浸禮臨近，一位與我同行的姊妹，原本打算１２月受浸。
正如以色列人在紅海前面，魔鬼埃及人唔會放過你，一定會做啲手腳令你對自己，對受浸有所懷疑。
姊妹公司的Annual Dinner正正就是受浸聚會的日子（星期五晚）。
姊妹曾經一度覺得是 神咁樣話佢知，你都係唔好浸住。再下一次先。
曾經，呢位姊妹的信心堅定，在我軟弱的時候，鼓勵我。扶番我起身。
見到今日佢的信心如此，我簡直覺得係兩個人黎。
在她身上，我睇到魔鬼以她軟弱的地方來攻擊她。
姊妹的確是比較著緊工作，她都曾經哭訴說：如果唔去Annual Dinner, 她不是怕上司的怪責，但是她講唔出她就係好想去。
昨晚，她的上司再同佢講，會升佢職。打算在Annual Dinner向全公司宣佈。造成一個形勢，佢唔去唔得。
半年前，當我準備受浸時，家長都有同我講過，浸前會有好大的攻擊，意志要堅定。
感恩，神對我好好，家人無反對，無工作上的阻力，只是心思上的攻擊。
當時，我要寫自己渴慕受浸原因交比教會長老。家長要求我不可以少過４頁Ａ４。
我知道，唔係人人都要寫咁長，呢個係家長對我的特別要求。
寫好一次交比家長，被彈回頭。改左７，８次。當時都覺得，我想浸啫，點解咁麻煩。教會唔係應該大開方便之門架咩？
真係有諗過，「唔浸！唔改唔寫了。」
但心中到底都係被耶穌吸引，又死死地氣去改。最終，我交了９頁紙。感謝主。順利受浸。
當時，我覺得家長講關於屬靈爭戰的事有啲誇張。但今日，在呢位同行了一年的姊妹身上，我真係睇到，而加上公司要在Annual Dinner上宣佈她升職一事，另去諗都無得諗，我好確定。
如果她的信心一直都未係堅定的，我無話可說，只會講她未ready。但事實唔係，在８，９月份時，她都問過我受浸的經驗，而她都覺得，６月果次她無浸到，１２月她是時候浸了。
雖然面對咁大的挑戰，但我信主的祝福會臨到。「我們行善，不可喪志，若不灰心，到了時候就要收成。」
我不要灰心。
當中，主又比我省察得到，在她的受浸決定上，我整個人都被牽引著。我為姊妹不值，被仇敵拉扯。為主痛心。主的愛得不到回應。我心中憂傷。
鼓勵的說話，可以講既我都講了；鼓勵的方法，可以做的我都已經做了。如今，我知道，我應該退下來，為她默默祈禱。否則，我的心思意念太專注在她受浸一事上，會對我的靈命同信心造成沖擊。
我又知道，憑我血氣，只會增添她的壓力。況且，我已經不能再做些什麼了。
一切，都由主看管了。
好想ＢＫ的弟兄姊妹，能夠為我呢位姊妹代禱。既然知道是爭戰，我們迎戰的兵器就是神的道和祈禱。所以，好想大家能夠為她（T. Lam）代禱。
另外，好想同未受浸，或者考慮緊受浸的ＢＫ弟兄姊妹講，受浸前受到屬靈的攻擊是正常的。只要反其道而行，它越唔想你浸，你就要浸。最重要既是：浸左，邊方面對你有損先。反之，你唔浸，得益的是邊個？是魔鬼，因為耶穌再來之時，你要陪葬。
如果你今次唔浸，下一次浸禮你又受到攻擊，又唔浸，再下一次你仍然會受到唔同的攻擊。
最直接的解決方法，就是堅持要去浸。之後，你就脫離罪的轄制，它也不可以在此事上面攻擊你了。
如果浸禮只是形式，無意義的話，它就唔會猛力攻擊果啲想浸的人。
希望可以鼓勵弟兄姊妹。願主保守大家。
超可惡.
懷孕
健康
煮意
遊樂
熱話
學校
管教
移民升學
理財
潮流
使用意見
故障報告
下載APP
關注我們
發表於 
我都正在努力 我會為更多朋友祈禱
返回列表
