母乳餵哺 今日: 0 | 主題: 85708

積分: 901

1^#

發表於 07-10-8 17:44 |只看該作者 |倒序瀏覽 |打印

我就快放棄了….幫幫我吧

我是個已經堅持了個半月的奶媽, 但很灰心, 若再因為以下的問題而解決不了的話, 我便要放棄了……
看到之前好多奶媽都可以在k上面得到支持, 我現在真的要求救呀! 希望我可以做到啦! 我連pump同冰袋同餵奶袍, 衫都買哂!!

小女子萬分感激!!!(真的不想放棄, 但上次在此留言得到的支持實在不多, 未足以解決我的問題呀!!)

我覺得好無助, 雖然cyntoby已經私人幫了我很多, 但我想得到更多支持, 可以嗎?

我個囡已經一個半月，　但係每天都要餵成８次，（因為我日頭最多比亞囡瞓三個半鐘，之後會叫醒佢餵奶）, 但暫時姑娘都話bb重得幾好!

其實我之前一路都聽姑娘教每次只餵一邊(我囡囡每次吃完之後我再擠她剛吃完那邊, 每次都還有奶, 即未吃清) 所以囡囡就在後段吃得勁慢!本來我都試過兩邊餵, 一邊約十五分鐘, 但又怕囡吃得前奶多會唔夠飽! 而且因為我試過因此而谷奶, 所以D姑娘就更加唔比我餵兩邊!! 就這樣, 現在每次囡囡都要吃成個鐘, 有幾次計埋掃風仲要成個半點添!!

而且最近每次掃風都要掃好耐，　有時吐一啖氣都唔得！試過吐三啖氣咁多，如果掃唔到啖氣，　佢會唔肯吃(仲會中途哭起來, 好忟憎, 之前唔會咁架!)，　所以每次都要餵成個鐘．．．
個心實哂, 辛苦完一輪都無d安慰同成功感!

就快放棄的我, 好想BK有經驗的媽媽回答我以下幾個問題:

Q1:日頭係唔係唔使叫醒佢起生餵奶? 小睡最多瞓幾耐?
Q2: 點解亞b吃人奶都咁多風? 定係佢有肚風呢?如果係, 可以點攪?

Q3: 究竟我應該餵一邊定兩邊, 每邊又要幾耐?
Q4: 幾時可以餵少過八次呢? 如果每次都要三個鐘叫醒佢(晚上例外), 咁佢永遠都要吃八次, 大個囡應該可以吃少D, 咁邊個話事? 可以有得參考嗎?
Q5: MY MOM想我囡臨睡個餐吃奶粉, 話會飽D,瞓耐D, 但係我唔想, 可是我個囡好似真係吃得同日頭一樣, 最耐個次都係瞓得個五個鐘, 昨晚每三個鐘還哭醒呢……..

有沒有好的方法呢?

0 0 0

私人傳訊回覆引用

ahmi

積分: 8911

2^#

發表於 07-10-8 18:50 |只看該作者

Q1:日頭係唔係唔使叫醒佢起生餵奶? 小睡最多瞓幾耐?
我最多比佢訓3個鐘, 我想建立佢schedule (但未必人人得), 但你就算唔餵都要pump來keep住奶量.
Q2: 點解亞b吃人奶都咁多風? 定係佢有肚風呢?如果係, 可以點攪?
試下唔好食咁多引致有胃氣的食物,e.g. 洋蔥. 個半月都可以打直掃風. 容易d 出風, 抱呀b要面孔和乳房成打對面, 咁咀仔會最貼.
Q3: 究竟我應該餵一邊定兩邊, 每邊又要幾耐?
一邊夠便一邊, 但如呀b無耐性, 我都會轉另一邊, 下次就由上次最後食的一邊開始餵, 咁會保証每次都食到前後奶, 我盡量一邊餵少於半小時.
Q4: 幾時可以餵少過八次呢? 如果每次都要三個鐘叫醒佢(晚上例外), 咁佢永遠都要吃八次, 大個囡應該可以吃少D, 咁邊個話事? 可以有得參考嗎?
無準則, 我呀b食到四個月甚至而家都係3個鐘一次, 但佢兩個半月倒,夜晚唔再起身,我較到臨訓一餐約1點, 第二朝7點起身.
Q5: MY MOM想我囡臨睡個餐吃奶粉, 話會飽D,瞓耐D, 但係我唔想, 可是我個囡好似真係吃得同日頭一樣, 最耐個次都係瞓得個五個鐘, 昨晚每三個鐘還哭醒呢……
我的經驗係臨訓個餐食奶粉呀b都係照樣醒或唔肯訓, bb唔訓或半夜起身未必一定關飽唔飽事, 可能係紮醒或濕片...留意下房間的溫度光線等, 只可以盡量滿足佢地,時間真係好快過...望返轉頭就無乜所謂, 努力
有沒有好的方法呢?

