上兩日放假特登湊阿仔阿女去學游水，當湊阿仔去換衫嘅時候，突然間後面傳來好大聲嘅粗口。點解會咁奇怪呢！因為嗰度基本上係唔會聽到粗口聲，因為嗰度係通常都係啲家長帶埋細路仔學游水嘅地方，所以基本上我喺嗰度係冇聽過有粗口，所以突然間聽到有把男人聲講咗句粗口我都有啲奇怪擰轉身望下，原來係有個爸爸帶住個仔上緊樓梯行嘅時候同個仔講咗句粗口話佢麻煩。後來喺泳池邊見返呢對父子，我相信係因為個細路仔學緊游水時候要去洗手間，所以個爸爸就要湊佢去洗手間而喺上洗手間嘅期間就講咗句粗口。我唔知道個細路仔聽完有咩感覺，可能根本個爸爸平時都係會對佢講粗口所以佢冇乜大感覺。但係我就係唔明點解可以對住自己個仔都講粗口，就算幾嬲都唔可以，更何況只係啲小事。如果將來佢個仔對住佢啲朋友或者同學喺學校講粗口，老師投訴嘅時候呢個爸爸會點鬧個仔呢？係咪會同個仔講唔應該講粗口，係咪會同個仔講講粗口冇禮貌呢？如果再嚴重啲個仔發脾氣嘅時候用粗口鬧老師或者鬧返個爸爸，個爸爸會點諗呢？
細路仔自細學待人接物第一個模仿對象就係父母，所以父母嘅一言一行尤其是喺細路仔面前更加要小心，當個小朋友去到已經習慣咗聽粗口同埋講粗口嘅時候有朝一日，佢對住個爸爸講粗口，唔知個爸爸會唔會鬧返佢點解要講粗口呢？要教出一個有教養嘅小朋友，做家長真係要諗一諗點樣做一個有教養嘅父母。做人父真係要好好控制自己情緒，唔該EQ高啲！
懷孕
健康
煮意
遊樂
熱話
學校
管教
移民升學
理財
潮流
使用意見
故障報告
下載APP
關注我們
發表於 
返回列表
