母乳餵哺今日: 0|主題: 85707

收藏本版

回覆發帖

返回列表

跳至頁

查看: 1054 | 回覆: 5

要同3個月嘅囝囝分開3 個月, 但係想可以再喂媽媽奶比囝囝 ...... [複製鏈接]

懶豬豬媽媽

複式洋房

積分: 195

1^#

發表於 07-5-4 14:51 |只看該作者

要同3個月嘅囝囝分開3 個月, 但係想可以再喂媽媽奶比囝囝 ......

我囝囝一直都係飲媽媽奶, 但係因為某D原因, 我要同我3個月嘅囝囝分開一段時間, 但係我想可以再番喂媽媽奶.

回想起當初喂媽媽奶, 真係喜怒哀樂樣樣齊, 佢出世頭嗰兩日係醫院飲慣咗奶樽, 返到屋企唔肯飲媽媽奶, 再加上當時我奶量唔多, 每次埋身都要糾纏個幾鐘, 再補奶粉, 慢慢佢就習慣飲媽媽奶而且唔肯飲奶粉, 飲完媽媽奶之後仲會好開心好滿足咁笑. 試過有一次, 我一邊乳線塞咗出唔到奶, 熱敷加按摩都唔得, 又漲又痛, 最終要由 BB 不停咁吮, 佢好勤力而且無扭計, 係無奶飲嘅情況下佢居然吮咗成個鐘, 好彩最後都通番無事, 所以BB都為媽媽奶勞力過. 當我知道要同佢分開一段時間之後, 開始慢慢幫佢轉奶粉, 而且佢都已經習慣. 但係到我臨走嗰日, 佢點都唔肯奶粉, 兩餐加埋飲得兩安 (平時一餐飲5安) 仲 :-( 得好緊要, 真係心痛死, 最後心軟喂佢飲媽媽奶, 佢好似餓咗好耐咁, 不停吮不停吮, 吮咗近一粒鐘, 其實佢好真係鍾意媽媽奶, 我竟然係佢唔願意嘅情況下斷佢奶, 實在殘忍,

我而家每日都會 PUMP 奶, KEEP 住有奶出, 但係我又怕佢到時已經唔 "希罕" 媽媽奶, 又或者到時我已經無奶.

我想各位媽咪幫我解答以下問題,
1) 有咩方法可以令飲慣奶粉既BB轉番飲媽媽奶, 最好可以埋身, 因為真係好 SWEET.
2) 到BB出牙仔之後, 又有D咩技巧可以喂得無咁痛 ?
3) 通常每日要 PUMP 幾多次? 會唔會因為 PUMP 得少導致D奶一日比一日少 ? 有咩方法可以 KEEP 得住D奶量.
4) 冰奶一般可以存幾耐, 我想冰起D奶第時比佢飲.

其實唔只媽媽有付出, BB都有勞力, 有付出所以最好可以做到自然戒奶.