3歲或以上今日: 0|主題: 8855

收藏本版

發帖

返回列表

跳至頁

查看: 544 | 回覆: 1

【分享】教子女要從bb起~ [複製鏈接]

kay4884

侯爵府

積分: 22906

醒目開學勳章環保接龍勳章大廚勳章

1^#

發表於 11-10-25 00:57 |只看該作者 |倒序瀏覽 |打印

見倒隔離屋個小朋友(簡稱a),我就有啲肯定自己做法冇錯.

今日同平時一樣,比我女同仔去同a玩,因為a同我女年紀只差兩個月,所以都會一齊玩.但今日見倒a指住爺爺同媽媽黎鬧,我當堂o咗嘴.......
a媽媽用咩方法教佢我都唔亂加意見,始終每個人都會有佢自己ge一套.

係其他人眼中可能我係對啲仔女會唔會太過嚴格(有時我都會咁諗),係佢地開始明白我講乜嘢ge時候就開始練佢地啲服從性.例如:換片時唔可以郁黎郁去....雖然聽落好以好間單,但係我都搞咗佢地好耐先做得到.

去街都唔可以冇可批准下自己行,一定要拖住.唔可以佢話去邊就去邊,初時都唔會聽,但試過係安全環境之下,佢係都要去另一邊,我會同佢講bye bye就行去啲我睇倒佢,佢睇我唔倒ge地方.試過兩/3次之後一聽倒我同佢講bye bye就會衝返過黎拖住我行.

到識講嘢就教埋佢啲禮貌,見倒姨姨/叔叔要叫,人地比嘢佢就一定要佢講咗多謝先可以走.係屋企,要我幫佢做嘢一定要佢講唔該我先會幫佢,(如:"針"水,攞啲放高咗ge嘢.)當然我都要以身作則,叫佢我幫攞啲嘢我都會同佢講唔該.

可能有啲mama會覺得細細個就要佢學識"ABC","123",要講得一口流利英文先叫做叻,但係我心目中,佢而家3歲都會幫啲同學仔,對長輩有禮貌已經好安慰.(只係個人諗法)

可以好老實講,係佢地細個時,我都係成日做出一個嚴肅樣對住佢地,係而家大咗,啲服從性同禮貌上都達到我要求所以先對佢地笑多咗,而且佢地仲會知道佢地乖,我就會對佢地笑多啲,佢地就會好自然咁聽聽話話,不過而家都未可以放鬆住,始終佢地細個時唔識點解要聽話,點解有啲嘢唔可以比佢地做,而家要一一解釋返比佢地知,佢地大部分都會明.仲會同我講"我會聽話,會乖ga啦!"聽倒哩句,簡直甜到入心入肺