本帖最後由 elli_man88 於 11-12-24 03:54 編輯
其實呢個 Post 我原本想等我照到我寶貝閃閃先出，始終唔知係咪真係成功，但不論成功與否，可能對 jm 們都有幫助。如覺得太長，無心機睇，可以由 8 段開始睇 
1. 結婚頭三年一直都有避，三年後到決定要bb，試第一個 cycle 就 bingo，歡天喜地，bingo 後食孕婦維他命、葉酸、飲孕婦奶粉，但點知 9W check BB，無心跳 size 得 6W，傷心欲絶，等 12W 才放棄~~~去塞藥
2. 睇中醫調理，休息 7-8 個月，keep 住用紅d，個個監察住排卵期，再試，開始第一個 cycle ，又中！之後睇中 E, 食中藥安胎，以為無咗個虎B，得番個兔B，點知 8W，一樣無閃閃，兩次小X都無徵兆、無流啡、無見紅，亦都等到 12W 先去醫院......
3. 第二次小X後，諗住一定要調理好身體先再黎，因為本身體質差，三年前捐過肝，腰骨有錯位同退化，成日有腰酸背痛，唉...... 嗰小X後，我每隔4日就睇一次中E，每次都七百蚊（葯+針灸）真係睇到窮呀， 睇咗半年，中 E 話我身體已OK，隨時可以再黎，我喺嗰時開始上黎 BK 睇下 jm 嘅心得。
4. 今年5月開第一個 cycle 諗住都係好容易，點知第二個 cycle 又失敗（我嘅 cycle 26 days 極準，day 12 排 egg）之後去睇婦科，輸卵管無塞，無 PCOS 。E 生開排卵藥 (CC) 比我食，開始 check 體溫。食三個月CC，不但無 bingo，仲有失眠、潮熱、脫髮、頭痛等等副作用，最大問題係食咗CC後 m 黎得2日，E生話無問題。之後 E 生懷疑我荷爾蒙不足，就同我抽血驗，結果8月第一次 check 六項（m come 第二日抽血），發現 FSH：11.X , 當時知咩問題，而個 E生只係話我E2 太低，叫我繼續食 CC，咁多副作用仲叫我繼續食，我開始唔信呢個E生。仲開始唔信個中E，因為佢係婦科中E，覺得以前無睇中E一試就中，反而日日飲中藥都無料到，之後就連中E 都無再睇。
5. 同月我轉睇第二個婦科，我拎D報告同體溫表比佢睇，佢一睇就話我 FSH 太高，叫我驗多次血，睇完呢個E生我就返去搵關於FSH資料，幾日後我就自己買DHEA食，始終都係自己買黎食，所以我食好少份量，一日食兩粒（即50mg）。
可以睇下呢d資料：
http://www.chiang-ivf.com.tw/DHEA-1.htm
http://www.chiang-ivf.com.tw/DHEA-2.htm
http://www.chiang-ivf.com.tw/DHEA-3.htm
6. 9月初 m come 第二日再 check， FSH 結果15.8, 婦科醫生叫我立即去睇不育科，仲介紹我睇Dr. Tay 比我。我當日即刻 book 不育科 Dr. Tay , 但最快要出年3月先有得睇，好唔開心，日日
。C6見我咁就同我打去養和問，仲 book 咗11月初可以見E生。呢個月我食咗卵子維生素同草本潤滑丸，但覺得無用，一個月食咗各一樽後無食。
7. 養和嘅E生話我以前自然有過，可以再試下自然，但見我 FSH 高，都見意我做 ivf，最後我決定試多2個月先開始 ivf，因為都幾貴，但時間又唔等人，己步入高O。
8. 呢兩個月喺BK睇咗好多嘢，除咗做運動（因為我好賴）所有關於幫助生bb嘅嘢我都試，駁一駁啦！因為想放鬆d，11月開始停止 check 體溫，每日都有食葉酸(5mg）及DHEA(50mg) 。
9. 我呢個 cycle 係24/11 開始，day 1 & 2，食葉酸、DHEA。自從食CC後，黎親 m 都係得返2日。day 3 停m開始早上飲雞精，飲到day 12，每日食兩格黑朱古力（85%濃度），晩飯後葉酸加DHEA，因為我要返 shift 所以飲雞精同食藥都唔定時。day 7、8 （唔記得邊日）我開始食六味地黃丸，因為成日腰酸背痛，夜晚有盜汗，間中有耳鳴、脫髮問題越來越嚴重。所以由當日開始早晚食六味地黃丸。即係 (1) 瞓醒食六味地黃丸、(2) 早餐後飮雞精 (day 13開始停)、(3) 午餐 / 下午食葉酸加DHEA (有時唔食午餐)、(4) 睡前又食六味地黃丸、(5) 黑朱古力記得就食 (有時唔記得) ~~~ 就咁就食到bingo
10. 我 day 8 dodo 同 day 12 dodo 完就停工，我應該係 day 12 排 egg。等 bingo 期間我一星期睇兩次跌打按腰骨，以前排卵前睇，排卵後就唔睇，呢個 cycle 仲食咗兩次buffet 生豪、刺生狂食，無介口，但無飲凍嘢，因介咗成年幾。day 24 心諗住反正都做 ivf，不如快D用晒D 紅d同綠d，一次過用，點知奇蹟出現。
http://www.baby-kingdom.com/forum.php?mod=viewthread&tid=4496719
11. 其實我都唔知係咪 DHEA 有用，但我相信佢係最大嘅幫助，其次係飲雞精同放鬆心情 *** 純粹個人感覺 ***。DHEA 對應該 FSH 高嘅 jm 有幫助，但不要亂食，亦有資料顯示它有副作用，使用前請 check check FSH 或問問E生
BK jm 幫到我好多，祝呢度嘅 jm 早日 bingo，BB 健康出世
懷孕
健康
煮意
遊樂
熱話
學校
管教
移民升學
理財
潮流
使用意見
故障報告
下載APP
關注我們
發表於 
返回列表
