夫婦情感 今日: 8 | 主題: 42807

積分: 1463

1^#

發表於 16-9-27 01:57 |只看該作者 |倒序瀏覽 |打印

跟老公結婚生BB後，關係未曾好過，他經常罵我，以很差的態度對我，性格固執，不講道理。我本身有食瞓覺藥，他令我不開心成日喊，擔心自己患上抑鬱症求E，傾吓傾吓，醫生話都係幾肯定我老公係亞氏，她叫我不要幻想可以拯救他，醫生接觸很多這類夫婦家庭，很大部份都沒有好結果，叫我要為將來作個準備。
回到家，我的天然母性發作：「他不是不愛我，不是很憎我，是因為有病表達不到....」，如果我沒有努力過，便放棄這段關係，我會不甘心，於是昨晚以非常高技巧跟他說，E生說他是亞氏保
加症（高智自閉），所以我已經明白他之前的行為和態度跟他心中所想的並不一樣，我會體諒同支持。
他沒有10分抗拒，但肯定不接受自己有病，其實之前社工都同我講過，懷疑他是自閉症，他最後說了一句：點解你要聽醫生社工朋友講來斷定我，我好反感。
其實我想食住上，咁你去做測試咪可以證明自己係定唔係囉，然後今朝，我給了一些亞士佬老公的好笑事件，以輕鬆的手法跟他探討，不過他當然是沒反應啦！
既然我決定跟他一同面對，我應該引他去看醫生呢？因為他們會不覺得自己有問題，E生也說：它可以修正這種性格的機會很微，因為已經40歲了，反而我個仔（小肌肉發展遲緩）雖然有機會係亞氏，就算中咗都好容易修正，而且他很喜歡接觸新面孔，可能有一半基因是我的原因吧！
亞氏佬真係好難搞，但也有好處，他們專一、常常待在家中、很有正義感責任感，性格比我更女人，喜歡在家做飯，雖然好多時都整到好難食，真心為我好，但會用鬧嘅方式來意思相反。
點知尋晚佢又再一次因小事鬧我，仲話我無事生事，佢將所有問題指摘在我身上，自己不肯定有問題，講埋啲咁嘅嘢真係令我好委屈，唔知自己可以忍到幾耐。

收藏0 分享0 支持0 反對0 分享

0 0 0

私人傳訊

ndw

積分: 13949

2^#

發表於 16-9-27 07:07 |只看該作者

我丈夫懷疑我有自閉＋潔癖症。我個1.3 哥哥直情同我丈夫講我係有自閉症的。
我個大女在7歲時曾經被專家評估為邊緣的亞氏。
我地個個都冇唸住醫我。

「真心為我好，但會用鬧嘅方式來意思相反」
「佢將所有問題指摘在我身上，自己不肯定有問題，講埋啲咁嘅嘢真係令我好委屈」
我的自閉沒有這些症狀。我只是不懂閱讀理解人的情緒。
我丈夫說我沒有同情心，很難與我相處。
在這段夫妻關係中是我覺得自己受委屈的同時也委屈了丈夫。

私人傳訊

ndw

積分: 13949

3^#

發表於 16-9-27 07:10 |只看該作者

由於我的自閉症，教育兒女的工作我完全不接來做，全權由我丈夫來教導。
我希望她們在搞人際關係方面不要像她們的媽媽我那麼失敗。

私人傳訊

chowqv

水晶宮

積分: 67671

wyeth冷知識勳章畀面勳章大廚勳章

4^#

發表於 16-9-27 08:20 |只看該作者

回覆樓主:

作為一個都係自閉症既成人，如果身邊人開口埋口都話：你有病。我諗我真係會發火，委屈…
自閉症只係天生，有d缺陷…（我成日覺得只係同大部份人唔同，就俾屈有病）…
用個比喻，A人既思想係行Mac system（蘋果機）,一般人行window…咁彼此未必讀到對方既file…因為咁，少數就係錯？有病？
我個仔都係A仔，我經常教佢，我地只係阿斯柏星，移民過黎地球…所以，要互相適應。

