少年成長今日: 0|主題: 16132

收藏本版

發帖

返回列表

跳至頁

查看: 18345 | 回覆: 0

傳統 [複製鏈接]

csir3290

子爵府

積分: 12797

1^#

發表於 22-2-6 10:42 |只看該作者 |倒序瀏覽 |打印

又到新年，先祝大家身體健康，家庭幸福！講起農曆新年就諗起中國人好多嘅傳統，我雖然唔係一個好傳統嘅人，但係有一啲嘅傳統其實我都幾注重，希望將來仔女長大嘅時候都會繼續。好似年三十晚一定會俾封利是佢哋放枕頭低做「壓歲錢」，年初一起床第一件事係一定要佢兩個小朋友同我哋拜年然後派利是俾佢哋。其中我最重視嘅就係過時過節一家人食飯，所以自從仔女開始懂事，我哋兩公婆都刻意做就一啲習慣，好似聖誕節，中秋節，冬至或者年夜飯呢啲一定係一家人喺屋企食或者出街食，總之就畀佢兩個自細就習慣過時過節嘅時候，一定係一家人開開心心圍埋一齊食餐飯。因為仔女始終都會大，將來都係有自己嘅生活，所以要令佢哋自細就習慣一家人團聚嘅時候。其實細路仔有啲嘢係唔需要同佢哋講點解，只需要自細一齊做等佢哋成為習慣，咁佢哋就會跟住呢個習慣去做。好似大家嘅生日或者係週年紀念之類一定係全家人一齊慶祝，就算係簡簡單單食餐飯甚或至乎只係切個蛋糕，都一定要做，除咗係形式之外，亦都係家庭關係嘅維繫。所以呢一類嘅傳統其實我同老婆都好重視，近呢幾年開始除咗去公公婆婆屋企做節之外，我哋自己屋企都一定會做節，等兩個細路知道將來大咗都要重視呢啲家庭傳統。

講開自己屋企做節之外，去老人家屋企食飯同點樣同老人家相處，我同老婆都係非常之重視，因為將來我同老婆都會變老人家。其實我哋而家點同屋企嘅老人家相處，亦都係教緊佢哋兩個細路將來點樣同我哋相處，呢個完全係身教，你點講都冇用，就算你講到話點樣要孝順父母點樣要對父母好都冇用，但係啲細路見到自己嘅爸爸媽媽點樣對自己嘅父母，佢哋將來都係會有樣學樣，自己都唔孝順父母，自己好日都唔會聯絡下父母問候一吓，過時過節都係得啲老人家自己喺屋企，咁將來自己啲仔女咪又係有樣學樣，到時先至後悔自己啲仔女點解對自己好似漠不關心咁，其實咪又係自己種出嚟嘅果囉！所以要仔女將來長大有自己生活之後都依然係關心自己的話，現在就要教佢哋，做畀佢哋睇點樣係關心自己嘅父母。呢個唔係做戲畀佢哋睇，因為其實做戲係會睇得出嘅，關心自己身邊嘅老人家應該從心出發，就算覺得身邊嘅老人家做得幾唔好都好，間唔中嘅一個電話一個問候，得閒都要見下面約出嚟飲下茶，呢啲最基本嘅嘢都應該要做。總之點樣同身邊嘅老人家相處都係一種身教，仔女就喺我哋身上去學，將來當有自己嘅生活自己嘅屋企嘅時候，點樣去同自己嘅父母相處同埋關顧自己嘅父母。今日唔做一個好好嘅榜樣，將來亦都真係唔好怪自己嘅仔女唔識做。

0 0 0

私人傳訊

跳至頁

返回列表

回覆

發帖

熱門搜尋：

少年成長 今日: 0|主題: 16132

少年成長今日: 0|主題: 16132