吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 醫護健康› 媽媽入左伊院只不過幾日, 由清醒變得無反應. ...

醫護健康今日: 0|主題: 7952

收藏本版

發帖

返回列表

跳至頁

查看: 3578 | 回覆: 7

[長者] 媽媽入左伊院只不過幾日, 由清醒變得無反應. [複製鏈接]

bk2000

民房

積分: 22

1^#

發表於 14-11-28 03:39 |只看該作者 |倒序瀏覽 |打印

本帖最後由 bk2000 於 14-11-28 03:39 編輯

媽媽本身有柏金遜,少少糖尿,同高血壓, 情況其實都越來越差, 但起碼扶住佢, 自己都可以行路, 思路都清晰, 同佢講野, 都比到反應, 但說話能力大都一句起兩句止.

就早幾日, 突然又痾又嘔, 成身無力, 面部表情怪異, 見唔對路就call左急症入左伊利沙伯醫QE.

根住頭兩日探佢都無嘜野, 仲自己食到野,對身邊所有野都有反應但去到前日突然神志唔清醒, 然後醫院打電話黎CHECK到缺血性中風.

家吓媽媽都唔好話自己行落床, 清醒時連食野都食唔到, 對身邊人講野無反應.

我其實覺得係醫院照顧得媽媽唔好先會咁, 幾十張床, 得幾個謢士,邊有可能睇到佢, 想追究又唔知點樣追究, 同知道追究黎都無用, 一句跟足程序做, 根本就無佢辦法. 怪就怪自己無錢.

同聽謢士講會申請去九醫到, 但要"排"

.......情況去到咁都仲要"排", 同宜家個住院環境肯定比唔到合適治療佢, 張床附近什麼監察儀器都無, 真係去左都無人知.

同情況惡化到咁地步, 探病時間竟然都係只可得兩個鐘. 想留耐啲都唔得.

件事發展到這裡, 我宜家仲可以做什麼?

同轉私家係咪好啲? 可以轉邊間? 同價錢收費如何? THX

0 0 0

私人傳訊

sfll

版主

積分: 81135

2025中秋節勳章母親節2025勳章 2025勳章蛇年勳章 2024年龍年勳章虎到金來勳章好媽媽勳章醒目開學勳章畀面勳章環保接龍勳章大廚勳章 BK猜猜猜慶中秋

2^#

發表於 14-11-28 07:45 |只看該作者

回覆：媽媽入左伊院只不過幾日, 由清醒變得無反應.

朝早醫生循房你要去見面

生離死別, 並不可怕, 可怕的是自私的靈魂

私人傳訊

fitfish

珊瑚宮

積分: 107313

3^#

發表於 14-11-28 20:01 |只看該作者

可以同護士講要求見醫生.

九龍Ｅ院環境好過QE,但不是急救Ｅ院,老人入得去,七至九成要入老人院

付得起錢,可找何鴻生個腦科Ｅ生,起死回生(不是講笑)

玩具萬歲!

私人傳訊

bk2000

民房

積分: 22

4^#

發表於 14-11-29 03:24 |只看該作者

thx, 各位意見, 何鴻生個腦科Ｅ生我諗我唔可能請得到佢.

成件事我最唔明, 中風先前一定有些先兆, 但單靠這些先兆, 去到醫院又唔能夠碓定係中風, 結局真係等到中左風先走去scan個腦, 才知中風.

醫生唔係成日教病先前一定有些先兆, 但到真係有又發現唔到. 真係好無奈.

私人傳訊

rebreather

男爵府

積分: 7397

5^#

發表於 14-11-30 07:06 |只看該作者

中風前係會有些小預兆，不過唔等同你可以防止中風發生，當中風發生，一般72小時內接受適當醫療，係可以減輕之後既傷害，適當既醫療可以係食薄血藥，開腦減壓，手術通返血管…等，全部都要見到症狀先做得，係治療，唔係防止，中風係表徵，要防止中風係要著眼有關既病，對正問題既根源，比如心臟問題，血管問題…等。
伊院係全港數一數二，有最好配置去處理中風既醫院，接收中風個案亦係全港最多，要留意既係伊院亦係一間政府醫院，政府醫院既通病係你唔問佢唔會主動講，亦係有小做小錯既風氣。而且西醫係中風既睇法係防止變惡化，急救之類，比較被動。
係我有限既經驗話比我知，如果中風病人係五日內未見有起色，只有等佢轉壞，跟著醫生會叫你預備，呢個時候亦係醫生會同你講最多嘢既時候，就係想你同意放棄。
中風不論出血性，缺血性，都係急性，第一步一定係面對西醫既急救及了解，下一步係點？好睇引發中風既主因係咩，心律不正？血管塞左？不能一概而論。
我對伊院既八樓有啲了解，我相信如果你係一般市民，因為中風入左伊院，已經係最好采既環境，有幾多個何生？有幾多個劉小姐(女主播)？
我提建議樓主要主動去了解醫生既處理手法，家屬唔係醫生，不過病人予醫生既角度係一份工作，予家屬既角度係一份親情，想法唔會一致。

私人傳訊

rebreather

男爵府

積分: 7397

6^#

發表於 14-11-30 09:40 |只看該作者

樓主而家可以做既事係多了解，家屬有知情權，問問題係要等，一般有家屬問長問短，醫生護士都會比較小心處理，另一方面，亦要對病因，病源有理論上既知識，幫你對住醫生問一啲合理既問題。
現時要每日問既係：ｰ
(1)清醒指數 (我估貴親入院既時候有15，而家可能係7或者以下)
(2)血壓，心跳。
(3)飲食，大便。
(4)幾時做CT?做左既話，有咩結果？下次幾時再做？基於咩情況要再做？
(5)咩位置缺血？影響身體咩機能？同理論所講一樣？亦話有未能解釋既地方？
比如左腦影響右邊身體，唔會左邊身體有事，如果唔係，可能中樞神經受傷？
(6)要食咩藥？有咩副作用？
(7)做MRI有無幫助？要確切揾到缺血位置。

清醒指數低至5之下，可能要入加護病房，插喉幫助呼吸，預上并發症，比如炎症，要用抗生素要特別注意，大部份長者或長期病患會導致器官衰竭。