大仔大女媽媽會今日: 0|主題: 177860

收藏本版

發帖

返回列表

跳至頁

查看: 1449 | 回覆: 1

[2006年] 超差的眼科醫生 [複製鏈接]

yesasiamama

洋房

積分: 119

1^#

發表於 08-10-2 00:39 |只看該作者 |倒序瀏覽 |打印

今日同浩浩去嘉賓大廈度驗眼, 上到去, 有印象係幾年前黎過, 諗諗下, 應該係浩浩第一次驗眼時的地方, 嗰時浩浩都未夠一歲. 我都唔記得係咩原因令到我唔再黎呢度, 但今日睇完後, 我知道個原因是什麼了. 嗰度d醫生完全無耐性, 睇症時好求其, 又無醫德, 完全唔知係度做咩, 就收我$650, 簡直不知所謂, 垃圾過垃圾, 我以後都唔會再去嗰度睇.
今次約的眼科專科醫生係楊x燦, 我上網睇過佢既資料, 佢無疑係一個有經驗的醫生, 但估唔到係咁差. 上到去嗰間眼科中心, 登記完, 好普通咁驗一驗眼, 跟住等見醫生. 在醫生房門口, 見到佢d病人出出入入, 好快就睇完一個症, 都心知不妙. 輪到我地嗰時, 入到去, 講咗幾句無謂野之後, 睇一睇之前驗眼嗰張電腦紙, 話我個仔有少少近視, 跟住呢個楊xx就叫將我地呢個波踼咗俾視光師. 視光師驗完之後, 話浩浩有近視, 右眼50度, 左眼75度, 兩隻眼都有75度散光, 咁我問個視光師使唔使戴眼鏡, 視光師就話要看醫生既決定. 第二次入醫生房, 楊xx就話要戴眼鏡, 咁我話咁少度數, 係咪真係有需要戴, 可唔可以唔戴住, 因為我知道個仔平時睇野應該無問題. 點知呢個pk醫生就話: 你唔俾佢戴咪執輸囉, 人地睇到, 佢睇唔到之嘛, 人地睇到10行, 佢睇到3行. 我心諗: 有無咁誇呀. 跟住佢仲話: 佢今日唔戴, 聽日唔戴, 後日唔戴, 始終有一日都要戴, 你都係面對現實啦. 聽到佢咁講, 我已經好唔高興, 邊有醫生咁講野架, 咁無醫德既? 我最終無配眼鏡, 但出到黎已經一肚氣, 我發誓以後都唔會再睇呢個楊xx.

0 0 0

私人傳訊

boolee_tea

別墅

積分: 823

2^#

發表於 08-10-4 18:07 |只看該作者

我跟一個媽媽傾談, 她的女兒是天生遠視, 一歲左右就要戴眼鏡. 我趁機問她在那裡檢查, 她說在理工大學.

我好耐之前也聽聞可以在那裡檢查. 詳情我實在不太清楚. 不過聽那位媽媽的comment也不錯, 他們有特別的儀器, 幫年紀較小的小朋友驗眼, 而且收費只需$500左右 (半年前).

我囝囝在政府的評估中心驗出初步有天生散光, 但年紀太少, 不能確定度數. 要一年後, 即3歲半再驗才確定.

視光師說, 如散光超過100度, 要在3-4歲時配眼鏡, 如不, 就會變成弱視. 但因為通常都是天生, 故這一年也不會加深, 而且對學習也不會造成障礙, 所以這一年也不先用做任何糾正包括戴眼鏡.

但因為我個囝沒有近視, 所以唔太清楚如有近視要否即時戴眼鏡.

因為我不知你小朋友的情況, 你可先打聽下理工大學, 多做一次檢查後再決定. 希望可以幫到你啦.

[ 本文章最後由 boolee_tea 於 08-10-4 18:10 編輯 ]

私人傳訊

跳至頁

返回列表

回覆

發帖

熱門搜尋：

大仔大女媽媽會 今日: 0|主題: 177860

瀏覽過的版塊

大仔大女媽媽會今日: 0|主題: 177860