我bb已經三個幾月大, 初頭一個月bf+奶粉, 個半月時我問始返工, 先發覺好唔捨得唔可以係日頭bf佢. 所以就好積極咁去追番d奶, 試過好幾隻泵, 日日飲多奶荼/豆漿, 上bk問問問, 由最初只係每次泵到2-3oz左右到宜家大部份時間都有6-7oz, 夜晚就埋身餵. bb已經全人奶左接近兩個月. 雖然又要返工, 又要泵奶, 放工返到屋企又要照顧bb, 生左咁耐都無試過同朋友出下街, 係辛苦...但又真係覺得好有滿足感.
日頭係奶奶幫我照顧bb的. 係我未生時, 佢都有問過我會唔會餵人奶, 當時未生, 只係話輕輕說餵到就餵啦. 佢就同我講, 人奶好有益架. 我生左時係醫院因為未上奶要補奶粉比bb, 奶奶都幾緊張我點解唔餵人奶. 但係自從佢辭左份工全職幫我地照顧bb(其實奶奶都有番咁上下年紀, 又無咩經濟壓力, 就算唔湊b, 都差唔多係時候退休了), 就時不時叫我轉餵奶粉. 話飲奶粉都有奶粉好. 佢既出發點有二: 一係唔想我辛苦, 因為佢見我日日都忙住泵奶呀, 洗奶泵呀 (坦白說, 無得餵仲辛苦), 二來係如果餵奶粉, 佢湊起上黎會自由d, 仲可以帶埋bb過去佢果邊湊夜晚 (講真, 就算係餵奶粉都好, 我個人覺得可以既話, bb都係最好夜晚跟番父母). 我每次聽到佢咁講我都有唔開心. 因為真係好唔容易先開左個頭, 明知人奶係好, 有都唔餵, 只係為左減輕大人既不便, 我就唔願意囉. 仲有, 真係好不捨埋身餵時同bb既親密感...尋晚奶奶又有再提, 我今次好明確講我好唔想停餵人奶, 奶奶無出聲, 氣氛開始有點不好, 我覺得佢係唔多同意我既諗法. 我奶奶其實都好錫我地(包括bb), 好照顧我地既起居飲食, 所以我唔想係呢件事情上同佢有咁大分歧而令雙方唔開心. 講真, 如果當初知道我自己係咁想餵人奶, 我真係情願做一個全職媽媽(最多平日慳d使),但如果宜家先話唔做自己湊番(我真係好想架), 奶奶實會有hard feeling. 我唔想佢唔開心.
我明佢既想法, 尤其佢地果一代大部份都係餵奶粉, 要佢地體會到餵人奶既感覺同好處, 其實又真係唔容易.
好快我要返新工(因為宜家份工約滿), 已經好擔心新工唔知比唔比到我泵奶, 又擔心奶奶會不斷叫我唔好再餵, 好苦惱....:cry:
同其他人講又唔會明白...所以上黎抒發下....
懷孕
健康
煮意
遊樂
熱話
學校
管教
移民升學
理財
潮流
使用意見
故障報告
下載APP
關注我們
發表於 
返回列表
