母乳餵哺今日: 0|主題: 85708

收藏本版

回覆發帖

返回列表

跳至頁

查看: 1541 | 回覆: 10

餵左19個月，終於要收工喇 [複製鏈接]

Faseenai

大宅

積分: 1600

1^#

發表於 16-1-24 22:44 |只看該作者 |倒序瀏覽 |打印

本來想餵到自然離乳，但一月開始係咁病，自己又訓得唔好，阿女又晚晚半夜醒起碼一兩次要食。一連病左個幾禮拜，去睇醫生時竟然喊左出黎，知道自己唔得喇，真係要停。之前都間中覺得好辛苦，但頂下一日頂下又一日，前一日想唔再餵第二日又繼續，但今次真係唔得喇，好唔想但無辦法。

開始時係半夜唔比，阿女幾晚狂喊最耐一次係兩個鐘，得喇，跟著再試臨訓都唔比，最後日頭都無。日日乘機同阿女講大個女喇唔食奶奶，同佢數佢鍾意食既食物，要食多d媽媽會好開心，佢又好明白。

一開始餵少左，阿女就病，鼻水咳，19個月黎第一次。中間試過比兩次，唔想佢咁辛苦，起碼訓得著。

今日已經係第8日，無再講要奶奶，試過幾次半夜醒左搵奶。間中自己食飯時講「唔食奶奶」，覺得自己好叻咁。

回想19個月前好怕自己唔夠奶，不停餵不停泵，晚晚半夜起身泵想多d奶，到後來多到食唔曬又晚晚泵怕泵少咗會收奶。半夜泵奶真係好好好好辛苦，但明知泵咗出嚟曬因阿女全埋身唔肯用樽飲。

0 0 0

私人傳訊回覆引用

Faseenai

大宅

積分: 1600

2^#

發表於 16-1-24 22:52 |只看該作者

回覆：餵左19個月，終於要收工喇

好希望阿女大個都記得鍾意食奶奶，記得自己成日講「好味」、「開心」。我都會記住阿女好開心笑住爬上黎食奶奶既樣，個口mark到好大，好搞笑。

私人傳訊回覆引用

chaucrystal

別墅

積分: 665

3^#

發表於 16-1-24 23:06 |只看該作者

回覆：餵左19個月，終於要收工喇

人奶媽媽真係好辛苦，嗰種辛苦係所謂「有苦自己知」，其他人體會唔到。

你令我諗返起我開刀生完即刻病咗，仲要傷口痛住咁咳，辛苦到想死，好想餵人奶，但埋身大女又呷醋，明明有奶，但係又變咗石頭胸，落樓下睇醫生時啱啱遇著個好善解人意嘅女代診醫生，結果自己講講吓病徵，眼淚就不其然流落唻，喊到收唔到聲，同醫生講最清楚嘅一句係「我好辛苦呀」，醫生即刻安撫我，叫我「唔好諗唔開，我知道你好辛苦，好快就會冇事」。返到屋企，咁啱有親戚探BB，見到我咁差啲嚇死，仲以為係個男醫生對我做過啲乜。而家諗返轉頭都眼濕濕，已經唔記得自己點樣挨過嗰段時間，不過就好似女代診醫生咁講「唔好諗唔開，我知道你好辛苦，好快就會冇事」。

樓主你要加油！餵咗19個月真係好叻，你已經做到最好，休息多啲，快啲好返，自己有健康嘅身體先可以好好地照顧BB的，加油呀！支持你！