私人傳訊回覆引用

wawamama

積分: 2807

3^#

發表於 07-10-8 19:02 |只看該作者

A1:等BB餓了才餵，不需要叫醒他餵奶。

A2: 肚風有很多可能，例如餵奶前喊太耐，或者食一下喊兩聲都會有肚風。BB有肚風很常見，人奶BB也不例外。

A3: 餵一邊，每次30分鐘或甩嘴為止。BB要食到後奶才會飽。

A4: 應需要而餵，而且每次只餵一邊，這樣很快可以拉長兩次相距的時間。

A5: 如果奶量夠的話，夜晚臨瞓前，先pump半安出來，然後餵到甩嘴，這樣BB食多點後奶比較飽肚，效果不差過奶粉。Pump 出來的可以做儲備。

可以瞓五個鐘...很不錯的了。趁BB瞓時，多D休息。

加油！加油！

laughin' to keep from cryin'

私人傳訊回覆引用

bbdou

積分: 8493

4^#

發表於 07-10-8 20:45 |只看該作者

珍珍,

少少經驗，同你分享，希望可以鼓勵到你。

Q1:日頭係唔係唔使叫醒佢起生餵奶? 小睡最多瞓幾耐?
我有最多三個鐘叫佢起食奶，等BB知道日頭要有規律地食奶，同樣，未夠三個鐘我亦唔係佢一喊就俾佢食，我係俾少少水佢飲，盡量拉長至三個鐘至俾佢食。

Q2: 點解亞b吃人奶都咁多風? 定係佢有肚風呢?如果係, 可以點攪?
食人奶應該冇咁多風，但我記得我個仔未滿月時都係有好多風，當時都唔識上BK，只係得用雞蛋同搓熱BB油幫佢搓肚仔，可能我當時都日日食薑，但原來薑會令到BB有肚風。咁你盡量少食會引致肚風的食物。

Q3: 究竟我應該餵一邊定兩邊, 每邊又要幾耐?
當年我的醫生教我每次餵兩邊，先由上一次後食的一邊開始餵，讓BB先食後奶，餵20分鐘，然後餵另一邊，讓BB食前奶，餵10分鐘。

Q4: 幾時可以餵少過八次呢? 如果每次都要三個鐘叫醒佢(晚上例外), 咁佢永遠都要吃八次, 大個囡應該可以吃少D, 咁邊個話事? 可以有得參考嗎?
如果BB大個D，理論上應該可以慢慢建立到日頭同夜晚的習慣，日頭盡量讓屋內光猛D，同時唔好刻意降低聲量，即使BB瞓覺都一樣，到夜晚就熄燈同保持安靜。如果BB可以晚上11點瞓到早上5點，都可以算係戒左夜奶，咁樣一日食7餐奶，慢慢夜晚瞓覺的時間會漸漸拉長，就可以減至一日6餐奶。

