少年成長今日: 0|主題: 16132

收藏本版

發帖

返回列表

跳至頁

查看: 14265 | 回覆: 0

單親不可怕 [複製鏈接]

csir3290

子爵府

積分: 12795

1^#

發表於 22-4-17 11:09 |只看該作者 |倒序瀏覽 |打印

最近喺另一個論壇入面睇到有關夫妻關係嘅問題，尤其是講到有冇無需要離婚嘅時候，最常見到嘅就係活為咗啲仔女，希望佢哋有個完整家庭，所以唔離婚又或者係等啲仔女大啲先至再算。

其實我一路都好反對呢啲諗法，如果真係為仔女著想，作為一個成年人就應該要諗下點樣嘅生活先至係為仔女最好，如果只係為咗有一個有名無實嘅屋企或者勉強維持住屋企入面有爸爸媽媽嘅關係，咁似乎呢啲家長就忘記咗家庭最大嘅作用係乜嘢，家庭對仔女嚟講應該係一個避風港，應該係畀佢哋感受到愛同關懷嘅地方。如果喺呢個家庭入面仔女感受唔到愛或者感受唔到家庭溫暖，咁勉強維持對佢哋嚟講係咪好呢？有啲家長會講只要爸爸媽媽都錫啲仔女，維持住呢種家庭關係對佢哋嚟講就最好。但係仔女看在眼裏嘅係，根本爸爸媽媽兩個都唔愛對方甚至乎係經常冷暴力冷戰，就算父母再錫佢哋，呢啲屋企又畀到佢哋啲乜嘢呢！每一日都見到自己嘅父母唔開心但又扮開心，雖然佢哋好錫自己但係咁又點呢！當細路仔越嚟越大嘅時候，佢哋會知道自己嘅父母係唔開心亦都越嚟越感受到啲屋企嘅關係其實係疏離嘅。唔通大人想啲細路仔見到咁嘅情況之下會覺得內疚，覺得係因為自己所以爸爸媽媽先至喺唔開心嘅情況之下勉強一齊呢！

作為成年人口口聲聲只係話為仔女著想為仔女作考慮，其實更多嘅只不過係自己冇勇氣去做決定或者怕轉變，就將所謂嘅仔女最大利益攞嚟作為自己嘅藉口。可能有一日到仔女長大咗唔聽自己講嘅時候，就可以同仔女講一句「如果唔係為咗佢哋都唔使受咁多苦！」而希望作為令仔女聽話嘅最後工具。但係其實問心嗰句仔女真係並冇要求你咁做，話唔定當日大家面對現實分開咗，可能對仔女嚟講仲感受到真正嘅快樂，因為大家冇咗負擔，而係真真正正去愛錫自己嘅仔女，起碼唔會見到父母成日嗌交或者冷暴力而喺仔女面前就做假扮冇事。

又有家長總係會講話問過仔女唔係希望父母分開，所以決定暫時繼續一齊。但係我真係想問有邊個去問啲仔女有歧視啲仔女係細個嘅時候佢係會想父母分開呢。作為成年人諗嘢應該全面嗰啲細路仔，裝為細路仔佢哋梗係只係想父母喺埋一齊唔會考慮其他嘢啦，況且佢哋都根本未識諗其他嘢。所以你問佢哋佢哋梗係唔想父母分開啦！如果你問我如果細路仔真係細反而對佢嚟講係容易適應。起碼佢長大過程入邊唔會再感受到父母嗰啲嘅冷暴力或者成日嗌交屋企入面嗰種繃緊嘅情緒。如果係大啲嘅細路仔就更加容易理解只要父母同佢哋解釋清楚乜嘢嘅生活先至係最好，佢哋會更加容易接受。

父母分唔分開當然仔女嘅考慮係好重要，但係要考慮嘅並唔係勉強維持一個家庭對佢哋有幾好而係相反究竟點樣嘅生活佢哋先至會感受到最多嘅愛最多嘅關懷，其實亦都係教緊啲仔女點樣面對問題，千祈唔好以為父母只係錫對仔女就夠父母每一日都同仔女係咪同一間屋，呢個屋企係咪只不過好似表面睇咁好其實當仔女大個嘅時候佢哋會越嚟越之道。我成日都講我自己正正就一個好好嘅例子我一年班父母就已經離咗婚，我一年班之前對父母嘅記憶就係成日喺屋企鬧交，但係自從佢哋分開咗之後我跟住爸爸爸爸好錫我我亦都同樣感受到嗰種嘅愛雖然媽媽間唔中先至會嚟睇我但係起碼我唔會日日見到佢哋鬧交亦都唔會見到佢哋互相指責對方。

作為成年人諗嘢應該全面，唔好再成日攞細路仔你做藉口，你唔離開只不過係自己嘅能力同埋自己想唔想嘅問題。喺今時今日嘅社會單親唔係問題，問題只不過係父母很擺幾多心機同時間去同仔女相處同埋佢教導佢哋。我唔係要教人離婚我只不過係講如果一對男女真係要去到考慮離唔離婚嘅階段嘅時候，當然仔女係一個好大嘅考慮，但係重點並唔係只係諗點樣維持一個有名無實嘅屋企，而係諗究竟點樣做法先至令到仔女感受到最多嘅愛同埋關懷，當要用仔女做藉口去決定離婚嘅時候請諗下繼續一齊嘅時候呢一個屋企能唔能夠仍然發揮屋企嘅作用，咁先至應該係最大嘅考慮。張偉成年人最唔應該嘅就只不過係因為自己怕轉變怕面對問題易攞細路仔作為一個藉口而將來你都只會令到細路仔內疚咁又何必呢！單親並唔係問題問題只係父母識唔識教其實做仔女嘅到頭來都只不過係希望父母開心，如果將來畀你知道係因為自己所以父母先至咁唔開心咁邊個先至係最大嘅受害者呢？

0 0 0

私人傳訊

跳至頁

返回列表

回覆

發帖

熱門搜尋：

少年成長 今日: 0|主題: 16132

瀏覽過的版塊

少年成長今日: 0|主題: 16132