少年成長今日: 0|主題: 16108

收藏本版

發帖

返回列表

跳至頁

查看: 10176 | 回覆: 0

自律 [複製鏈接]

csir3290

子爵府

積分: 12556

1^#

發表於 21-2-7 10:49 |只看該作者 |倒序瀏覽 |打印

今次想講自律，但係唔係講緊阿仔阿女點樣自律，反而想讚一讚自己自從做咗人爸爸之後其實生活上面自己都越嚟越自律。好似呢輪自己都玩開一隻遊戲，之前都講過其實而家打機好多時都同埋阿仔阿女一齊，同埋為咗令到佢哋唔沉迷，好多時都係星期六或者星期日先至會玩，每次都係玩一個兩個鐘頭咁。通常阿仔阿女玩之前我自己都玩緊另外一個遊戲，又係啱啱去到啲好緊張嘅時間，早兩日放工返到屋企，突然間心癮起相繼續落去，有打開機嘅人都知道其實最難克服嘅就係嗰種心癮，本來都好想開部機出嚟，但係諗一諗見到阿仔阿女平時佢哋都唔會叫話要玩遊戲機，冇理由自己破壞規矩。終於都係等到星期六日先至再玩。

做咗人老豆之後就更加時刻提醒自己，阿仔阿女嘅生活習慣其實就係喺自己身上學返嚟，咁樣成為一個好主要嘅推動力令到自己生活得更加自律。講真未做人爸爸之前其實自己嘅生活都係一樣咁隨便，朝頭早起身唔係好執床，返到屋企第一時間就係開電視更加唔會成日揸住本書嚟睇等等。但係做咗人爸爸之後，時刻都會提醒自己要仔女有一套良好嘅生活習慣，所以就要更加克制自己嘅生活。最簡單自從阿仔阿女出咗世之後，其實我有差不多十年係無玩遊戲機，直至到阿仔阿女十歲之後先至開始慢慢同佢哋一齊玩，而玩嘅遊戲亦都唔再係自己以前玩開嘅類型，而家變咗係玩啲合家歡一齊玩嘅遊戲。生活習慣更加唔在講，你要啲仔女學到自理能力就首先自己要做好自理呢一部分，以前唔係好執嘢嘅我而家全屋第一時間執嘢嘅就係我，所以阿仔阿女都冇說話講，每一次叫佢哋執嘢佢哋都會做得好好哋。所以做家長唔好淨係得把口要啲仔女要點樣治理要點要點，當你希望啲仔女係點樣嘅時候，其實正正自己做父母嘅就要以身作則做畀佢哋睇，只要父母做好榜樣，其實根本唔需要成日講成日提，啲仔女自自然然就會跟住去做。有陣時見到啲家長為咗仔女嘅生活習慣會好勞氣，變成咁其實好主要嘅原因就係嗰個生活習慣根本喺屋企入面都唔係一個常規或者常態，咁細路仔又點會順理成章緊咁做呢！尤其是當啲細路仔越嚟越大個，佢哋有眼睇根本連父母都唔係咁佢哋又點會跟住做呢！所以要細路仔自律家長就先要自律。