Q5: MY MOM想我囡臨睡個餐吃奶粉, 話會飽D,瞓耐D, 但係我唔想, 可是我個囡好似真係吃得同日頭一樣, 最耐個次都係瞓得個五個鐘, 昨晚每三個鐘還哭醒呢……..
你夜晚最後一餐奶係幾點餵，盡量夜D，你可以8點餵完就休息，到12點時再起身餵一次，BB半夜喊醒未必係肚餓，可能是片片濕左、可能是太熱、亦可能是扎醒尋求安全感，你試下放個米袋係BB胸口會唔會好D。

我都係過來人，絕對明白你的感受，你一有時間就休息，掃風可否請家人代勞？

我臨上班前兩個星期因為想仔仔轉食奶粉而搞到佢嚴重便秘，我好內疚，即刻轉返全人奶都冇改善，在跟住的三個星期，我仔仔只能食全奶粉，醫生話仔仔適應左奶粉後可以餵返人奶，但到時恐怕我己經冇奶，所以我唯有密密泵以維持奶量，每次泵出來的奶都要倒左佢，好心痛，好彩三個星期後仔仔再食返人奶都仍然肯努力啜，仲非常享受，我就係咁一路餵到三歲半佢自然離乳。

但係自佢由奶粉轉返人奶後，就唔肯一覺瞓天光，每晚都要醒兩三次搵我，我是在職媽媽，工作亦都幾忙，仔仔兩歲前我都未試過一覺瞓天光，到佢兩歲時我真係頂唔位，將佢抱過來同我一張床瞓，情況先至有改善。

幾辛苦的都已經過左，宜家我睇返，都覺得好辛苦，但係餵人奶的苦樂，只有人奶媽媽先至有福經歷，當你過了最辛苦的時間，就會漸入佳景，母乳路會越行越順，然後你會好享受，到你囡囡自然離乳的那一天，你除左會開心佢大個女，仲會覺得依依不捨，有D失落。即使我仔仔已經戒奶快年半，我仍然好懷念佢食母乳的日子，有時仲會問佢要唔要食媽媽奶添！

私人傳訊回覆引用

十月變形記

積分: 2703

5^#

發表於 07-10-9 01:06 |只看該作者

唔好咁唔開心, 你個bb1日只係食8次你應該覺得開心, 我恨都恨唔到! 我個仔食到2個半月時係然係1日10餐(有時10幾餐

) 點解? 因為佢日頭每2個鐘就食1次, 食完就瞓, 有時太快瞓著(乜方法都試過, 就係整佢唔醒

), 1個鐘就餓醒都經常發生, 呢d先叫做辛苦!!
所以我係佢1個半月大時開始夜晚12點嗰餐餵奶粉, 真係迫不得以, 開始時同食人奶效果一樣, 都係唔夠3個鐘就醒, 不過一個星期適應後, 慢慢佢先瞓到耐d, 耐吓耐吓宜家瞓足9個鐘頭, 11點食第二朝8點先瞓醒, 咁我夜晚就pump起佢出街時用樽餵佢食.
宜家佢好好多啦, 3個月大, 日頭可以2-3個鐘先食一次, 1日都仲要食6-7餐.:mrgreen:
所以你唔好放棄呀.

十月變形記: http://hk.myblog.yahoo.com/bibu-fish

私人傳訊回覆引用

bbpooh

積分: 9395

6^#

發表於 07-10-9 09:49 |只看該作者

rowenahui

點解要輕言放棄呢？想一想，你已經餵了個半月人奶，最辛苦的日子都過左啦，點解要放棄呢？再看看BB加重情況良好，表明你的勞苦也沒有白費喎！好多人餵人奶成日唔夠奶，而你呢？你餵完還谷奶，何解要白費之前的心血呢？

之前的母乳媽媽都解答了你好多問題，再想想值得放棄嗎？我代你答係唔值得的！努力啦！

對你的提問有以下補充：
- BB都1個半月，白天未必要堅持叫醒佢食奶，她要訓，你就讓她訓罷。但你又不能讓他睡太多，否則他晚上不睡那就煩了！
- 在最後一餐餵奶粉，在我的經驗是不能幫助介夜奶的，我也曾經這樣試過，最終都是白費心機。全人後，在8週大時，他自己介了夜奶！
- 如果你覺得太辛苦，你可以泵出來讓家人餵，你囡囡都個半月大，應該不會出現nipple confusion！

