今日提早炒工人姐姐(我巳一個月通知期,last day5/4).原本姐姐是每月23號出糧,咁我23號叫agent同姐姐講不如佢d糧計到last day,咁agent 覆我工人姐姐無問題 (但其實我會30號前一定叫佢走,因為我知薪金唔可以遲過7日發放,加上新工人月底到).
點知個姐姐24號追我出薪,我答佢agent 同你講咗我會last day一次俾晒所有薪金你喎,如果你有問題你同agent講啦.其實姐姐欠agent錢,agent叫我呢個月d糧,做到last day同機票一次過返去agent攪,
姐姐死都唔再同agent講,佢開始發脾氣唔想做嘢又係咁上網,我見佢發脾氣同d態度咁差唔知會做出d乜嘢(因為我仲有2個小朋友),所以我打俾agent同佢講我25號炒佢, agent 都話好,同埋預備所有簽收文件.
到夜晚差不多瞓覺前,佢再用軟工同我講(咸晒),太太可唔可以出糧俾我呀,我話唔得喎,你有問題明天同agent講啦(因為我無同佢講我25號炒佢),佢話agent會攞晒佢所以錢o架.之後佢無錢係香港同大陸用呀,好慘呀.(哭得更利害) (當時見佢咸到咁,咪心軟囉,同佢講,最多我俾多$500你用啦)
我仲問佢點解agent 要攞晒你d錢呀,
佢講agent 要佢還$9000,(以我所知佢尚欠agent 2個月錢,又唔知自己大洗,錢都未還俾agent走去買部可以上得網靚電話又成日去H&X買衫,佢又無諗過我會咁早炒佢,所以咪攪成咁.)
咁我答佢你可以同agent講,你搵到新雇主後再還囉,呢d嘢係你同agent問題,同我無關,我叫佢你明天同agent講可唔可以遲d還囉.
到25號炒佢啦,尋晚見佢咁慘,咪買咗3大包印尼麵及幾雙蘋果諗住俾好有幾日食唔洗用錢…..點知心軟同好心對佢來講無用o架….
早上,我叫佢執嘢同我返agent 啦(要12點前走),佢個死樣開心到好似中咗六合彩咁,仲笑晒口同我講係咪真o架,我講係呀,你可以打去問agent,佢真係打去agent check係咪走得(見佢d態度咁差d公仔麵同蘋果唔洗俾佢啦,留返新工人食). 然後佢係咁打電話俾d朋友, 我叫佢唔好再講啦你要12點前出門口,佢唔理照講電話,我開始發火好大聲同佢講你要12點前走呀,收線呀..跟住佢同我講我唔走呀要報警,因為話我唔出糧俾佢喎,咁我話好呀,你快d報警叫差人來呀順便叫差你送你走呀(因為我巳打俾agent ,agent巳教我點做同埋我冇犯法亦沒有拖欠佢薪金),到最後警察都叫佢同雇主返agent啦,因為雇主係無拖欠你薪金你亦唔可以留响雇主屋企因為雇主巳炒咗你,你話agent 會扣你錢係你同agent的事唔關雇主事,所以你同雇主一齊返agent做埋d手續,佢見差人都幫唔到佢,佢好無耐咁同我返agent.
點知我同佢搭地鐵時佢不斷打電話同朋友講佢去度邊個邊個站呀,咁我心諗佢一定想偷走,點知去到銅鑼灣佢真係偷走(我地去北角),咁我咪拉住佢唔俾佢走,佢係咁大叫help…我同d途人講呢個工人今日炒佢,依家返agent攪手續,我地唔係呢個站落車係北角落o架 ,佢想偷走呀.d人見到咁情況反而幫我唔幫工人,有個好心女仔同我通知地鐵員工及差人,仲有d人阻住個姐姐唔俾佢偷走(真係唔該晒你哋幫我,攪到我好似個傻婆咁,仲要在拉扯時攪到自己對腳損咗都唔知,到沖涼先見到對腳損咗),之後咪又要出動差人囉,
到最後agent都無辨法,如果佢要走又得佢走,最重要你返來攪清楚炒佢手續佢唔攪佢o架事, 有問題都唔會影響我,最多大家係勞工處見.
懷孕
健康
煮意
遊樂
熱話
學校
管教
移民升學
理財
潮流
使用意見
故障報告
下載APP
關注我們
發表於 
!其實你都識講佢掙agent
係佢地兩個嘅問題,點解重要扣住佢d糧呢,炒佢計清錢簽好文件跟手踢佢出門口咪唔需要攪到咁煩,重要陪佢搭地鐵 比佢玩.
都唔好比佢打,簽哂文件比哂
唔好比佢搵朋友諗計.
返回列表
