吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 懷孕前後› 生完10日左右, 婆媳關係訴苦文長~

懷孕前後今日: 1|主題: 330672

收藏本版

發帖

返回列表

跳至頁

查看: 2756 | 回覆: 23

生完10日左右, 婆媳關係訴苦文長~ [複製鏈接]

mokice

大宅

積分: 1927

1^#

發表於 15-7-2 10:59 |只看該作者 |倒序瀏覽 |打印

話說BB出世十日了, 生之前, c6說想花點錢請個專業陪月好好服侍我同BB個零月, 因為c6花了不少錢讓我在私家生, 我想慳番d, 叫c6親媽照顧我坐月, 媽咪話哂都生過3個, 雖然我同媽咪之前相處時間好少, 但自己人照顧比外人好吧, 雖然C6幾反對, 但最後都依我

生完後媽咪好鍾意bb, 但我發覺同佢磨擦愈來愈多, 好多都係從小事起, 例如bb的餵養, 我想餵人奶, 奶水有但唔算多, 而且我係開刀生既, 傷口仲痛體力又未回復, 餵得好攰, 結果bb大約3/4 奶都係奶粉開既, 媽咪為佐個孫, 整佐好多野食/飲, 成日催我去食/飲, 話你唔你飲多d邊夠奶水餵個B呀? 我心諗我夠想啦, 但我更需要既係休息, 訓覺, 你無必要我訓梗都過黎叫醒我去食飲去下奶呱? BB呢兩日大便少佐, 媽咪又有意無意咁講話, 都無人奶飲梗係少大便啦! 我餵人奶, 佢又鍾意過黎睇..大佬我都係成年女人黎都要有私人空間嫁, 你唔問下我有無所謂就直接黎睇! 見住個b飲人奶有d辛苦, 仲批評我個乳頭大bb食得辛苦....先唔理有無影響, 乳頭大小我能控制? c6出聲話媽咪, 話餵人奶俾老婆自己係房唔好入黎, 媽咪反而話自己人有乜所謂? 有夠自我中心......餵完奶同BB掃風, 醫院護士教我用拍拍既方法, 同我一齊練習佐幾日, 我跟住用, 媽咪見到又唔高興話唔岩, 唔可以拍, 要由下至上掃, 咁各施各法姐, 唔駛咁小事又唔高興呀? bb初生有甩皮, 正常, 但我覺得屋企又唔熱BB少汗, 可以唔駛日日沖涼, 始終沖熱水涼BB皮膚會更干燥甩皮會多, 媽咪話點可以唔沖, 日日都要沖, 夏天至少1日兩次啦, 有無搞錯..!…佢又唔高興

媽咪依家無返工全日係屋企, 但佢就全日差唔多有一半時間都係廚房煮野....媽咪以前三個都係順產, 佢有時整佐d野食唔係好岩開刀既我, C6同媽咪反映話開刀清佐好多血, 唔駛食咁多活血既, 媽咪又話我以前都係咁食, 怕乜, 唔通我會害個新抱? 咁最後我都無乜食到果D...

好多其他小事就唔再講了..加加埋埋, 我又諗起我阿嫂比我早一個月生, 都係開刀, 阿嫂媽咪不收分文自薦黎照顧個女...所有衣食同埋照顧BB 6餐一手包辦, 阿嫂只要好好休養就得, 我就崩潰係房暴哭, 覺得媽咪要求多多又唔心痛我, 只係心痛個B, 我同C6訴苦, 先知原來C6其實係俾番媽咪返工人工(媽咪係辭佐佢份餐廳清潔既工黎睇我地)...我又諗起生39周時同媽咪去行商場做運動, 媽咪話去買茸俾我產後補身, 幾千蚊一支果D, 我話唔駛啦我後生健康, 生B洗錢多, 慳D OK, 媽咪話唔怕, 媽咪送你食, 我心存感激, 點知當晚C6放工番黎媽咪即時找C6報銷找數....