歡迎來看丁噹的成長點滴

私人傳訊回覆引用

yanlongma

積分: 5016

7^#

發表於 07-10-9 10:01 |只看該作者

唔好放棄呀！
姑娘話你個女重得好，呢d咪係成功感囉！能夠餵得個女肥肥白白，唔係個個人都得家！

Q1:日頭係唔係唔使叫醒佢起生餵奶? 小睡最多瞓幾耐?
(我自己的practice就係)：日頭最遲每三個小時食一次，早左我會照餵，但唔會俾佢瞓太耐。而且日頭睡時，我會開住個收音機(當然唔係太大聲)，拉開窗簾，或者開燈。夜晚起身時，我會開一箋暗的燈換片，食奶時就連燈都熄埋。等佢慢慢學懂日和夜。
Q2: 點解亞b吃人奶都咁多風? 定係佢有肚風呢?如果係, 可以點攪?
掃風記得要bb坐直，咁先會易d掃。不過，如果佢瞓左，而我又掃左5-10分鐘都無，咁我就唔會掃。其實日頭有無人可以幫你手，如果有的話，自己餵完奶，就俾人幫手掃風、換片、tum瞓覺等，自己爭取時間瞓覺。

Q3: 究竟我應該餵一邊定兩邊, 每邊又要幾耐?
健康院的姑娘教我，上左奶後，如果bb願意，可以試下餵一邊，佢話咁樣可以食到多d後奶喎！我又覺得食一邊方邊d囉！我每次餵奶盡量在45分鐘內完成。我估正經咁食，45分鐘點都食飽喇掛！就算真係唔太飽，咪下次早d喊食囉！呀媽都要休息麻！(雖然我在餵奶時通常都係半瞓狀態！)

Q4: 幾時可以餵少過八次呢? 如果每次都要三個鐘叫醒佢(晚上例外), 咁佢永遠都要吃八次, 大個囡應該可以吃少D, 咁邊個話事? 可以有得參考嗎?
放心啦！當bb懂得分日夜，日頭又食夠時，夜晚食奶相隔的時間便會越來越長。我到個仔開始食固體前(六個月)，都係每三個鐘食一次奶，每日六餐奶(夜奶不計)。到佢九個月，就食兩餐固體，三餐奶(另加夜奶)。
Q5: MY MOM想我囡臨睡個餐吃奶粉, 話會飽D,瞓耐D, 但係我唔想, 可是我個囡好似真係吃得同日頭一樣, 最耐個次都係瞓得個五個鐘, 昨晚每三個鐘還哭醒呢……..
大女個陣時(全泵)，我都試過夜晚俾一餐奶粉佢，但結果佢都係準時喊食，我發覺改善不大。結果都係俾返人奶佢，等佢自己慢慢戒夜奶。
有d bb大約三個月自己會戒夜奶(大女)，有d始終都戒唔到！又有一d，好似我細仔咁，兩個月天自己戒左，七個月大又開始食返，直到宜家！
以上的是我個人的經驗，未必每個人都合用，始終每個bb都唔同麻。
其實如果佢咁細個可以三個鐘食一次，就已經好叻喇！不過可能因為佢食的時間長，所以你會覺得好辛苦！佢大下大下，就會越食越短時間！

而bb叻叻當然係因為有個叻叻媽媽啦！最辛苦每日餵十幾次的日子你已經捱過啦！前面的路只會越來越容易走，不要前功盡棄呀！

原文章由 rowenahui 於 07-10-8 17:44 發表
我就快放棄了….幫幫我吧

我是個已經堅持了個半月的奶媽, 但很灰心, 若再因為以下的問題而解決不了的話, 我便要放棄了……
看到之前好多奶媽都可以在k上面得到支持, 我現在真的要求救呀! 希望我可以做到啦! 我連 ...

