吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 夫婦情感› 太太生病了，有冇躁狂抑鬱症家人分享下 ...

夫婦情感今日: 0|主題: 42807

收藏本版

發帖

返回列表

跳至頁

查看: 21078 | 回覆: 83

太太生病了，有冇躁狂抑鬱症家人分享下 [複製鏈接]

12 3 4 5

drave

民房

積分: 9

1^#

發表於 15-9-21 12:02 |只看該作者 |倒序瀏覽 |打印

響呢個開心既論壇希望唔會打攪到大家太太不幸三星期前患上了躁狂抑鬱症
上星期家人們送左佢入醫院治療
上星期中其實有好轉到但呢兩日佢又唔肯食藥
琴晚見佢好明顯又發作（太太依家躁狂興奮多）
身為先生既我依家真係好大壓力又成日好擔心將來會點
（我地結婚六年冇小朋友）

有冇過來人或家人分享下你地既經歷？？我好擔心將來好難相處

0 0 0

私人傳訊

lovely-panda

侯爵府

積分: 20518

2^#

發表於 15-9-21 12:06 |只看該作者

回覆：太太生病了，有冇躁狂抑鬱症家人分享下

理解
作為家人好大壓力，何況係丈夫

私人傳訊

wing1388

珍珠宮

積分: 47026

開心吸收勳章

3^#

發表於 15-9-21 12:38 |只看該作者

drave 發表於 15-9-21 12:02
響呢個開心既論壇希望唔會打攪到大家太太不幸三星期前患上了躁狂抑鬱症
上星期家人們送左佢入醫院治療
上 ...

如果可以的話，不如試下同佢暫時離開香港可以嗎？只要遠離身邊一啲容易刺激佢嘅事物，情況會好轉的！

百花叢裡過，片葉不沾身。

私人傳訊

142526

侯爵府

積分: 23398

母親節2025勳章開心吸收勳章畀面勳章

4^#

發表於 15-9-21 12:50 |只看該作者

係什麼原因導致太太有此病，又或者係太太一向有D這個問題，導致今天大爆發？

私人傳訊

Nancy20090615

瑪瑙宮

積分: 140682

5^#

發表於 15-9-21 12:52 |只看該作者

呢方面真係唔清楚, 醫生 / 醫務社工方面有無意見比到您呢?

私人傳訊

lovely-panda

侯爵府

積分: 20518

6^#

發表於 15-9-21 14:23 |只看該作者

回覆：太太生病了，有冇躁狂抑鬱症家人分享下

我工作會接觸到
要定時食藥，家人也要與醫護人員合作，
見ｄ家屬為左交藥問題經常與醫生／醫護唱反…令病情得不到最佳治療

或者病人自己交藥／停葯…後果仲煩

私人傳訊

wahiuma

翡翠宮

積分: 94880

7^#

發表於 15-9-21 15:27 |只看該作者

你嘅支持係好緊要，多D包容佢先可以幫佢走出呢個病，加油

私人傳訊

naciee

別墅

積分: 546

8^#

發表於 15-9-21 15:58 |只看該作者

回覆：lovely-panda 的帖子

食藥可以幫助，但有家人陪伴及體諒都好重要

私人傳訊

naciee

別墅

積分: 546

9^#

發表於 15-9-21 16:11 |只看該作者

回覆：naciee 的帖子

搵一個佢信任嘅人陪佢多些，效果會好些。幾年前我姨甥女有思覺失調，住了醫院差不多一個月，好感恩出院到現在都冇再病發，但仍不可以停藥

私人傳訊

snwm

大宅

積分: 1611

10^#

發表於 15-9-21 16:13 |只看該作者

本帖最後由 snwm 於 15-9-21 16:24 編輯

我在半年前証實了是患上了幔性抑鬱及焦慮症, 現在同時需回醫院見心理社工及需見某機構的社工. 雖然病情不是太重, 但很反覆.

作為過來人, 最重要是找出問題或引發的誘因. 如醫生建議需服藥最好跟他們的建議, 因為躁狂症除了傷害自己也會傷受別人的.