不知所謂的乙陸！！！

私人傳訊

zoooooooooo

積分: 2083

5^#

發表於 16-9-27 08:34 |只看該作者

回覆樓主:

我老公以前嘅上司都係，關心下屬都係用鬧，鬧完唔覺得有問題，同埋有呢個症嘅通常唔會識了解人嘅感受

私人傳訊

zoooooooooo

積分: 2083

6^#

發表於 16-9-27 08:36 |只看該作者

回覆樓主:

不過樓主要加油，慢慢一步一步行，我老公之前有情緒病九年，我都係一步一步同佢行到今日，真係唔急得，support

點評

wcpcelia

發表於 16-9-29 16:46

私人傳訊

積分: 1463

7^#

發表於 16-9-27 12:11 |只看該作者

有時佢鬧我嘅性格，急躁、衝動，我認，之後仲會say sorry, 當然我冇喺佢面前話佢有病啊，想死咩？但係而家涉及一個細路，之前話BB有少少發展遲緩，佢話唔覺得係問題唔俾我帶佢做治療，R到死，當然最後我帶佢做咗而家情況好好多，社工話佢因為咁成日覺得自己係屋企冇存在價值，所以成日都要拗贏同埋我一話俾佢聽乜嘢佢就起「降」，其實我仲要返工搵錢，仲有好多興趣活動，又要湊仔，我真係冇時間理佢，有諗過求其就算，做一對唔講嘢唔溝通嘅夫妻（因為佢真係可以全日唔講嘢喺度上網），同BB做乜野都唔會問佢意見因為佢一定反對同埋嗌交，後來係一次嗌交佢話俾我聽原來佢介意，佢覺得我當佢係外人、工人唔係老公，我最怕長期喺呢啲矛盾位，講又死唔講又死！
我亦有同社工提過，我哋兩個長期處於互相怨對狀態，是一種危險關係，我自己搵朋友出去玩，佢就沉迷網上世界係啲wechat撩女，我睇過佢同人講嘅說話好露骨，類似撩人地出嚟搞嘢之類，個人地當然無理佢啦！
我同佢講你成日話你唔識氹女仔，但你係虛擬世界裏面好積極主動，佢就話自己平時冇咩消遣減壓所以先會咁（他曾被自稱鬼婆的人，在網上騙去近百萬，個鬼婆偽造結婚證書，佢寫比to my wife嗰啲情信,全英文黎嘅長度三日三夜都睇唔完），有時自己覺得，佢對住BB同我好孤寒，冷口冷面，喺網上世界就俾人，自己真係好下賤，以前追我嘅時候都成日send野比我，而家我send野比佢10條友九條唔應，我又開始去到矛盾位，唉，咁委屈自己做乜呢？

私人傳訊

Nancy20090615

瑪瑙宮

積分: 140721

8^#

發表於 16-9-27 12:33 |只看該作者

Vkeeleung 發表於 16-9-27 12:11
有時佢鬧我嘅性格，急躁、衝動，我認，之後仲會say sorry, 當然我冇喺佢面前話佢有病啊，想死咩？但係而家 ...

社工話佢因為咁成日覺得自己係屋企冇存在價值......
佢覺得我當佢係外人、工人唔係老公......

社工有無建議您地婚姻輔導, 而唔係 focus 佢去睇醫生.

私人傳訊

eggpudding

積分: 14327

9^#

發表於 16-9-27 14:15 |只看該作者

Vkeeleung 發表於 16-9-27 12:11
有時佢鬧我嘅性格，急躁、衝動，我認，之後仲會say sorry, 當然我冇喺佢面前話佢有病啊，想死咩？但係而家 ...

本帖最後由 eggpudding 於 16-9-27 14:25 編輯

照你字面形容
我覺得你地之間無愛
佢唔愛你，亦唔見你對佢係愛
你地之間份情俾生活消磨了
過去左
如果唔係你唔會安排咁多節目
佢唔會同人上網調情

私人傳訊

zoooooooooo

積分: 2083

10^#

發表於 16-9-27 14:29 |只看該作者

Vkeeleung 發表於 16-9-27 12:11
有時佢鬧我嘅性格，急躁、衝動，我認，之後仲會say sorry, 當然我冇喺佢面前話佢有病啊，想死咩？但係而家 ...

