前幾日同阿女阿仔去做半年一次嘅驗眼，阿仔阿女好細個開始已經每半年喺理大眼科中心做驗眼，因為佢哋仲細個，而且我哋兩公婆都近視所以就每半年去驗一次。直到到阿女小一就真係開始有近視要戴眼鏡，阿仔都係咁上下二年班開始要戴眼鏡。之後嗰年阿女仲試過喺一年間近視深咗差不多成二百度。而家阿女一邊三百幾一邊二百幾，阿仔就一邊二百幾一邊百幾。嗰陣時都有啲擔心驚呀女啲近視會深得好快，幸好一路都喺理大視光中心度跟進， 由於嗰次突然深得咁快，跟住開始使用佢哋新出嗰對兒童矯視眼鏡片，因為嗰陣時係新出都冇乜人用亦都冇乜地方可以配，用咗之後嘅效果真係幾好，而家用咗年半，最近呢次驗眼阿女嘅近視竟然一啲都冇加深到，連視光師都話效果好好維持咗年半都冇加深度近視。阿仔都只不過係有一邊深左25度，視光師都建議可以唔使再配。原來諗住今次兩個個都要再配眼鏡，因為成年幾冇換過，點知家姐唔洗配，而細佬就因為對眼片有啲花痕所以先再配，同近視冇關。雖然對鏡片嘅作用對佢兩姊弟好似幾好，不過好似視光師話齋，都係要配合良好嘅生活習慣先得，包括盡量少對住啲螢光幕，同埋閱讀同做功課都耍保持良好嘅姿勢。 唔好只係以為配咗對鏡片就可以。對鏡片只不過係輔助作用最重要仲要配合埋生活習慣。視光師都讚阿仔阿女嘅生活習慣做得好，不過雖然係咁 都仲係會keep住半年驗一次眼，希望唔好讚壞咗下次近視又加深番啦！
唔係要幫理大賣廣告，不過講真佢哋嘅服務同埋跟進都做得非常之好，驗完眼連眼鏡都可以喺嗰度配埋，而且因為佢哋係大學附屬嘅，所以會做埋硏究，而且佢哋對小朋友嘅情況係非常之了解同有經驗，唔係一般眼鏡舖咁sell 眼鏡，只係檢查都非常仔細，檢查完就算唔喺佢度配都可以拎番份報告走。
講開驗眼，嗰日同佢哋上去先見到有對家長同埋個小朋友嚟驗眼，但係嗰對家長一路等就一路為伍到令個女有耐性啲就又係畀部手機佢係咁睇卡通同玩遊戲。諷刺嘅係你上去就係為咗護眼，連視光師都話唔好成日對住螢幕，但係你上到去護眼嘅地方，就做曬所有對眼睛有傷害嘅嘢，其實都幾諷刺。小朋友要養成良好生活習慣，最主要係由父母開始。
懷孕
健康
煮意
遊樂
熱話
學校
管教
移民升學
理財
潮流
使用意見
故障報告
下載APP
關注我們
發表於 
返回列表
