阿仔呢輪好緊張，因為佢剛剛被選到做圖書館管理員。 阿仔今年四年班，學校未有一啲好全校性服務可以畀佢做，而家姐舊年開始就做風紀 ，可能佢聽到家姐成日講自己點樣服務，幾時要當值咁，所以佢自己都好想參與一啲學校嘅服務。佢成日同我哋講佢舊年學期尾知道學校要選圖書館管理員，而其其中一個條件就係要寫一篇短文去解釋自己點解要參與呢個服務，所以佢話佢舊年好畀心機去作呢篇文，所以先至選到。咁我同老婆都讚佢，因為佢作呢篇文嘅時候係冇同過我哋講，係佢自己解決自己去寫，所以佢覺得呢一次選到圖書館管理員係佢自己努力爭取得返嚟嘅，所以佢更加重視亦好自豪。呢個星期佢日日都要返學校受訓，佢就每日返到屋企都同我哋講佢幾時要當值，學咗啲乜嘢同埋當值嘅時候要點做。
正如之前都講過，其實阿仔好多時做嘢都冇乜自信，好多時都覺得自己冇家姐咁叻，但係今次睇得出阿仔好重視呢個職位。可能喺大人眼中會覺得佢講嘅嘢係啲無關重要嘅嘢，但係對於小朋友嚟講就非常之有意義，所以我同老婆都好認真咁聽佢講。只有當小朋友都覺得自己家長重視佢哋做嘅嘢，佢哋先至會覺得嗰樣嘢仲要同埋有價值，亦會從中肯定自己嘅價值。雖然圖書館管理員唔係一個乜嘢好重要嘅職位，但意義在於係呀阿仔佢自己爭取返嚟， 透過呢啲嘢正正係幫助阿仔建立自信重要嘅一步， 所以我同老婆都唔會放過呢個機會大大力咁讚佢，同埋日日聽佢講佢嘅經歷，希望佢成為一個更加有自信嘅小朋友。
懷孕
健康
煮意
遊樂
熱話
學校
管教
移民升學
理財
潮流
使用意見
故障報告
下載APP
關注我們
發表於 
返回列表
