佢究竟有又什麼唔滿意, 佢b lee bra la講完一大堆歪理, 又話我比佢放聖誕假係因為我自覺對佢唔住喎.

3)
以前聽得多老seafood既利害, 現終於親自領教過, 佢d氣焰, 仲緊要過大戶人家既太太, 真係不知所謂.
佢真係乜都識做, 但唔好意思, 佢係唔會做既. 見佢日日躲在房乜都唔郁, 唯有比個時間表佢跟, 但佢話佢唔會睇亦唔會跟, 佢知自己做緊乜喎.
一日到黑, 黑口黑面, 鬧僱主「得」小朋友, 我叫佢對小朋友要有耐性, 佢話佢以前照顧d小朋友好乖, 我果個會發脾氣, 佢要考慮下我地喎. 亦叫我唔好祈望佢會好錫我個女.

4)
上文講過, 佢一有不滿, 便會send短訊鬧我. 乜都唔做成日黑口黑面，（每日由早上八時至下午六時都係得佢一個人在家）比個schedule佢，佢話佢唔會睇因佢最憎schedule, 佢話知自己做乜喎。仍然係乜都唔做，咁咪用第二個方法叫佢，於早上吩附小小野比佢做，又係唔做。記得有一次我老公話d門及房門都好耐無清潔，叫佢抹下再用d碧麗珠打腊，點知幾口後都係原封不動，咁我老公咪自己做囉，點知個old seafood 發短訊比我話：阿sir在家噴碧麗珠做清潔，上次佢叫我做我唔做，因碧麗珠係d唔好既野。佢而家自己係度抹，我好唔舒服，再咁落去我會死，你地出$3740俾我，唔代表可以危害我生命.....阿sir太demanding 啦。
我無言，叫佢做佢唔做，自己做又唔得，太demanding喎，唔知demand 乜野。碧麗珠、滴露、漂白水、潔厠得、籃威寶樣樣都唔可以用，危害佢生命喎。在我家五個月，只肯用洗潔精、洗衣粉及除抽油煙既spray。

5)
佢成日在家玩我部健身單車, 我費時佢難落台, 故將部機由我房搬出廳, 並放在cam望到既地方, 我想佢知難而退. 點知佢send短訊問我想點, 話我好懷疑佢於工作時間玩健身單車, 原文係: (我費事釋): Your camera was focused there, the first time ever, so funny. You are always watching me, okay I will work like a robot , nonstop if you like coz your giving me salary……. Your rule made all your helpers broke their contract right?
If you want to talk to me tonight, I will look forward to it.
Your lucky you have a boss allows you to talk to the phone and watch your helper through camera while your working.
I am kind and considerate person but I think its too much.” 我回到家同佢講, 我跟本唔需要睇cam都知你有玩我部機, 部機有記錄. 我只不過係想你有下台階啫, 點知佢仲要話, 就算有玩又點, 好多僱主都俾架啦…….又係b lee bra la 一輪廢話.

仲有好多, 不能儘錄. 我請佢唔起，所以同佢拜拜。溝通，我試過好多次，但佢每次都要求呢樣要求果樣，我只好投降唔玩啦。

大家小心, 唔好請到佢, 貼錢買難受. Lovella Quixxxx, 37歲, 肥肥矮矮長頭髮, 已婚3個女. 香港6-8年經驗.