樓主, 想問你「唔知可以繼續下去好？」的意思是, 轉唔轉教會好???
因為搬左屋??? 而新居附近有祟真教會... ... 唔知應否在現教會馬鞍山靈糧堂繼續慕道班???
樓主, 想問下, 你在馬鞍山靈糧堂的感覺如何???
如果所有方面都好好, 只是地點遠左少少, 我建議你唔好轉教會.
就好似讀書揀學校咁, 如果小朋友讀得好地地, 同學老師學校課程都好好, 因為你搬左屋, 但係其實又唔好搬得好遠, 倒不如不要轉校.
只怕轉左, 因為不適應, 將會產生好多問題, 到時影響學業成績.
講番教會, 的確不適合的教會, 或者教會內的人事問題, 會影響人追求,跟隨神的心.
其實大圍入馬鞍山, 幾個站而己.
為追求神的所有付出, 主都會記念.
好想同你分享. 我住天水圍, 教會在炮台山. 我帶埋個唔夠3歲的小朋友.
最快都1小時地鐵. 試過巴士轉叮叮, 試過紅磡轉過海巴,
最近仲帶埋又係唔夠3歲的姪女. 一大拖兩細.
但主的恩典夠我用, 我反而多左機會搭順風車出去, 有時直接去到教會門口,
有時出左九龍再搭的士, 都試過直搭的士出去, 三百蚊. 但主又會在其他方面獎賜番比我.
最感動既係, 最近的主日講道, 講者想講渴慕神, 舉例講好多弟兄姊妹都住得好遠, 例如天水圍, (其實北區仲遠啦!) , 而且仲帶埋小朋友返教會. 果一下我真係感受到主安慰我, 兩行眼淚立即流... ... 有時間我都唔明自己每個星期日都咁辛苦係為乜. 想都無想過, 只知道係咁做囉!!!! 但果一下, 神話比我知, 祂知道我的勞苦, 一切一切祂都念記.
樓主, 你好好想清楚, 是否真的需要轉教會 ????
懷孕
健康
煮意
遊樂
熱話
學校
管教
移民升學
理財
潮流
使用意見
故障報告
下載APP
關注我們
發表於 
返回列表
