＋
Baby Kingdom - 親子王國 香港 討論區 › 首頁 › 少年成長› 過度照顧

少年成長

收藏本版
發帖
返回列表
跳至頁
過度照顧 [複製鏈接]

首頁
1

尾頁
   0
csir3290


子爵府

積分: 12795


1#
發表於 22-9-4 11:07 |只看該作者
之前講過阿仔阿女每個禮拜都會去學打羽毛球，呢輪有啲時間所以都會早啲去球場睇下佢哋打波。早幾日睇佢哋打波嘅時候見到佢哋有個同學仔大約三四年班，打打吓波甩咗鞋帶，咁教練就提佢綁番鞋帶，點知個男仔即刻跑返埋去場邊阿媽度，然之後叫阿媽講幫佢綁，綁鞋帶嘅同時仲要遞水抹汗。到佢搞掂返番入場嘅時候連教練都忍唔住同佢講叫佢下次要自己學綁鞋帶啦。其實個教練都講得幾大聲，我覺得個教練其實都係講埋畀個細路個阿媽聽。因為個細路都三四年班啦，但係個阿媽仲當佢bb咁照顧。到佢哋學完落堂個細路仔又係走返去阿媽度，阿媽即刻幫佢抹汗遞水不特止，連換鞋都要阿媽幫手，我望住自己對仔女乜都要自己搞掂，我自己都有啲懷疑我對自己仔女係咪太嚴苛呢！


成日都話唔知係咪而家呢個年代大家生小朋友都係一個起兩個止，尤其是獨生子女家長就更加照顧到無微不至。我唔係話咁樣有乜嘢唔啱，但係家長喺照顧仔女嘅同時其實都應該要逐步放手畀佢哋學習自理同獨立。頭先嗰個細路仔三四年班都仲要阿媽咁照顧已經唔出奇，我見過連中學生有啲家長都係咁樣照顧法。唔怪得知社會上成日都有個聲音話而家嘅後生仔嘅自理能力越嚟越低，主動性同埋獨立性都唔係咁理想，我覺得唔多唔少都同家長嘅照顧有啲關係。我明白在父母眼中子女永遠都係一個長不大嘅細路仔，但係其實父母都應該要學習子女逐漸長大然之後逐步應該放手，好多嘢應該根據佢嘅能力而畀番細路仔自己照顧自己。


有啲父母會覺得細路仔咁樣只係叫做黐身，但係我就覺得黐身同埋自理能力係兩件事，其實我都覺得我個仔都算黐身，但係佢嘅痴身只不過係成日都想同我哋一齊，但係一啲都唔會影響佢嘅自理能力。做父母唔好經常覺得細路仔能力唔夠做唔到，又或者為咗慳時間就幫咗佢哋去做，其實你越幫佢只會越係做唔到越依賴，好多嘢根本細路仔係學得好快只要畀時間佢哋慢慢去學慢慢去試佢哋就自然會做到。而且除咗學到自理能力之外，其實自理能力高嘅細路仔普遍嘅自信心都會高啲，我自己就好覺得嗰啲乜嘢都黐住家長，乜嘢都要家長幫手嘅細路仔佢嘅自信心明顯係比其他細路仔低，因為好多嘢根本佢自己都唔知自己做唔做得嚟，所以又點會有自信呢！


我公司就試過請過一個後生仔，大學畢業學歷冇問題，但係偏偏就連請病假咁簡單都要由阿媽打電話返嚟公司同上司講，好多嘢唔叫又唔會做，坦白講喺公司入面請得你就預咗你即刻可以埋位應付到自己要做嘅工作啦！有邊個會咁得閒到好似湊仔咁，樣樣幫佢手呢！最好笑係其實佢做咗個零月就已經覺得應付唔到要辭職，但係佢連辭職都係要阿媽打電話嚟同上司講，因為未過試用期所以到最後只係寄返封辭職信返嚟公司就算數。


小學生未識綁鞋帶，中學生都仲飯來張口乜家務都唔識做，大學生都仲未能夠獨立地應付日常嘅工作，後生仔自理能力低其實又係由邊個一手造成呢？
私人傳訊

Nice903


別墅

積分: 860


2#
發表於 22-9-8 02:19 |只看該作者

回覆樓主:

完全同意
私人傳訊

KIMLIFEINUK


別墅

積分: 916


3#
發表於 22-9-9 19:39 |只看該作者
講得啱，不過好多家長自己唔覺得有問題
私人傳訊

eeyorepigpig


伯爵府

積分: 17206

熱血勳章 BK Milk勳章


4#
發表於 22-9-20 12:47 |只看該作者
見有D中學都仲話要搭校車, 一係就父母揸車接送, 講緊係同區喎, 咁都唔放手比佢自己試下返學

私人傳訊

EudyptulaMinor


男爵府

積分: 9263


5#
發表於 22-9-26 18:09 |只看該作者
同意！非常同意！

我仲想補充！
做爺爺嫲嫲、公公婆婆嘅請你哋合埋把口，3歲唔餵飯俾你哋鬧爸爸媽媽懶，4歲跑跑跳跳仆親又鬧爸爸媽媽咁都睇唔住個細路，5歲做功課字醜又鬧爸爸媽媽唔揸住小朋友隻手教佢哋寫字……
我唔要我個細路做溫室小花！我要佢冇咗我都可以生存到！你哋明唔明呀！我唔想將來我嘅仔女怪我冇教佢哋點樣獨力生存！