作為身邊最重要的伴侶, 你可能壓力會很大, 但請你耐心一直陪伴她身邊. 如可以多與有關醫生接觸, 聽他們建議. 還有, 請不要常說什麼: [不要再鑽牛角尖! 或是什麼看開些!]這些說話反而令我們更難受, 令我們覺得你們不想理會我們. 敬請明白我們無法完全阻止那些負面情緒的出現, 我們也不想不開心, 但是它們總是不時會來的. 不妨多說: [我明白你很辛苦亦很難阻止情緒再到來臨等等!] 要令對方明白你一直都在陪伴她. 如她想跟你說, 請你耐心聆聽任她好好發洩出來, 只需安靜讓她好好說出內心感受.

雖然半年前我才確診, 但我這病是由我十多歲已開始, 纏繞我差不多三十多年了, 所以有幸在一個機緣巧合知道自己問題.

加油! 我慶幸我先生及孩子在我身邊支持我.

點評

cffw

發表於 15-9-26 01:14

私人傳訊

HSUE

複式洋房

積分: 248

11^#

發表於 15-9-21 18:32 |只看該作者

回覆：snwm 的帖子

請問jm，我表妹她只24歳，有躁鬱症已經5年以上，之前只是她自己不開心，不嚴重，但近個幾月因失戀病發（只拍拖3天），近來常説冇人可以信，冇晒信心，覚得她媽咪愛錢多過愛她，常要迫她媽比錢及買東西給她，一話唔比錢就發狂，癲左咁，又㧵爛屋企d嘢，又話要去跳樓，佢屋企得爸爸搵食，萬幾蚊人工，幾日就使左幾千蚊，她叫佢媽搵人借都要借比佢，去一次冒險樂園都玩七百，不肯睇政府精神科，要睇私家醫生，成二千幾蚊一次，一個月五千，現佢媽只剩反萬幾蚊積畜，她都話要埋，好似冇人性咁，點包容？見佢媽就鬧，唔應佢又唔得，一定要應佢，別人幫她媽媽講好說話，她也反感，好大反應，請問應該如何同佢溝通較好呢？

私人傳訊

Kristytracy

男爵府

積分: 7348

12^#

發表於 15-9-21 21:45 |只看該作者

本帖最後由 Kristytracy 於 15-9-21 21:45 編輯

我係精神科度做，一般病人如果叫極都吾肯睇醫生，可以叫十字車送佢去醫院，強行睇醫生甚至住院，但如果可以Tum最好係一齊睇醫生啦！有病真係要睇，食左藥好好多，對自己同家人都係

私人傳訊

142526

侯爵府

積分: 23398

母親節2025勳章開心吸收勳章畀面勳章

13^#

發表於 15-9-21 22:04 |只看該作者

私人傳訊

HSUE

複式洋房

積分: 248

14^#

發表於 15-9-21 22:31 |只看該作者

引用：+本帖最後由+Kristytracy+於+15-9-21+21:45

原帖由 Kristytracy 於 15-09-21 發表
本帖最後由 Kristytracy 於 15-9-21 21:45 編輯

我係精神科度做，一般病人如果叫極都吾肯睇醫生，可以叫 ...

其實佢現在睇緊私家醫生，但調較緊藥，好反覆，好似㩒佢唔到，越來越瘋狂。佢之前5月時入過院2星期，很抗拒再入院，怕好似人地比人绑住，佢媽都唔想要揾人捉佢入院，她要協佢亞媽如佢入院不會見到她，現在如果食左鎮靜劑就會瞓，但一醒就嘈。

私人傳訊

alik

公爵府

積分: 25507

15^#

發表於 15-9-22 07:35 |只看該作者

回覆：太太生病了，有冇躁狂抑鬱症家人分享下

我有同事係咁. 家人可小心跟進佢食藥情況同埋瞓唔瞓到,唔食藥同瞓唔到會有幾大問題吓.個人會好hyper,做事會好衝動、唔顧後果同行為誇張. 佢地hyper時會覺得自己無事,充滿力量而唔食藥, 可以high到唔瞓幾日.

佢hyper時,因好多家人會留意佢(因可能會好大洗、做啲好衝動既決定等),令佢覺得俾人管住,好易會影響關係.