我都明白會好難頂，嗰時我都係一步一步話比我老公知佢有問題，佢係躁鬱症，佢病發嗰陣有女人，喺大陸租左層樓，仲要拍片，到我知道後我當然好心痛，但係掉番轉諗佢係有病而控制唔到自己，所以我無大吵大鬧，亦都無出聲，錯嗰個唔係佢，而家係個病影响左佢，跟住我再搵左一日，大家心情好嗰陣同佢講下其實我乜都知，佢問我點解我唔出聲，我就話，錯嗰個唔係你，係你有病，所以我會選擇唔出聲去原諒你，唔係我大量，係我知道你根本控制唔到自己去做出啲咁既事，我再講，如果你唔想再做啲傷我心嘅事，我地一齊去面對，我陪你睇醫生丫，之後佢答應左。。。

私人傳訊

aidan08

侯爵府

積分: 21131

11^#

發表於 16-9-27 14:38 |只看該作者

Vkeeleung 發表於 16-9-27 12:11
有時佢鬧我嘅性格，急躁、衝動，我認，之後仲會say sorry, 當然我冇喺佢面前話佢有病啊，想死咩？但係而家 ...

樓主，真心覺得你老公有無病係其次，佢做過D咁嘅事係好離譜，我覺得唔關有病事。佢嘅行為唔可以單單用有病去解釋，佢係不忠，而且唔理你感受，我唔明點解你會話佢專一？佢在網上撩人出嚟攪嘢，你覺得同佢有自閉症有關嗎？我真係不敢苟同！

樓主，唔好理佢有無病，你同佢一齊覺得開心嗎？覺得有被尊重嗎？呢D嘢，你要問心，長此下去，你都會有情緒病！你唔可以當佢有病而任佢去傷害你！

私人傳訊

Nino

珍珠宮

積分: 36897

12^#

發表於 16-9-27 16:31 |只看該作者

我同事亞氏, 但佢冇開口鬧人,
只係比較難表達自己, 而且佢對伴侶忠誠.
有病唔係一個理由自己可以不忠,
呢個唔係佢個病影響,
而係佢個人既品格有問題.

你自己都知,
識佢既時候佢對你落好多心思,
但今日佢將呢d心思放o係其他人度...
你要面對既唔係佢個病,
而係佢對你不忠誠既問題.
但同時間,
你自己又願唔願意去同佢多溝通?
定你想各有各精彩咁就一世??

私人傳訊

積分: 1463

13^#

發表於 16-9-27 22:27 |只看該作者

Nancy20090615 發表於 16-9-27 12:33
社工話佢因為咁成日覺得自己係屋企冇存在價值......
佢覺得我當佢係外人、工人唔係老公......

其實而家已經係「夫妻輔導」，個社工女仔同我傾野好似朋友咁，所以我唔覺得佢做緊輔導，佢成日同我講覺得我老公好愛我，只係佢唔識得表達，同用錯方法對人。有幾次我打俾社工好激動，因為又畀人鬧，佢就勸我將聽到佢講嘅嘢相反咁諗就係真嘅，唔好理佢講乜，又要我改變自己，我活咗幾十年我自己都有自己性格，因為對方變唔到所以就要我變，為個家我係肯嘅。後來就話準備約我哋兩個一齊見臨床心理學家，但係我老公係未答應嘅，我哋就壓住佢諗住叫佢陪我見心理醫生，個社工話佢好想陪我，但我自己打俾佢約佢，佢又話唔得閑！

私人傳訊

rickhss

積分: 4472

14^#

發表於 16-9-27 23:26 |只看該作者

Vkeeleung 發表於 16-9-27 01:57
[/td][/tr]

[/table]