私人傳訊回覆引用

appleCC

複式洋房

積分: 456

8^#

發表於 07-10-9 13:42 |只看該作者

我估我的情況也不比你的好, 在日間我的bb食極唔肯訓.
佢可以由早上8:00-下午2:00也不肯去睡.夜晚由6:00-10:00. 一放低落床仔就哭, 跟住就周圍寧,張晒口咁. 差不多一小時食一次. 差不多整個時段就做了餵機器. 都唔知係bb唔夠飽, 定係佢扭眼訓要啜. 總之搞到我人都顛. 不過我都未諗放棄.

返而夜間好好,好有規律, 可以睡到三小時才起身吃奶, 我都唔期望佢可以睡過夜.

私人傳訊回覆引用

JoLau

複式洋房

積分: 340

9^#

發表於 07-10-9 13:43 |只看該作者

最艱難日子你都過咗，唔好放棄啦！

我可以分享一下，睇吓邊ｄ你有用！

初生ｂｂ１日要瞓２０幾個鐘，佢肚餓就餵我唔會睇鐘，頭１個月我每邊餵１５－２０分鐘，第２個月，因為已經上好奶，我只餵１邊，食到亞ｂ自動離嘴　（你個ｂ有個半月，應該有氣力完成每次１邊乳房奶），食完奶要掃風，我通常會用母指＆食指放在ｂｂ腋下，其他手指”旁”著ｂｂ頭，抱起ｂｂ，令佢成個身企直，佢個肚直，就即刻”ｕｒ”氣！又或者ｂｂ頭　”卜”係你搏頭，再同佢掃風，會容易ｄ掃！

總之佢要食就餵，佢瞓我就瞓，我最成功餵奶就係我瞓係到餵，當然你要好”醒瞓”否則你要搵人睇著你餵＆掃風啦！

私人傳訊回覆引用

李小B太太

積分: 4412

10^#

發表於 07-10-9 14:15 |只看該作者

1. 不如你四個鐘餵一次丫, 我個女滿月開始已經係四個鐘餵一次, feed on schedule, 日夜都係, 每日食六餐 (計埋夜奶)。

2. 我果陣日頭訓左都會捉佢起身食奶, 夜晚就最多六個鐘就 dream feed 佢一餐。

3. 同埋, 如果你唔介意, 可以俾安撫奶咀佢食, 半夜好多時 BB 喊只係要安撫, 唔一定食奶。我返工之後媽咪或老公同女女訓, 唔0岩時間喊就用安撫奶咀 + 輕拍, 佢會訓返, 到夠時間 (如三四個鐘), 就抱入黎俾我埋身餵。

4. 夜晚我只負責埋身餵奶, 老公/媽咪負責掃風、換片、抹咀仔、暗訓等等。

5. 生左之後我只係小笨滿月果排訓得最多, 攬住 BB 響大床一齊訓, 最多果次訓到5 個鐘, 當時訓完5個鐘起身, 簡直有「似返個人」的感覺! 之後都唔得啦, 最多一連只可訓得 3 個鐘, 直至宜家小笨十個月大都係... 每晚只可斷斷續續訓五六個鐘就去返工 (中間起碼醒三四次, 因為小笨出牙仔, 成晚搵媽媽), 有時行直路都會撞牆, 嘩哈哈哈! (所以你同BB係超歎同超爽了, 可以訓5個鐘~)

6. 其實心理質素同埋有無人支持好緊要, 所有呢0的辛苦我會周圍「唱」、周圍「炫耀」, 你就會覺得自己超勁, 好似我宜家用你講我的辛苦, 我就會覺得自己好勁, 你都可以周圍post 同人分享, 咁你就會覺得自己好0力0力0架啦~~~

