本帖最後由 mosesk 於 16-7-18 23:40 編輯
個個星期日都要同99飲吓茶，平日就可以瞓晏D至起身，但咁好彩被我抽中聽X贊臣A+產前講座，仲係抽中左上晝，咁就一朝早十一點就要出到尖沙咀朗廷酒店
。
上到去宴會廳已經見到好多人排隊，原來唔係排入場係排遊戲，入場條隊好多人手所以唔洗等。抽中講座的媽媽都會收到一個短訊，入面有個二維碼, 千其唔好洗左佢，因為到時係俾個短訊職員睇至入場的。
之前見到人排遊戲隊，原來係3D佈景板可以俾媽媽影下相，有職員幫你揸機，share上facebook就會有衫仔送，反正未開始我同老公都玩下啦，有陣時會有攝影師路過，會教你點擺甫士好，開頭我唔知啦，原來係有攝影比賽，攝影師影左好多媽媽後，會揀出唔知最溫馨定最搞笑就會有獎，不過我老公點會咁合作呀，不過有件衫仔都好啦！(全部衫仔都粉藍)
講座分2節，第一個醫生講分娩過程，例如講下順產係點，開刀又點，我本生一早book左私家生開刀，而家只希望唔好早產，因為貴好多 -.-“第二場講心理，都係叫我地多D分享開心同唔開心咁上下，其中有幾分鐘叫我地合眼放鬆晒感受下BB，我一合眼就想訓著XD。此外，仲播左一個好感人的短片，講個男人一直唔敢抱自己個BB, 但後來BB喊到佢無符，佢最後都鼓起勇氣抱B，一抱BB就唔喊，好笑又感人！
臨走就梗係攞禮物啦XDDD！填完問卷就可以去換個餵奶枕，條隊非常非常長，我同老公等D人散左部分至排，都唔算等好耐，個枕其實都幾大舊，仲要拎埋去同99飲茶，好彩係個老公拎jac…XD
懷孕
健康
煮意
遊樂
熱話
學校
管教
移民升學
理財
潮流
使用意見
故障報告
下載APP
關注我們
發表於 
返回列表