C6好擔心我咁落去會產後抑鬱, 試圖私下同媽咪溝通調解協解下, 媽咪卻覺得自己落心落力照顧屋企仲要俾新抱責怪, 話自己以前無人幫, 一手帶大三個, 依家你地有人照顧仲要投訴? 仲同C6講, 話BB留係佢度俾我湊, 新抱番番去自己屋企叫第二個湊...一副要仔唔要姆既態度....C6都好無奈, 仲長嘆好後悔無堅持己見要請陪月, 反正都係要花錢, 老婆反而唔駛受氣, 仲可以安心抖足一個月...

我係覺得媽咪佢能幹, 以前一帶三, 肯照顧屋企, 比D乜都唔理既媽咪好, 我都好比面佢, 有咩唔開心唔同意都唔會同佢發洩出黎, 頂唔住先同C6呻一呻姐….但媽咪係佢真係好要強同自我中心…所有野都係佢果套岩, 唔受其他人果套, 同佢一齊住壓迫感好大……

0 0 0

私人傳訊

ha930

男爵府

積分: 6569

育兒性格勳章陪月勳章 BK Milk勳章

2^#

發表於 15-7-2 13:55 |只看該作者

mokice 發表於 15-7-2 10:59
話說BB出世十日了, 生之前, c6說想花點錢請個專業陪月好好服侍我同BB個零月, 因為c6花了不少錢讓我在私家 ...

唔好介意, 其實我覺得你有小小產後抑鬱, 試下搵健康院姑娘傾下~

首先, 要餵人奶, 想多奶, 媽媽當然要食多 d 嘢, 飲多 d 水份, 先可以制造到多 d 人奶出嚟, 你 99 定時叫你食嘢, 都係想你身體可以造多 d 人奶, 咁大人夠奶, BB 又食得飽, 可能你 99 表達得唔好吧~

至於, 你話 99 走嚟睇你餵人奶, 其實佢係唔係驚你餵嘅姿勢唔好, 所以 BB 食唔到?

至於掃風, 其實有幾種手法的, 你學的, 同你 99 講的, 其實都係正確, 邊種容易掃到咪用邊種 lor, 唔駛咁執著~

其實初生 BB 日日都要沖涼嫁, 你諗下, BB 一日大小二便幾次, 唔沖涼咪好 dirty? 如果你驚沖熱水涼BB皮膚會更干燥, 咪用溫水沖, 其實同 BB 沖涼, 唔駛太熱嘅水嫁, 佢哋皮膚薄, 唔可以用太熱嘅水嫁~

私人傳訊

hhz

男爵府

積分: 8856

我的育兒心得勳章

3^#

發表於 15-7-2 14:48 |只看該作者

回覆：生完10日左右, 婆媳關係訴苦文長~

如果可以就請自己媽咪幫手好啲，不過開錯左每頭，好難回頭。

不過你c6俾啲心意錢你奶奶照顧證明佢識做人，你心痛c6啲錢，佢心痛你，你要開先係。

私人傳訊

teretere718

別墅

積分: 601

4^#

發表於 15-7-2 15:25 |只看該作者

回覆：生完10日左右, 婆媳關係訴苦文長~

其實so far 聽落去你奶奶都唔係好差，好過份，只係大家未夾到，始終屋企多左個bb, 大家都好緊張。
睇你咁講，你奶奶已經對你幾好，起碼佢算係支持你餵人奶，肯煮野俾你食，幫你上奶。
至於掃風&沖涼問題，同意樓上jm講，bb真係要日日沖咖!
放鬆d心情啦，對大家都會好d! 加油!

私人傳訊

ymancwm

大宅

積分: 3462

5^#

發表於 15-7-2 16:13 |只看該作者

mokice 發表於 15-7-2 10:59
話說BB出世十日了, 生之前, c6說想花點錢請個專業陪月好好服侍我同BB個零月, 因為c6花了不少錢讓我在私家 ...