7. 我地一生幾十年只得呢一兩年可以餵人奶, 放棄左就無得返轉頭, 你要諗清楚啊。

加油、加油、加油啊~~~~~~~~

如果有需要可以pm 我, 我地大家一齊「炫耀」0的辛苦野, 互相支持丫~~~~~

@ 如果有錢有社會地位先至會被人喜愛，呢個世界就太可悲了 @

私人傳訊回覆引用

積分: 901

11^#

發表於 07-10-9 14:40 |只看該作者

原文章由 wawamama 於 07-10-8 19:02 發表
A1:等BB餓了才餵，不需要叫醒他餵奶。

A3: 餵一邊，每次30分鐘或甩嘴為止。BB要食到後奶才會飽。

好多謝你地的支持呀!
AHMI, wawamama

我想知道咁你個b幾耐就會肚餓, 同埋晚上最耐幾時醒呀?

可能因為我想佢耐d先餵一次奶, 所以每次我都會要佢食幾次同掃幾次風才停有時佢明明已經甩嘴, 但係我又以為佢度氣頂住所以唔食住, 咁我就會好努力咁掃風, 然後又再試過餵佢, 所以便擾攘成個幾鐘羅

私人傳訊回覆引用

積分: 901

12^#

發表於 07-10-9 14:52 |只看該作者

原文章由 bbdou 於 07-10-8 20:45 發表
珍珍,

少少經驗，同你分享，希望可以鼓勵到你。

Q1:日頭係唔係唔使叫醒佢起生餵奶? 小睡最多瞓幾耐?
我有最多三個鐘叫佢起食奶，等BB知道日頭要有規律地食奶，同樣，未夠三個鐘我亦唔係佢一喊就俾佢食，我係俾少少水佢飲，盡量 ...

maggie, 好多謝你咁有心給我留言呢!
想跟進以下問題, 謝

Q2: 點解亞b吃人奶都咁多風? 定係佢有肚風呢?如果係, 可以點攪?
食人奶應該冇咁多風，但我記得我個仔未滿月時都係有好多風，當時都唔識上BK，只係得用雞蛋同搓熱BB油幫佢搓肚仔，可能我當時都日日食薑，但原來薑會令到BB有肚風。咁你盡量少食會引致肚風的食物。

>>>其實點解薑會令BB有風呢?

Q5: MY MOM想我囡臨睡個餐吃奶粉, 話會飽D,瞓耐D, 但係我唔想, 可是我個囡好似真係吃得同日頭一樣, 最耐個次都係瞓得個五個鐘, 昨晚每三個鐘還哭醒呢……..
你夜晚最後一餐奶係幾點餵，盡量夜D，你可以8點餵完就休息，到12點時再起身餵一次，BB半夜喊醒未必係肚餓，可能是片片濕左、可能是太熱、亦可能是扎醒尋求安全感，你試下放個米袋係BB胸口會唔會好D。

>>>我個囡真係勁鐘意扎醒呀, 我已經用了米袋, 又放個有”的但”聲個鐘係佢張床, 但係都唔係好有用, 最有用的方法就係”俯睡”, 但晚上我地無人看著她便不敢, 所以還有沒有其它方法提供呢? 我試過一次在吃最後個餐時同她按摩, 但係乎效果唔明顯

私人傳訊回覆引用

積分: 901

13^#

發表於 07-10-9 14:59 |只看該作者

原文章由 yanlongma 於 07-10-9 10:01 發表
唔好放棄呀！
姑娘話你個女重得好，呢d咪係成功感囉！能夠餵得個女肥肥白白，唔係個個人都得家！

多謝bbpooh同yanlongma的肯定呀!
好感動呀!
以下是我昨夜寫的blog
"
昨日照常九時多便餵囡囡吃最後一餐奶, 因為希望佢可以瞓耐d, 所以盡量滿足佢要求, 俾佢慢慢吃, 連埋掃風足足70分鐘, 阿囡吃了一邊半小時後再吃另一邊約十分鐘, 跟住我便上床睡覺。
為了自己可以瞓得我d,我便同老公講好如果阿囡不能夠瞓得耐, 想早點吃奶(即兩點前)就請佢或工人幫忙餵雪柜裡的人奶先，結果阿囡真的十一時多便醒, 則她實際上只睡了一小時便哭起來, 雖然我都覺得有點怪, 但我同老公都無猶豫便用stock餵佢

