我有一個請工人嘅經驗同大家分享，希望第一次請外傭嘅朋友可以參考！我係一個全職主婦，有兩個分別歲幾及初生bb，本來想揾個有經驗嘅現成工人，但外傭公司話而家D工人好揀工，bb太細加上主人在家好小工人會願意做，請個海外會易D，結果我請咗個印傭，頭半個月都扮到唔錯，之後就現晒形，懶都算la，一樣嘢教幾十次都扮唔明，d動靜根本係博炒，佢d衰嘢真係數之不盡，(成日整傷bb一日幾次，將d刀呀較剪放bb玩具箱度，將d柔順劑入落bb支沖涼液，bb有時大便爆片件衫有小小叫佢手洗，佢就掉咗件衫，我同bb十二點起身(bb跟我瞓㗎，佢平時只做家務同下午陪大嗰個睇tv同玩)，朝早我老公又唔使佢煮早餐，我叫佢八點半起身做家務，一點前自己食完嘢，下午專心睇b，佢好嘢到我一點叫佢睇b，佢話唔得閒...因為未掃地未晒衫，bb開大就叫我抹話怕喎！不過佢有一樣好叻㗎，就係同我請假同出親街都話唔見八達通，)我叫朋友個工人翻譯，連我朋友個工人都話：太太妳送佢返印尼啦，佢都唔係嚟做嘢嘅！我同佢公司投訴過，公司鬧完佢又好幾日，好彩佢公司好好即時應承換俾我，亦即時出埋警告信俾佢，佢唔肯簽話要同佢家姐相量(佢家姐喺香港四年)我話妳可以唔簽但我唔用妳la，佢好開心咁同我講，太太妳唔用我可以，但我俾妳一個月時間揾人，我話唔使佢俾我時間，佢就即刻話太太妳要俾一個月通知我(意思係錢)，我嬲到吖！！！咪同佢講囉，根據香港法例如果妳有嚴重錯失，我可以立即解僱妳亦唔使賠償，我而家就報警帶bb去檢查，由警察去查(之前一日我個女額頭腫咗，問佢就答我唔知點解)，可能佢心虛，即時喊晒求我俾一次機會佢，又話願意自己辭職，我諗住無謂做得太絕，就叫公司安排簽齊文件同立刻訂機票俾佢，等機位嗰幾日，佢又回復正常仲好勤力做嘢，佢仲問我可唔可以繼續留喺度做，佢會改，我話唔得la，先生唔放心再請人，佢又打蛇隨棍上問我可唔可以將機票錢俾佢自己買，話想同家姐朋友玩下先返去，我話法例一定要咁做，佢話佢好多朋友僱主都得，我咪話已經俾咗錢佢公司囉，我一心諗住好嚟好去，去機場嗰日仲俾封利是佢，見佢咁多嘢拎仲call埋的士俾埋錢佢去機場！佢走咗兩日佢公司就通知我佢無返去，同埋走之前一個月已經無還財務，跟住再多兩日就好多鄰居d姐姐嚟揾佢追數，幾十到幾百都有，人地見幾日無見佢擔心就嚟揾！咁都未算衰，隔多幾日我仲收到勞工處嘅信，話個工人投訴我地短資，無俾假期同無俾機票同車馬費woo，真係有病㗎，我樣樣俾足佢有突，人工我用支票出糧再叫佢簽收，至於假期隔離左右可以做証，機票更加有航空公司紀錄，但佢公司話勞工處多數幫妹，我話告到去邊我地都唔驚，因為我地無咁做過，我打去勞工處問，都係一味想叫最好和解！咩世界呀，條友仔擺明想屈錢同拖時間揾工，點解入境處唔做d嘢，同埋呢種案件唔加快處理，等佢地無得拖延時間，我聽鄰居個妹講有d公司會安排佢地邊做黑市替工邊揾新工，所以佢地到尾就算收唔到錢亦一d蝕底都無，輸咗又未有工大不了走，加上大多僱主怕麻煩會多少俾d錢，如果揾到工又可以隨時取消，只要拆賬俾工會就有工會幫佢地做軍師，好嬲呀！！！反而我地請到個工人唔好，要貼大筆錢炒佢，仲要惹官非，搞餐飽！又有咩政府部門可以幫我地吖！希望各位可以小心，d僱傭中心好識包裝嗰種被炒出嚟嘅工人，又會揾人扮舊僱主去話個工人有其他原因離職，希望大家要多多小心！！！
懷孕
健康
煮意
遊樂
熱話
學校
管教
移民升學
理財
潮流
使用意見
故障報告
下載APP
關注我們
發表於 
返回列表