又話【亞氏】專一

c6又上網被人呃百萬

樓主保重

私人傳訊

charmykittyy

別墅

積分: 885

15^#

發表於 16-9-28 01:15 |只看該作者

有姊妹的老公很像你 C6成日罵人～因某原因帶了他看精神科醫生，現在食了抗抑鬱藥好像改善了～

私人傳訊

積分: 1463

16^#

發表於 16-9-28 01:55 |只看該作者

rickhss 發表於 16-9-27 23:26
又話【亞氏】專一c6又上網被人呃百萬樓主保重

佢個陣未同我一齊，佢話太想有家庭所以盲磨入局，我心諗邊有人咁豬架？其實最豬係我

私人傳訊

積分: 1463

17^#

發表於 16-9-28 01:56 |只看該作者

charmykittyy 發表於 16-9-28 01:15
有姊妹的老公很像你 C6成日罵人～因某原因帶了他看精神科醫生，現在食了抗抑鬱藥好像改善了～
...

我都希望佢肯見......

點評

wcpcelia

發表於 16-9-29 16:47

私人傳訊

積分: 1463

18^#

發表於 16-9-28 02:08 |只看該作者

ndw 發表於 16-9-27 07:10
由於我的自閉症，教育兒女的工作我完全不接來做，全權由我丈夫來教導。
我希望她們在搞人際關係方面不要像 ...

E生的仔仔也自閉，他說自閉分偏執連同冇所謂兩類型，她仔仔係軟皮蛇比人話，人哋教佢會接受，只係沉醉自我世界同數字世界，讀左啲專業仲做緊嘢，雖然係公司成日畀人鬧，佢就會話好呀是但啦！醫生話佢個仔易搞好多，但偏執型會不斷話人哋有問題，自己啱晒。如果你唔係呢類型我恭喜你，因為仲有特教，其實唔關你事，你過惱生成係咁，但係你受教，已經踏出左成功嘅一步，需要明白你先生又要工作又要睇小朋友係好吃力，有時講嘢過火左，就原諒下佢啦，祝你早日康復!

私人傳訊

ndw

積分: 13949

19^#

發表於 16-9-28 04:00 |只看該作者

本帖最後由 ndw 於 16-9-28 04:05 編輯

Vkeeleung 發表於 16-9-28 02:08
E生的仔仔也自閉，他說自閉分偏執連同冇所謂兩類型，她仔仔係軟皮蛇比人話，人哋教佢會接受，只係沉醉自我 ...

多謝你有一顆為人著想，願意嘗試改變自己的觀感來體諒人的愛心！

也是因為這份愛心，你選擇委屈自己留在這關係中。
你也當好好保護自己的情緒。時不時要評估下當下夫妻相處的局勢，若都試過了還是夾不來就需要面對現實，為了雙方的身心靈健康，放手也會是好的選擇。
我唸照你 E生說的，我是「軟皮蛇」型。我都覺得我自己好食懶做的。

但生活所逼，為了上有高堂，下有幼兒，還得挨驢仔。
「偏執型」好似我屋企原生家庭D男人呢。所以我都好體會到你與你老公相處的所感。實在好難與他們共事。他們與我丈夫格格不入。互不欣賞。我夾在中間兩面難。
啊，我丈夫已經磨練到我畀佢話時，我唔出聲，聽佢伸。我稍微回他一句，他就說我沒有聽他說話了。

他有他做事，解決問題的一套方式，思維和因果分析角度，我有我的。我兩的方式不能從溝通中得共識。這是我已經看清了我無能力改變的事實，所以我儘量避免與他共事。我分清那些是我顧不了的事就放手任由他一手一腳處理，解決困難，我不挑他處事方式，讓他知道他也不需要為他的做事方法辯護。總之我就合上眼不聞不問。
結婚20多年後的今日，他說我是一個正真順服型妻子，他信任的紅顏知己。我想是因為我能做到已經放手不管那些我管不了，控制不了的事吧。

但願你早日找到對你和你先生身心靈都健康的相處之道！

私人傳訊

艾森