你都係唔好俾99干涉咁多，佢講咩你都唔好信著，你自己應該求證左先，其本上你應該有去產前講座，生完又有幾本書俾你，護士又會教你，你跟返你自己果套就比較安全同放心。
99 果D亂講一通，講中就話佢功勞，講錯就話唔知道，不求甚解，其實好無賴。你自己BB自己負責返最好。又唔駛理99講乜。

私人傳訊

ymancwm

大宅

積分: 3462

6^#

發表於 15-7-2 16:22 |只看該作者

mokice 發表於 15-7-2 10:59
話說BB出世十日了, 生之前, c6說想花點錢請個專業陪月好好服侍我同BB個零月, 因為c6花了不少錢讓我在私家 ...

D 99 好乞人憎，你想餵人奶果陣佢就話你唔夠奶水要餵奶粉，湯水都唔會煲你飲。好喇，到你想停人奶唔泵呢，佢就話人奶好有抗體，日日煲湯水同你谷奶。

掃風，你跟返護士WORK果套，我果陣時又係，99又話我掃風唔係咁掃，要輕輕力。佢試過幾次，掃成粒鐘都未完，好似摸背咁，HI下HI下，睇到眼火爆。我自己一掃，5分鐘掃，實際上佢想抱BB抱耐D，根本係度阻人休息又阻BB訓覺。

你開刀，你C6講得岩，活血野唔好食咁多，傷口埋唔到口，你都係自己問清楚人地先，唔好信99，身體係自己，辛苦係自己，食咩都係自己，小心保重。

私人傳訊

mrs.tiger

別墅

積分: 512

7^#

發表於 15-7-2 16:44 |只看該作者

啲99係咁㗎啦，基本上上一輩都係咁，所以我坐月叫的親戚朋友唔好來，我坐月唔係entertain佢地。99要來我唔理，等陪月姐搞掂佢。

講返樓主complaint，要有人奶就要夠休息，唔係食幾多都冇用。啊B係要日日沖涼，掉皮係收水唔係乾，塗多的cream就0k。你99鐘意掃半個鐘風都掃唔倒唔緊要，唔好攪到啊B。至於補品，惡露清咗就食得。

私人傳訊

spikenard

水晶宮

積分: 74809

8^#

發表於 15-7-2 17:25 |只看該作者

其實你99唔差的, 只是大家的湊B方法不一樣

我想講,BB要日日沖涼,其實BB好大汗的,唔每日沖涼,好易有頭泥,
仲有每日沖涼的好處係你可以睇到BB身上有冇受傷,於,疹,

私人傳訊

placesday

男爵府

積分: 5984

9^#

發表於 15-7-2 17:27 |只看該作者

回覆：ha930 的帖子

講得好啱初為人母特別緊張係好正常但如果換轉對象係你自己媽咪你可能成個感覺會唔同晒放鬆d la

私人傳訊

writingwan

別墅

積分: 939

10^#

發表於 15-7-2 17:55 |只看該作者

C6 比返錢亞媽,我覺得應該, 因為生仔女係父母責任(即自己), 99肯幫, 應該要

感恩, 比錢孝敬, 父母有無幫手都要比。

比得人湊, 一定有野唔岩自己心水, 老人家唔聽講, 真係世紀難題, 明白理解,

你睇下請唔請到陪月, 不過陪月亞姐, 都未必岩你心意, 年紀大GA人係好有自己

意見, 有機會都係激死你, 除非自己一個人做哂。

私人傳訊

autunmbb

大宅

積分: 2152

11^#

發表於 15-7-2 18:24 |只看該作者

媽媽，放鬆點吧，老人家係會堅持自己嗰套。我見你老公都好關心你，仲為你與媽媽交涉，都算好好，加油吧。

私人傳訊

pbaby896

男爵府

積分: 6893

畀面勳章

12^#

發表於 15-7-2 21:15 |只看該作者

有時請陪月都要睇好吾好彩。好似我請左個吾好既陪月。做c老公又激c我。又吾話得佢。郁d就黑面俾說話我聽。妳奶奶都吾算差

私人傳訊

JVEC

大宅

積分: 1648

13^#

發表於 15-7-2 22:02 |只看該作者

我奶奶都會幫我但唔係每日，我都好擔心，我都怕我會有抑鬱

私人傳訊

mokice

大宅

積分: 1927

14^#

發表於 15-7-3 12:54 |只看該作者

多謝大家回覆, 今日心情好d 又無咁攰啦, c6知我鍾意melody, 尋日收工帶佐隻有我半個人咁大既melody公仔番黎話用黎陪我喎, 當塘開心哂 ~ 我知呢個99唔差既, 只係同大部分99都有同通點係比較固執堅持己見, 我都無怪佢
心情唔好時上黎呻下, 見有人支持又多番d動力啦 !

