少年成長今日: 0|主題: 16132

收藏本版

發帖

返回列表

跳至頁

查看: 16888 | 回覆: 3

唔識教定唔教 [複製鏈接]

csir3290

子爵府

積分: 12801

1^#

發表於 21-7-18 11:15 |只看該作者 |倒序瀏覽 |打印

琴日晏晝食飯正正坐隔離枱有三母子，最細嘅小朋友應該大約三四年班，又係全程揸住部手機喺度玩遊戲仲要唔識得較細聲啲，後來可能見到我開始忙望佢先至較返細聲啲。成程飯又係個阿媽不停話要收埋個電話不停話要食嘢但係個細路仔都冇乜點理佢。直至到個媽媽食完餐飯先至收起呀仔個電話，然後個細路先至食咗少少。但係原來個阿媽收咗部電話之後又到佢不停喺度自己捽電話。最好笑係佢哋臨走個細路仔好似唔願意行咁，佢阿媽竟然好認真咁問過四年班嘅細路仔洗唔洗抱佢。之後我老婆即刻話有冇搞錯，我老婆話個阿媽好有問題我就話可能佢唔識教，我老婆就即刻話應該係佢唔教唔係唔識教。

間唔中都會聽到有啲家長講可能個細路仔比較難教，好灰心咁話唔識教。尤其是同我嗰個教開band3學校嘅老師朋友傾開，佢好多時都聽到啲家長講話唔識教，就將教嘅責任畀曬學校，自己乜都唔理，最經典係有啲家長個細路仔冇返學又唔知，冇做功課又唔知，係咪病咗喺屋企都唔知。

但係諗返我哋自己嘅上一代，諗返我自己阿爸阿媽，佢哋讀得書少學歷低，其實都係唔識教，但係佢哋唔會唔教，所以唔識教同唔去教根本就係兩件事，好似自己嘅父母一樣佢哋都係盡力教我哋成為一個有責任感有禮貌嘅人，雖然學業上面佢哋未必幫到我哋，但係喺品行上面佢哋絕對係盡力去教我哋，雖然可能都係用啲打打鬧鬧嘅方法，但係佢哋自細就會教，如果自己嘅細路仔喺分行上面出問題佢哋都會怪責自己，覺得係自己教導上面有問題，唔會一句唔識教就放棄唔教。反觀而家好多家長成日掛住喺口邊話唔識教，唔識教成為佢哋唔教嘅最大藉口，根本就係不負責任。其實細路仔只要你肯自細開始教佢一啲規矩而且認真咁樣去做，其實唔會教唔掂，好多只不過係自細唔認真教，到個細路仔一路長大定曬形就話自己唔識教。就算真係唔識其實只要虛心去聽下人講，又或者去搵啲專業人士學下點教，甚或有陣時用啲常識去諗下都會知道點樣教，唔識教只不過係怕麻煩唔去試去教嘅藉口。所以我好尊重嗰啲雖然學歷唔高唔係好識教但係會好認真去聽人哋講，會嘗試唔同嘅方法好積極咁去教自己仔女嘅家長，其實識唔識教同個家長嘅學歷其實冇乜直接關係，反而喺個家長嘅做人態度先至最直接影響究竟佢點樣去教個細路仔。

0 0 0

私人傳訊

goodsnooky

珍珠宮

積分: 46614

2025勳章蛇年勳章

2^#

發表於 21-7-19 01:43 |只看該作者

回覆 csir3290 的帖子

你同你太太所見嘅情況我都有見過，有啲家長係唔去教，因為自己本身都有好大問題。我自認唔係一個好爸爸，冇俾到三個仔一個完整家庭長大，亦有時管教得唔夠嚴，但至少三個仔喺外面大庭廣眾唔會冇禮貌。上一代有好多家長學歷唔高，不過學歷同家教係兩回事，有時不成正比。

點評

csir3290 :donutgood: 發表於 21-7-19 18:32

私人傳訊

韓天秀

大宅

積分: 1608

3^#

發表於 21-8-10 17:00 |只看該作者

個女個女同學個細佬, 八歲. 黑黑實實, 好曳. 出街父母係完全吾理, 個男仔到處亂行亂搞, 仲去用手拍其他家長, 然後父母就冷冷咁細聲話, 吾好搞人地就算. 個男仔個格成個野人咁, 態度差無禮貌, 仲要見到大幾歲姐姐走去攬, 抽水.... 摸其他同學阿媽大腿. 試過走去拉起人條裙. 但老豆老母又係無理會, 不過聽聞父母分開住. 無語.