可以留意吓,有啲事會trigger到佢地出一啲徵狀,咪盡量避免呢啲刺激(例如我同事會在做supervision同appraisal前後情緒好高漲,做啲好怪既行為,但令周圍既人都緊張埋.

不過,你作為家人,都會好心力交瘁, 要自己拎個平衡, 都要relax.吓

唔該唔好同我打招呼，不要點評！

私人傳訊

aidan08

侯爵府

積分: 21131

16^#

發表於 15-9-22 11:08 |只看該作者

我有屋企人曾經試過。作為家人係會覺得很痛苦，一來知佢自己唔想，係一種病。但另一方呢個病的行為係會影響人。當時一向慳家嘅佢會突然狂買嘢，試過無端端經過車行落訂買咗架車，但佢已經唔可以駕車的了。佢又會好hyper，周圍鬧人，行為好誇張。但一情緒低落時又好恐佈，試過自殺。呢D都係呢個病的典型病癥。

呢個病一定要準時食藥，家人要比多D關心，情緒低落時要搵人睇住。

我個家人而家穩定返D，但都回復唔到佢本來的性格。佢仲食緊藥，少少嘢都會trigger到佢的anxiety，係要好多關心。對家人嚟講，係長期作戰。我明白你作為丈夫係會心情好複雜。我個家人係長者，成世人為屋企付出好多嘢，我哋個個都覺得如今佢得呢個病，大家係好有責任去幫助佢，病發時多忍耐佢帶嚟的麻煩，因為我哋好尊重佢。而你個情況好唔同，我諗你年紀應該唔會好大，而太太對你來說係一個要共同生活同經營彼此關係的人，長者家人無得揀，但老婆看似有得揀，你內心一定會好茅盾，因為呢個病的行為係會令人好討厭。我比唔到專業意見你，只可以同你講你太太呢D討厭行為好大因素係個病的病癥，如果佢唔肯食藥，或者病情不受控制，你一定要尋求協助，同醫生緊密聯系。另外我諗你都可以同輔導員傾傾，呢種病患的家人，心理上都好大負擔，你要搵個疏導情緒的途徑。

千世修來先成為夫妻，佢有病，我諗暫時你唔好諗到咁遠，盡力幫佢渡難關先。

私人傳訊

mywaymyfree

大宅

積分: 1488

17^#

發表於 15-9-22 11:38 |只看該作者

引用：我有屋企人曾經試過。作為家人係會覺得很痛

原帖由 aidan08 於 15-09-22 發表
我有屋企人曾經試過。作為家人係會覺得很痛苦，一來知佢自己唔想，係一種病。但另一方呢個病的行為係會影響 ...

呢d病成因係咩

私人傳訊

aidan08

侯爵府

積分: 21131

18^#

發表於 15-9-22 11:50 |只看該作者

mywaymyfree 發表於 15-9-22 11:38
呢d病成因係咩

我諗連醫生都唔可以話比你知成因係咩。佢哋通常講外在因素係壓力。又會有人話係腦內缺少一種物質，例如血清等。又有機會係家族有精神病患的遺傳因素。基本上，所有情緒病精神病都可以用以上嗰D原因去概括。但究竟係咩原因，我諗真係無人話100%肯定。

我家長輩個case就似乎係壓力。回想佢病發前，係因為要攪一個大party，邀請好多親朋好友嚟參加，又會回顧人生一D事，加埋要表演，佢太緊張呢件事，而且可能回想舊事令個人好多感觸，所以誘發到個病。不過呢D都係我哋屋企人的推測而已。

不過，我屋企人本身個性格都係比較extreme的類型，即係事事都去得幾盡的。例如佢一向慳家，而佢慳家的方法係外人睇嚟幾rediculous的，因為以佢的經濟能力佢係唔洗去到咁盡的。又例如佢決定做一件事佢會好上心，好盡力，係好緊張嗰類人。佢本身個人係有點唔識relax的，生活好緊湊。就算relax都只係做運動時，但個目的都係為身體健康，唔會話去hea吓做吓D無目的只係放鬆自己的事。而佢老婆係幾煩的一類，成日都逼佢做一D嘢，好'暗沉'又主觀好強的人。所以家人都覺得佢老婆都要為佢個病負少少責任。