私人傳訊

little_monkey

子爵府

積分: 13810

15^#

發表於 15-7-3 22:30 |只看該作者

回覆：生完10日左右, 婆媳關係訴苦文長~

感覺到樓主對奶奶都心存尊重。看你的文字，你奶奶嗰套都唔係錯晒嘅，只不過某些地方大家看法不一樣。另外樓主先生也算不錯。作為一個外人，旁觀覺得大家都想大家好，不過看法不一樣。作為一個過來人，完全明白媽媽對初生bb的緊張，我大b差不多五歲了，回看以前自己，覺得有些事真不用太執著。我現在覺得重要的是維持家庭良好關係和和諧，這點對bb日後成長也是重要的。此時此刻，如果樓主你好唔開心，搵人傾訴下吧

私人傳訊

little_monkey

子爵府

積分: 13810

16^#

發表於 15-7-3 22:31 |只看該作者

引用：多謝大家回覆, 今日心情好d 又無咁攰啦, c6

原帖由 mokice 於 15-07-03 發表
多謝大家回覆, 今日心情好d 又無咁攰啦, c6知我鍾意melody, 尋日收工帶佐隻有我半個人咁大既melody公仔番黎 ...

私人傳訊

kazakaza

男爵府

積分: 7049

17^#

發表於 15-7-4 09:23 |只看該作者

回覆：生完10日左右, 婆媳關係訴苦文長~

睇住埋身餵奶呢樣野。。。我c6屋企d人痴架，，我果時好似動物園咁個個問都唔問就走來睇。。

你既奶奶overall其實都冇咩大問題，又唔算極品。。大家既期望有少少出入係必然架啦，，唯有eq高d,, 合埋眼咩都唔好諗坐月個月就送走99啦。。

私人傳訊

moskuma

大宅

積分: 3316

18^#

發表於 15-7-5 08:01 |只看該作者

回覆：mokice 的帖子

生完攰，擔心，各種作息時間唔同，會令人好易忟憎。
你應該係唔夠休息，所以咩都好似唔順眼。
就咁睇，你同你奶奶都無乜問題。不如你提出每3-4日，搵一日(可以係整個晚上/整個下晝）比晒奶奶照顧bb,而你好好訓一覺（起碼4-5小時），
有精神先有奶，個人亦會開心好多。

此外，bb真係要日日沖涼的

私人傳訊

bosch

瑪瑙宮

積分: 128559

馬年勳章 2026勳章 2025中秋節勳章母親節2025勳章 2025勳章蛇年勳章 2024年龍年勳章 2023年兔年勳章虎到金來勳章開心吸收勳章

19^#

發表於 15-7-5 08:22 |只看該作者

加油。

私人傳訊

wingwing515

男爵府

積分: 9635

20^#

發表於 15-7-5 09:59 |只看該作者

回覆：生完10日左右, 婆媳關係訴苦文長~

So far我覺得你奶奶已經好好，唔難相處，比起其他人既奶奶已經好好多
始終大家都愛鍚BB，而且每一個人湊既方法都唔同，就算自己媽媽湊都未必合理心意

我都知道休息多D可以幫助上奶，不過首先你都要放鬆心情，頭1－2個月係辛苦，但你自己都要識得攞番個平衡，不要同其他人比較，

或者試下同奶奶傾，大家分下時段去湊BB，佢湊個時你就唔可以理太多，好好訓下，有D時間都要比奶奶休息下

有奶奶幫手係一個福氣