吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 夫婦情感› 你地覺得有冇問題？

夫婦情感今日: 6|主題: 42807

收藏本版

發帖

返回列表

跳至頁

查看: 2634 | 回覆: 15

你地覺得有冇問題？ [複製鏈接]

sugerlucy

男爵府

積分: 8701

1^#

發表於 16-11-3 18:49 |只看該作者 |倒序瀏覽 |打印

本帖最後由 sugerlucy 於 16-11-3 20:53 編輯

一星期七日，有六日好似網戀咁只在whatsapp溝通，星期日就family day 我同佢識左一年左右。

我有兩個小朋友，佢唔介意同我一齊仲接左我地去佢到住，起初當然會用多點時間陪我同溝通，識耐左之後可能工作上有轉變，以前會機不離手，到而家一日可能十句以內對話....佢之前講過會轉返早班陪我多啲，但最後都不了了之。
我有兩個小朋友，佢地好多時喺佢嫲嫲到食埋飯返黎就沖涼瞓覺，屋企作用對佢地黎講只係瞓一覺就起身返學，我成日覺得好孤獨一個人食飯一個人瞓覺..有時想同佢交流下只能文字上，佢工作要揸車，我返工佢熟睡，佢放工我熟睡，可以連續六日都幾乎零溝通！我開始覺得有問題出現，我從新接受一段感情拋開過去..但而家發現好似行緊以前條路咁，又係零交流，有時好多野想講但過左timing就又吞左落肚。
佢想同我有將來想結婚想生一個屬於我地既小朋友，如果喺之前甜蜜期，我會通通應承，因為戈時我地好多時間對住拍拖，好多二人世界但最近好似各有各忙咁..我做乜佢唔知唔開心佢唔知，同佢講佢返工時間就覺得係我問題冇體諒佢，佢算有心機對住我啲女，但有時可能會勞氣啲忟啲，所以佢話都係唔想返早以免炆死自己..唉！我總係覺得有問題但唔知可以點...最近成日覺得自己好抑壓..唔明係我要求過高..定邊到出問題，如果以後都係咁的話，我諗我不如單身算了..最怕有了伴侶那份孤獨.....

0 0 0

私人傳訊

fattymama

伯爵府

積分: 16331

2^#

發表於 16-11-3 19:41 |只看該作者

本帖最後由 fattymama 於 16-11-3 19:42 編輯

好有問題呀!!!

睇两行已經睇唔落去.
完全無標點符號...........
其實用錯唔緊要,
起碼要有間隔嘛...........................

點評

Jolin_Yuen

發表於 16-11-4 12:41

1314625

發表於 16-11-4 09:24

私人傳訊

Kristytracy

男爵府

積分: 7348

3^#

發表於 16-11-3 19:58 |只看該作者

甘又覺得佢都係返工時間同你吾同，所以好難有時間傾到計姐，如果佢吾返工，你就大獲啦！我諗有時，你自己都吾知想點。

私人傳訊

maymaysheep

男爵府

積分: 7044

4^#

發表於 16-11-3 20:51 |只看該作者

Kristytracy 發表於 16-11-3 19:58
甘又覺得佢都係返工時間同你吾同，所以好難有時間傾到計姐，如果佢吾返工，你就大獲啦！我諗有時，你自己都 ...

阿q精神，他唔返工，仲大鑊

私人傳訊

aptcan

男爵府

積分: 8997

畀面勳章

5^#

發表於 16-11-3 22:23 |只看該作者

回覆：你地覺得有冇問題？

其實佢只想對住你咋，初期接觸你小朋友時係會有耐性啲，但久而久之就會無，加上又唔係自己仔女，所以寧願返夜班避佢地！

私人傳訊

chichichau

大宅

積分: 2309

6^#

發表於 16-11-3 23:05 |只看該作者

同拍拖甘，過左熱戀期。性格就現型。

如果是我，未結婚，我吾會搬去同佢一起住。2個女又吾是佢親生。男人最怕麻煩，細路吵。

如果你打算結婚，佢又想生一個，你未同佢生。如果依家甘嘅情況，拍拖先，看定啲。又吾是未見過男人。識判斷啦。

私人傳訊

Nancy20090615

瑪瑙宮

積分: 140709

7^#

發表於 16-11-3 23:22 |只看該作者

唔知同佢一齊做乜

私人傳訊

lovelykoala

別墅

積分: 820

8^#

發表於 16-11-4 00:02 |只看該作者

伴侶伴侶，就係要陪伴大家嘛！佢又冇時間陪你，又冇時間溝通，又冇耐性對你D小朋友......我覺得行落去冇結果，勉強結左婚都唔會開心

私人傳訊

tommy715

男爵府

積分: 6304

9^#

發表於 16-11-4 00:07 |只看該作者

回覆:你地覺得有冇問題？

重衰過舊屎，重煩多两錢?

私人傳訊

ndw

子爵府

積分: 13949

10^#

發表於 16-11-4 02:30 |只看該作者

sugerlucy 發表於 16-11-3 18:49
一星期七日，有六日好似網戀咁只在whatsapp溝通，星期日就family day 我同佢識左一年左右。

我有兩個小朋 ...

你地以前條件上容許時，有溝通，你地溝通的內容是甚麼呢？能否用來了解他的心思意念，用過世呢？
若果得，就可以用來挨過這很有條件限制的時日。（就是你兩作息時間不同）。
若果唔得，咁你都唸到了：「我諗我不如單身算了..最怕有了伴侶那份孤獨」

私人傳訊

QY08040408

伯爵府

積分: 18628

11^#

發表於 16-11-4 08:55 |只看該作者

識一年就帶埋兩個女去同居？好似好兒戲渦。你真係了解佢嗎？佢真係可以接受到兩個小朋友？

點評

Jolin_Yuen

發表於 16-11-4 12:41

私人傳訊

SJ6

伯爵府

積分: 16555

12^#

發表於 16-11-4 09:32 |只看該作者

回覆樓主:

樓主，用心再經營一下！！如發現真係唔適合就直接同對方講出你既感受，唔好一直只默默付出同忍受

私人傳訊

sugerlucy

男爵府

積分: 8701

13^#

發表於 16-11-4 09:47 |只看該作者

拍左一年多先啱，兩個女其實都好痴佢，佢做左幾多野其實都有眼睇有用心感受，因為佢親爸爸實在做得唔稱職又唔肯比贍養費，佢又肯同我分擔呢個擔子，小朋友好想有個平易近人既爸爸可以嗲下同佢地親子下，咁而家男友一放假又肯留喺屋企同佢地玩有咩都諗左佢兩個先，因為之前搞離婚時我要同兩個女要搵地方搬，一個女人仔要揍住兩個女仲要搬屋，我冇屋企人幫手，喺戈段時間就識到佢....過左一段時間佢知道我背景之後我已經同佢講，我有小朋友，你諗清楚先好同我發展...（我嘗試掉轉對方角度諗，如果要我去同一個有兩個小朋友既人一齊，我諗我冇咁偉大....）結果係一齊左，同佢一齊之後佢除左接左我地三母女去佢到住，仲為我小朋友特別添置左啲床書枱同衣櫃，又請左個姐姐去幫輕下我家頭細務，幫我揍下小朋友日常起居返學放學，其實就咁睇對比之前既生活係好左，只不過我有時一個人時會冇方向失分寸會亂諗咁..

私人傳訊