我諗住係官方集運又可以處理大件貨物，所以先用。點知就出事!
今個星期二朝早sent 個SMS話派送失敗，叫我預約派件。查實星期一我一個電話都無收過，都唔知有冇送。
好啦!咁上網約時間。我話約"4/8 星期五下午" 已經好清楚啦! 星期五等咗一個下午，甩底! 我再搵網上客服，搵番record。原來入錯日子變咗今日。咁算啦!唯有今日再等，一個下午過去，仍然甩底! 6點再問客服，第一個話佢會催促盡快送貨，叫我等到7 點。俾多個鐘你點話。7點，都係甩底。再上客服佢初初又係話催促
我: 之前你同事催過啦喎!
客:我地幫你預約，但係派送時間係由派送商決定。
我:咁預約嚟做乜?預約咗都唔派
客:我再睇一睇
然後...更騎呢嘅事就發生
客: 派送商無安排送貨
我: 即係今日唔會送
客: 係。我可以幫你預約時間
我: 我預約咗你地無送喎
客: 叫派送員當日早上同你預約
我: 我無可能日日坐係到等你
客: 我會幫你催促盡早送貨
我: 你地都催咗兩次啦!依家又咪一樣
客: 咁我幫你申請50%退款
我: 但係我係要件貨呀嘛!
客: 你有冇打過香港客服?
我: 有呀!長響到斷線都無人聽
客: 咁你有冇打過另一個電話
於是打佢俾個電話，然後又係大陸客服! 以上對話又再重複一次!
唉! 我已經無嘢想講
今日我再打佢網站個電話，又係駁番大陸又係講一模一樣嘅嘢。究竟要點樣先可以預約佢送貨?
懷孕
健康
煮意
遊樂
熱話
學校
管教
移民升學
理財
潮流
使用意見
故障報告
下載APP
關注我們
發表於 
返回列表
