＋
Baby Kingdom - 親子王國 香港 討論區 › 首頁 › 少年成長› 升中資訊日

少年成長

收藏本版
發帖
返回列表
跳至頁
升中資訊日 [複製鏈接]

首頁
1

尾頁
   0
csir3290


子爵府

積分: 12807


1#
發表於 19-12-15 12:08 |只看該作者
阿女今年五年班，為咗早啲準備佢升中，所以老婆今年已經安排開始去睇啲目標中學嘅開放日或者資訊日。除咗了解下入學資格亦都帶阿女親身去接觸下啲中學，等佢知道想入到鍾意嘅中學就要更加努力。

上星期去聽一間中學校嘅入學講座，當然大部分家長都係好緊張好留心聽，但係我都發現有少數嘅家長真係由頭到尾都喺度睇住部電話，我以為佢哋有啲咩重要嘢要處理啦！原來其實都只不過係喺度睇緊facebook上吓網，甚至玩緊遊戲。個家長都唔留心聽咁坐喺佢隔離嘅小朋友亦都唔係好留心，更甚係一齊睇電話添。嚟聽得嘅家長其實都知道升中揀學校對仔女嘅重要性。如果唔係何必要嘥時間上網報名嚟聽呢。但係嚟到又顧住玩電話咁為乜呢？有啲家長就校長喺個台上面有校長講家長就幾個家長坐埋一齊喺台下面自己傾，如果仔女都見到家長唔係咁重視咁佢哋自己又點會重視呢！

講開搵中學，其實我同老婆都有個共識，都知道未必要揀最好成績嗰啲，當然成績都係一個重要考慮啦，但係更重要係間學校嘅校風，因為阿女會喺呢間學校入面識到好多嘅朋友，呢啲朋友將來對阿女可能會影響好大。所以揀學校亦都係幫阿女揀將來朋友嘅來源。可能我老土啦！但係我依然都相信近朱者赤近墨者黑呢個道理。阿女喺學校嘅時間隨住佢年紀越嚟越大可能會越嚟越長，所以成績緊要但係校風都一樣咁緊要。
私人傳訊

超級妹妹


大宅

積分: 1515


2#
發表於 20-1-19 22:18 |只看該作者
csir3290 發表於 19-12-15 12:08
阿女今年五年班，為咗早啲準備佢升中，所以老婆今年已經安排開始去睇啲目標中學嘅開放日或者資訊日。除咗了 ...

樓主，想請問怎樣才知道校風？
私人傳訊

csir3290


子爵府

積分: 12807


3#
發表於 20-1-19 23:33 |只看該作者
回覆 超級妹妹 的帖子

聽家啲師兄師姐同佢哋嘅家長講吓，得閑最好等學校嘅放學時間後去學校附近啲商場公園睇吓見唔見到啲學生，留心吓佢哋行為舉止。再試吓上GOOGLE 打校名搜尋吓，睇吓有啲乜嘢資料，包括正面同負面都有。放學時間睇吓見唔見啲家長問吓佢哋都得。
私人傳訊

aptcan


男爵府

積分: 8997

畀面勳章


4#
發表於 20-1-20 14:18 |只看該作者
你都知介簡會其實都有個幾兩個鐘，一開始都係介紹吓學校既歷史呀，學校同學生嘅威水史呀，或者有同學表演吓咁，但其實家長最關心既係收生準則同面試內容，依啲一般會放在簡介會最後個半小時先提及，所以咪會有家長只玩電話或傾計！

我去過一間B1A有直屬小學嘅男校聽簡介會，個牧師用英文介紹學校歷史同威水史，當時又係有家長和小朋友玩電話或傾計，相信當天會有不小數直屬小學既家長在，當介紹了45分鐘後，就開始講收生準則和面試內容，一講完此話題後，已經有家長起身離開，但簡介會尚未完結，所以家長只關心自己想知的內容，其他時間只好用方法去kill time。

仲有講者都係其中一個關鍵因素，有啲就咁照住個power point讀，有啲根本英文不流利，但又用英文去講說，有啲又來來回回講同一樣野，說話聲調沉悶，不過不論什麼原因，聽者都應該尊重講者既！

p.s.︰小朋友已升中，有聽過港島區Band 1 & 2的簡介會

私人傳訊

csir3290


子爵府

積分: 12807


5#
發表於 20-1-20 22:23 |只看該作者
回覆 aptcan 的帖子

我真係經驗少聽得唔多，但非常同意你講點都要尊重講者，同埋如果同埋小朋友聽就更加要做個好榜樣！
私人傳訊


首頁
1

尾頁

跳至頁
返回列表
回覆
發帖
Presslogic Logo
Baby Kingdom Logo
聯絡管理員 廣告查詢 使用條款 免責聲明 使用意見

Copyright © 2026 Baby-Kingdom.com Limited. | Privacy Policy