自由講場今日: 1695|主題: 1371583

收藏本版

回覆發帖

返回列表

跳至頁

查看: 26334 | 回覆: 185

李泳豪遭兄禁見母親　李泳漢大爆驚人真相

[複製鏈接]

12 3 4 5...10

lopoto

男爵府

積分: 9240

1^#

發表於 26-4-4 12:43 |只看該作者 |倒序瀏覽 |打印

本帖最後由 lopoto 於 26-4-4 12:45 編輯

https://hk.on.cc/hk/bkn/cnt/ente ... 0403_00862_001.html
藝人施明上月因肺炎不幸辭世，身為長子的李泳漢目前正為亡母籌辦喪禮細節，為了讓母親可以安息，日前他公開表態已邀請斷聯已久的弟弟李泳豪出席喪禮，盡人子之孝，唯獨點名不歡迎李泳豪的台灣太太Agnes踏入靈堂，因母親沒有承認過是新抱，他並直斥對方由拍拖開始，從來沒有尊重過自己母親，連李泳豪結婚的人生大事，只邀請父親李家鼎見證，反而一手湊大他的母親施明未獲邀請，李泳漢表示母親因怕影響李泳豪名聲，而選擇「啞忍」沒有講出事實。

今日事件繼續發酵，李泳豪接受傳媒訪問時，表示尚未收到母親施明的正式出殯日期及地點，面對兄分對太太Agnes的指責，亦堅持態度：「我會同太太一齊出席。」而李家鼎亦站在李泳豪一方，讚同Agnes可以出席喪禮。對此李泳漢今晚接受東網訪問時，再次重申Agnes一定不可以現身靈堂，他只是聽從母親的意思去做：「我阿媽生前多次同我表明唔想再見到佢，佢連結婚都唔請我阿媽，唔明依家人都死咗，佢點都要出現究竟居心何在呢？」他還爆出多年「斷聯」的李泳豪昨晚主動來電，問他喪禮事宜安排，李泳漢當時已表明有確實日期一定會通知，所以不明對方為何又要拿出來大造文章。他憶述與李泳豪對話：「佢只係不停追問我喪禮日期，其他嘢完全冇問過，佢話要通知佢哋朋友嚟，我話日子係有，但未確定，因為有好多嘢要夾，佢即刻反問我『有啲咁嘢咩？』我話係有，最後我叫佢放一萬個心，定咗日子就第一時間通知佢，佢仲話咁好呀！由始至終我都好想佢出席，因為佢都係阿媽個仔，當然一定要出現。」

當問到李泳豪堅持要跟太太出席，李泳漢聽完即表示：「唔畀佢太太出現，呢個係我阿媽意思，我只係執行我阿媽意願，守住我阿媽最後嘅尊嚴，一個由頭到尾都唔鍾意你嘅人，唔想到死都仲見到佢。」說到李家鼎表示Agnes可以出席喪禮時，他肯定地說：「呢個係施明喪禮，畀佢嚟係李家鼎嘅意思，唔係施明嘅意思，李家鼎當佢係新抱，我阿媽冇當過佢係新抱。」

提到李家鼎向傳媒爆出施明患病期間不獲探視權，揚言「都唔知邊個房邊個Number點探」，暗指李泳漢收埋母親不讓他與李泳豪夫婦見。他忍不住大爆原因：「其實呢啲家事我真係唔想講，但唔講又會畀人再扭曲事實，根本就冇收埋唔畀見呢回事，由2022年至2023年我阿媽住院期間，鼎爺同李泳豪都多次嚟過探我阿媽，就算2024年我阿媽情況危急，佢哋都有嚟探，後來平安出咗院返屋企休養，我阿媽話唔想佢老婆嚟屋企，結果之後李泳豪就冇探過我阿媽，最後一次應該2024年聖誕節左右。」