可是, 惡夢才開始, 凌晨一點四十分, 佢又醒, 我好自然覺得佢係肚餓, 所以就再餵佢, 但心中真的很不是味兒, 有”十萬個為什麼”在腦內纏繞!!!本來想上baby kingdom 找些”奶媽”支持下, 點知個website好係down咗, 看來我還是要自己”撐”下去了! 但老實說, 我真的不知可以撐得幾耐, 因為我d信心已經俾小b頭”毁滅”到九九十十了!"

全因為你地咁多位的積極回應, 我d信心又番黎啦!!!

其實昨夜我的心情真是跌到谷底, 幸好最後我都看到一些bk mommy給我的留言,令我不致於覺得求助無門, 雖然因為個server有點傻傻地, 所以我要今早才可回覆, 但我看完大家給我的回應後, 真的好像”重新得力”般, 又再充過電, 我會再看看餵奶時間是否過長架啦!
(可能因為我想佢耐d先餵一次奶, 所以每次我都會要佢食幾次同掃幾次風才停
有時佢明明已經甩嘴, 但係我又以為佢度氣頂住所以唔食住, 咁我就會好努力咁掃風, 然後又再試過餵佢, 所以便擾攘成個幾鐘羅)

私人傳訊回覆引用

chiuchristan

積分: 7768

14^#

發表於 07-10-9 15:03 |只看該作者

Hi rowenahui,

You may feel much better after the first 2-3months. Mama milk is your BEST gift to darling BB. Keep it up!!!!

Add Oil!
We all are on the same boat, you're not lonely!!

Hayes mama

Hayes had been breastfeeding for almost 3 years, then naturally weaned by himself！

Wish Hayes with Love, Peace & Joy！！

私人傳訊回覆引用

積分: 901

15^#

發表於 07-10-9 15:11 |只看該作者

原文章由 李小B太太 於 07-10-9 14:15 發表
3. 同埋, 如果你唔介意, 可以俾安撫奶咀佢食, 半夜好多時 BB 喊只係要安撫, 唔一定食奶。我返工之後媽咪或老公同女女訓, 唔0岩時間喊就用安撫奶咀 + 輕拍, 佢會訓返, 到夠時間 (如三四個鐘), 就抱入黎俾我埋身餵。

6. 其實心理質素同埋有無人支持好緊要, 所有呢0的辛苦我會周圍「唱」、周圍「炫耀」, 你就會覺得自己超勁, 好似我宜家用你講我的辛苦, 我就會覺得自己好勁, 你都可以周圍post 同人分享, 咁你就會覺得自己好0力0力0架啦~~~

7. 我地一生幾十年只得呢一兩年可以餵人奶, 放棄左就無得返轉頭, 你要諗清楚啊。

加油、加油、加油啊~~~~~~~~

如果有需要可以pm 我, 我地大家一齊「炫耀」0的辛苦野, 互相支持丫~~~~~

靚靚劉太 ,小笨媽 & jolau,
我知道自己應該點做架勒! 我同你地的諗法都係一樣, 最辛苦的日子都捱過了, 無理由現在先放棄!!! 而且我係個師奶仔, 買咗咁多餵人奶的用品, 放棄咗咪勁哂!!!

我都知自己的心情會影響到bb同奶量, 所以我都盡量控制自己的情緒! 得到你們的鼓勵, 我真的很感動同埋知道自己不是獨單的! 好多謝你地呀! 我會再同大家跟進我餵奶的情況架!

李小
B太太, 我鐘意你的”減壓方法”!!! 我ADD咗你做好友架, 希望你唔會覺得我煩就好啦! (因為我淨係打熱線都打咗十幾次問姑娘問題, 連D健康院既護士都認得我呢!! 哈哈!)