點評

csir3290  :donutgood:  發表於 22-9-26 18:45
私人傳訊

hoooot


大宅

積分: 2114


6#
發表於 22-9-26 23:47 |只看該作者
本帖最後由 hoooot 於 22-9-27 01:42 編輯

我有親戚係會刻意強調仔女自己返學放學。有一次親戚聚會，佢個10歲女去咁啱要去toilet，又喺度強調話佢係自己去廁所，講緊其實只係由餐廳行去同層商場廁所⋯⋯而家個女中學，又提住個女自己整晚餐漢堡扒咖哩（現成咖哩現成扒，唔係自己熬汁自己剁肉）

我反而對親戚呢類人更加反感，成日強調仔女乜都自己黎自己做，講黎講去都係呢啲無謂嘢，其實係咪代表仔女嘅才能僅限於此？
私人傳訊

hoooot


大宅

積分: 2114


7#
發表於 22-9-27 00:14 |只看該作者
本帖最後由 hoooot 於 22-9-27 01:42 編輯

我就反而覺得自理能力呢個topic係畀人無限放大咗。大學生辭職呢單只係extreme case, 三四年級有父母幫手抹汗遞水，畀著我只會覺得係正常關愛嘅表現，唔會聯想到港孩/自理能力差。見到個阿媽幫手綁鞋帶，就判斷個仔唔識做，未免太武斷，好多家長明知仔識都會照幫手。
私人傳訊

hoooot


大宅

積分: 2114


8#
發表於 22-9-27 01:29 |只看該作者
本帖最後由 hoooot 於 22-9-27 01:41 編輯

我以前間小學係乜都唔准，學校絕對唔畀學生著要綁鞋帶嘅鞋，一定要著有魔術貼嗰啲。而且無論任何情況學生都要有人接送，哪怕校車直達屋苑門口，或者返屋企只係行幾分鐘嘅路。

唔著綁鞋帶嘅鞋唔通就唔識綁鞋帶？我成個童年都係主要著有魔術貼嘅鞋，咪一樣喺冇特登學嘅情況底下，唔知幾時、自然而然咁知道要點綁鞋帶。係呀，去到小六，返咗十零年嘅屋企，一樣都要呀婆帶，一樣係要有人接送，咁唔通就代表我係唔知道要點返屋企，唔識自己行返屋企？之後中一，去遊學團，咪一樣喺歐洲啲大街小巷自己周圍行足半日。喺香港參加活動，咪又係自己一個由新界搭車去大嶼山。點會唔識？

我係想講，所謂嘅過度照顧、過度保護，唔係真係影響咁大，至少對我黎講，尤其喺度青春期/成人階段，個影響係零，完全零。所以我真係覺得樓主唔需要放大黎講，更加唔需要淨係見到個表象，就去妄下定論，長篇大論咁去評論。至少，一啲習慣，一啲行為，無論係被迫「養成」，或者自願咁做，個影響都未必有你想像中咁大。

我嗰陣小六，11、12歲已經有成年女性身高，著38號鞋。我反而想知，如果樓主見到當年嘅我，一個高過自己呀婆嘅學生，大腳八都唔綁鞋帶，仲著魔術貼鞋周街行，不特止，仲要老人家接送，會唔會覺得呢啲係縱壞、係過分呵護、係過度照顧？會唔會有感而發，寫一大段去描述去評論？見到樓主同下面啲cm，更加覺得當年嘅自己應該係人地眼中嘅巨嬰港孩。
私人傳訊

hoooot


大宅

積分: 2114


9#
發表於 22-9-27 02:17 |只看該作者
本帖最後由 hoooot 於 22-9-27 02:25 編輯
eeyorepigpig 發表於 22-9-20 12:47
見有D中學都仲話要搭校車, 一係就父母揸車接送, 講緊係同區喎, 咁都唔放手比佢自己試下返學 ...

就算同區，都可能要轉車，車站同屋企都可能有一段距離。校車點對點方便，返學途中想休息下又唔使就住就住驚過站。

父母接送都可以有好多原因，可以係想有多啲時間陪伴、相處，可以係大家順路，亦都可能係一直以黎都係咁慣咗，又或者係啲同學仔家境比較好，唔想畀人睇唔起⋯⋯總之父母願意又有時間，何樂而不為？

點解搭公共交通工具先係好，先叫做放手？最怕外人唔知頭唔知路，淨係識指指點點。一星期返五日學，梗係用最方便最舒適嘅方法。

講明先，我同親人中學全部都係自己返學放學，冇一個係搭校車/要人接
私人傳訊


首頁
1

尾頁

跳至頁
返回列表
回覆
發帖
Presslogic Logo
Baby Kingdom Logo
聯絡管理員 廣告查詢 使用條款 免責聲明 使用意見

Copyright © 2026 Baby-Kingdom.com Limited. | Privacy Policy