早幾日因為要幫侄女問升中嘅資料，所以打電話比教中學嘅朋友問下佢意見。開頭寒暄咗幾句，都係講你就好啦停咗課咁耐 ，點知唔講由自可一講 佢就係咁呻講咗好耐。佢話就係人人都覺得學校停課佢哋啲做老師嘅會好得閒。佢話根本情況就相反 仲忙過平時好多。好似佢咁就係為咗停課不停學， 日日就要喺屋企對住部電腦網上教學，最慘係佢學校仲要好似編時間表咁規定啲老師按時直播。除咗直播之外仲要預備網上教學又要拍片又要預備功課。最慘係我friend講佢啲第三組別學校平時喺學校課室上堂啲同學都已經唔係太留心，都未必交得齊功課。而家話要網上教學同埋交功課，直播嘅時候一班廿幾三十人都係得十個八個準時上網，交功課更加唔洗講，根本就未試過交得齊。學校仲要佢哋每兩個禮拜就要打電話去啲學生屋企關心下啲細路嘅學習進度，重要係追收功課，佢話唔好以為打電話好簡單，佢嗰班30人一個家長講五分鐘都已經要兩三晚先至打得曬。試過仲俾家長話佢係咪冇嘢俾佢個仔做，點解佢個仔會咁得閒冇見過佢做嘢，其實根本就係冇按指示做，又冇check 電郵。其實之前已經通知過佢会話佢知佢個仔欠交但佢剩係話知道。仲有佢要教自己啲學生之外最慘係佢自己啲仔女都停咗課要在家學習，所以根本就冇時停。 佢話試過打畀啲家長，啲家長根本就唔理解淨係話想佢哋畀多啲功課，畀多啲嘢啲細路仔做等佢哋喺屋企唔好咁清閒。佢話佢哋教中學都仲好啲，啲功課唔使今日畀第二日即刻交。佢話佢有親戚教幼稚園嗰啲仲慘，又要畀校長催逼，啲家長仲要成日追住要畀功課。又要拍片 又要預備工作紙，佢話啲幼稚園老師先至係最慘無人道。
其實聽完佢呻完一輪都感受到佢嗰份慘，因為真係有好多家長以為個仔女入咗學，責任就喺曬老師度，自己可以乜都唔理有事就淨係催逼學校催逼老師。但係其實今次停課真係再令我覺得學校同埋老師係非常重要，令我更加尊重啲老師，因為我每一日我同老婆而家都要親自教自己對仔女，雖然話網上學習，但係其實根本個效率就唔高。學習係真係需要方法，好多嘢唔係對住部電腦望住個螢幕就可以學識。喺呢段時間入面，真係令我覺得我哋真係需要多啲尊重老師。唔好成日覺得停課老師就會好得閒，其實老師都係人老師都有自己對仔女。老師要教人哋嘅仔女咁自己對仔女又點呢！
懷孕
健康
煮意
遊樂
熱話
學校
管教
移民升學
理財
潮流
使用意見
故障報告
下載APP
關注我們
發表於 
返回列表