私人傳訊回覆引用

積分: 901

16^#

發表於 07-10-9 15:17 |只看該作者

原文章由 appleCC 於 07-10-9 13:42 發表
我估我的情況也不比你的好, 在日間我的bb食極唔肯訓.
佢可以由早上8:00-下午2:00也不肯去睡.夜晚由6:00-10:00. 一放低落床仔就哭, 跟住就周圍寧,張晒口咁. 差不多一小時食一次. 差不多整個時段就做了餵機器. 都唔知 ...

係呀!

勁似呀! 那段時間真的想死呀!
但好彩都叫過咗, 我估同我食"28方"補身有關, 你有沒有留意自己的飲食呢?

hAYES MAMA & appleCC , 我地一齊努力呀!!!! 只要有人明白, 分享同埋訴苦, 多難捱都係值得!!!

私人傳訊回覆引用

李小B太太

積分: 4412

17^#

發表於 07-10-9 15:38 |只看該作者

啊啊呀呀, 你太「勤力」啦! 醫院姑娘教, 話一餐唔應該餵超過 30min, 因為太耐媽咪同 bb 都會好累0架, 所以果陣我一餐最多餵 45min就收工0架啦。

當然你見有0的媽咪無法, 一定餵好耐, 咁係因為佢地bb 唔肯甩咀, 一甩就喊一甩就喊, 所以先餵咁耐, 又或者訓著左叫唔醒, 攪黎攪去都唔肯食等等. 如果以你亞b 情況, 其實只要佢甩左咀唔發脾氣, 就可以「放過佢」, 如果真係唔放心, 最多掃多次風餵多次, 45min 左右就可以放佢休息, 你自己又抖下~

我頭先答漏左, 我都係每次只餵一邊, 咁可以越黎越多奶, 又無咁辛苦, 因為bb 大0的就可以訓響度餵, 每次餵一邊唔駛成日轉身, 可以順便訓覺~

同埋, bb 肚仔因為0的腸同消化系統未成熟, 所以雖然無吃奶樽 bb 吃到咁多氣入肚仔度, 但係bb 肚仔未身亦都會有好多風, 如果情況太嚴重 (例如食唔到奶、又或者嘔奶嘔到飛起), 可以去醫生度, 有一種藥係去肚風的, 每餐食奶前滴入咀仔, 係好安全的藥物。

你放心pm 我啦, 我一至五 office hour都會上 bk 灌水, 放工同weekend 響屋企就無上網~ ^_^

原文章由 rowenahui 於 07-10-9 14:40 發表

我想知道咁你個b幾耐就會肚餓, 同埋晚上最耐幾時醒呀?

可能因為我想佢耐d先餵一次奶, 所以每次我都會要佢食幾次同掃幾次風才停有時佢明明已經甩嘴, 但係我又以為佢度氣頂住所以唔食住, 咁我就會好努力咁掃風, 然後又再試過餵佢, 所以便擾攘成個幾鐘羅

@ 如果有錢有社會地位先至會被人喜愛，呢個世界就太可悲了 @

私人傳訊回覆引用

李小B太太

積分: 4412

18^#

發表於 07-10-9 15:48 |只看該作者

KAKKAKAK 小笨細時都會0架, 明明食到飽、飽到嘔, 都仲扮肚餓死要食! 結果俾條紗巾仔一角佢啜, 佢好快就訓著啦~~~:-P

原文章由 appleCC 於 07-10-9 13:42 發表
佢可以由早上8:00-下午2:00也不肯去睡.夜晚由6:00-10:00. 一放低落床仔就哭, 跟住就周圍寧,張晒口咁. 差不多一小時食一次. 差不多整個時段就做了餵機器. 都唔知係bb唔夠飽, 定係佢扭眼訓要啜.

@ 如果有錢有社會地位先至會被人喜愛，呢個世界就太可悲了 @

私人傳訊回覆引用