而李泳漢直指從來沒有不准他們來探望母親，只是去年7月左右，因為當時發生了一件「驚天動地」的事，為了保護母親才有所防範。他說：「大約6、7月左右，有一日突然收到李家鼎打電話嚟求救，佢當時表現得好驚，話畀李泳豪兩公婆監控，出街都要佢哋批准，又話李泳豪要『分身家』，最後李家鼎畀咗成300萬佢哋…點知畀完錢第二日，李家鼎就好急咁打嚟，問施明住喺邊間房，話李泳豪兩公婆想探佢，我梗係驚啦，睇到李家鼎咁情況，我點知會發生咩事，為咗保護我阿媽我當然話唔得，之後李家鼎表明要幫佢兩公婆影施明一張相，有次佢仲緊張到喺深切治療部大吵大鬧，同人講佢係施明老公，叫人開門，搞到醫院打畀我。有次又突然衝上我屋企拍門，話要入嚟影阿媽相張，又話係豪仔叫嘅。」

問到李家鼎為何如此害怕李泳豪夫婦時，李泳漢亦覺得難以解釋，指李家鼎甚至連去買餸都要得到李泳豪太太批准，每日都要報告行蹤。李泳漢曾經叫過李家鼎搬去跟他同住，不用一個人老人家自己住，但李家鼎一副有口難言而拒絕，完全令他不明所以。他嘆口氣說：「我見到佢咁都覺得佢好可憐，成日畀人呼呼喝喝，佢每次都表現到好驚，完全唔敢反抗咁，人哋叫佢點做佢就要點做，所以我都預咗佢會出嚟咁講，佢一個人老人家畀人控制成咁，我仲可以點怪佢，亦唔知可以點樣做，我淨係想搞好我阿媽嘅喪禮，守住母親最後嘅尊嚴。」李泳漢強調他有證有據，絕對不怕公開對質。

0 0 0

私人傳訊回覆引用

lopoto

男爵府

積分: 9240

2^#

發表於 26-4-4 12:43 |只看該作者

本帖最後由 lopoto 於 26-4-4 12:44 編輯

https://hk.on.cc/hk/bkn/cnt/entertainment/20260404/bkn-20260404081110811-0404_00862_001.html

李泳豪稱用隱藏電話先搵到兄長　李泳漢爆對方講大話：佢選擇咗老婆唔理阿媽！

施明離世，觸發李泳豪和李泳漢兩兄弟之間的恩怨情仇！對於李泳豪向傳媒透露被兄長用法律手段禁見母親施明兩年，又指曾為此事報案，李泳漢行使監護令，全面禁止他探視，李泳豪還表示遭李泳漢踢出家族群組，電話亦遭封鎖，連日前主動打給兄長追問喪禮事宜，亦是用了無法識別的電話才打得通。

李泳漢對於胞弟李泳豪指控，完全明白對方急於「洗底」才出此下策。他覺得就算自己與李泳豪關係破裂，亦一直希望對方盡做仔責任，如果李泳豪願意探望母親，他又怎會阻撓：「乜嘢法律手段先？我真係唔明，淨係講呢2年，我阿媽唔喺醫院就係喺屋企，佢又唔係唔知我哋住係邊度，只係我阿媽講明唔想見佢老婆，佢就直情唔嚟探佢，既然佢選擇咗老婆唔理阿媽，就唔好依家本末倒置話人唔畀佢見，事實佢係唔肯嚟見阿媽。」

提到李泳豪指要用無法識別電話，才「成功」聯絡到他時，李泳漢直斥荒謬：「我從來冇拉黑過佢，係佢2021年將我所有嘢Block晒，如果我Block咗佢，佢嗰日根本冇可能打到畀我。」李泳漢為證清白，出示4月2日李泳豪打給他的電話紀錄，上面清楚顯示李泳豪是用自己手提電話打給他，而非李泳豪口中的無法識別電話號碼，他說：「再講，就算依佢所講佢用咗無法識別電話打畀我，我聽咗都可以即刻收線啦，我仲記得同佢交代阿媽後事安排，仲承諾定咗日子第一時間通知佢，唔明點解佢要咁講嚟抹黑我。」