1) 返工前一晚十一點幾才SEND WHATSAPP話唔記得我地址，但合約有寫明地址嫁，我已經覺得自己好像請到個怪人，到返工當日話9點45到，老公等到近10點，收到她電話，問我們地址不是在將軍澳站嗎？話她出左閘才發現去錯地點，而家去番寶林站，但佢明明已經來過我家，唔記得又唔問又唔查
2) 出院當日12點打回家話我們而家開車，預12點半會回到，諗住一回到就可以開飯，最後1點半才開飯，又話我屋企個爐火細，蒸野蒸好耐，我屋企用的就是普通家用兩頭煤氣爐，全香港都係咁用嫁啦，慢佢個頭。好啦，終於開飯，以為佢煮什麼九大鬼搞甘耐，只是一碟炒菜心、一碟蒸排骨
3) 手腳勁慢，做野一講野就停手，唔識一路做一路講，手同口不可以同時運作。以為第一日開工，未習慣我個廚房工作，才搞到咁遲開飯，點知第二日都成1點鐘先有得食，我有個三歲大小朋友，小朋友根本不可以等到成1點先食，加上下午我仔要返學，我就叫佢之後12點開飯，於是之後，日日早上都是勿勿忙忙咁搞送搞廚房野，都沒有辦法入來查詢我有什麼需要或幫BB換片，或者咁講，我叫佢入來做野，就怕她做不切廚房工作，有次叫佢餵奶換片，就12點20分才有飯開，但我仔12點45分就要出門返學，我已經叫佢唔好一來我家就搞個湯，我不需要下午立即有湯飲，反正前一天的湯一定未飲完，總之搞左個午餐先，都係唔聽我講，結果日日早上都是趕頭趕命
4) 12點20分開飯個次，就是話太忙亂，於是煎魚時下了聯、煲湯又再下鹽，根本我坐月就應該清淡，我老公就同佢講個湯太咸，可以點，佢竟然話自己飲得咸，覺得OK，頂你，而家個湯煲比你飲定我飲
5) 手腳勁慢，餵奶搞親都45分鐘至1個鐘，但我同老公自己餵加掃風，15至20分鐘就搞掂，都唔知佢搞咩
6) 手腳勁慢，工人日日一起身，煲洗手水、煮早飯、洗奶瓶、STEAM奶瓶、洗BB衫全部幫佢做哂，我都唔知佢一個早上在廚房到底是搞什麼，如果我沒工人，佢做埋呢堆野，可能我3點才有飯食
7) 成日抱BB入廚房
8) 成日點我老公去買野，買什麼針版、大木湯匙、筲箕等 (但這些野我屋企本來已有，可能是不同物料或者佢想買多一個來用方便自己)，佢有野要買又唔一次過講哂，係都要分開幾次，第一日出院，老公比佢點左三次落街，好似我屋企人好得閒。之後又叫我們買雲耳、鱆魚，話成日都用，我們可以去海味店買定一斤，頂，我坐月呀，可唔可以唔好再點我地去買野，一係你就我生之前叫我買，既然呢D你在街市買送已經買到，點解我仲要去買？我話石崇魚對傷口好，佢話係呀，你去開街市可以買，有次老公話不如煲雞腳湯，佢叫老公可以去旺角買嘉美雞雞腳比佢煲，我請你翻來仲要自己出去買埋野比你服待我???
9) 要我食嘉美雞，話冰鮮雞唔好、龍崗街呢D大陸雞有激素，我話好，咁你幫我買，她又話要訂的，會送上門，我話OK，咁你幫我訂，送上來我比錢，她竟然話我比個電話你，你自己打去訂，話什麼因為隻雞貴，驚她訂我會以為佢同個店串通報大數，講真，你日日幫我買送，要報大數，你日日都可以報，如果我驚，就送都唔比你買啦，而且我日日都計左45分鐘買送時間比你，有咩理由要我去負責埋買雞，電話又要我打，我請你回來是要照顧我，不是要我幫你買野，結果打去個店訂雞，人地又話一隻雞唔送上門，真係火都來，最後屋企附近有間店有代理嘉美雞，我們就次次打去個度訂，再叫工人去拿雞，如果我家無工人，可能就是我出去取雞，她的名句就是﹕「如果食冰鮮雞，情願唔好食」，到炒佢個日，我話佢要我自己打電話去訂雞，她竟然話，如果你想，我都可以幫你打，但當日佢是堅持要我們自己打電話訂雞
10) 12月31日晚上8點幾SEND WHATSAPP話明天是元旦，佢應該有勞工假，話如果明天返工我要比雙糧，但我們的合約只列明初一至初三返工要雙糧，從沒講過什麼勞工假，而且對上一星期是聖誕假，我仲問佢呢D紅日佢地是否要返工無假放，佢都答我是，我才叫工人聖誕元旦放假休息下 (因工人答應坐月那個月可以不放假)，再跟佢理論，話份約沒有寫勞工假，佢竟然話同我簽份約沒有，但佢跟陪月公司做，同其他人簽的合約就有勞工假，原來可以咁，咁使咩簽約呀，最後死死氣話當佢錯，明天照返工，我想問，份約是你自己訂的，唔通我錯？我不介意一開頭你講好有勞工假，大家同意就OK，但不可以臨時自己加條款
11) 勁無記性，講完D野唔記得，講左D野放邊又唔記得，最經典是，星期五同佢講明天買埋星期日的送，星期六又唔記得，離開左街市才想起，再返回街市，所以又遲到，到第二個星期，沒有提佢，於是又唔記得要買埋星期日的送，仲賴我們星期五沒有提佢
12) 煩到死，日日問一次，D湯是否放這個湯壺，D野放邊，大佬，呢D野尋日咁做，今日都咁做嫁啦
13) 落野不預份量，返23日工，用了我兩斤紅早，一斤冬姑，兩支豉油等，什麼都是拿一大渣下去，好似不用錢，有次她被我迫佢煲代茶 (下面會講點解要迫)，佢放了20粒大紅早 (好像細士多啤梨甘大粒)，飲了兩杯我個咀己乾裂哂
14) 送同湯都是得個幾味，一星期三次蕃茄炒蛋，煮送沒花款，來來去去都是冬姑雲耳紅早蒸雞、煎排骨、煎三文魚扒、檸檬蒸烏頭、菜心、唐萵，全都是不用花功夫同時間，見工時話煮兩至三個送，但永遠得兩個送，如果個日有第三個送，就一定是蒸水蛋，而且佢自己不食的就不會煮比你食，例如牛肉
15) 亂煮野食，我開刀同餵人奶，佢第一星期已經煮蛋，什麼都話食得，沒有理會我有傷口，仲煮咖喱，炒佢個時佢仲辯解話餵人奶都可以食咖哩，簡直弱智，又試過煎雞亦，我問佢你又話唔好食冰鮮野？你又話呢D野有激素，佢話呢D是巴西雞中亦，所以沒有問題
16) 沒有代茶，名句是﹕「唔使飲炒米水，炒米水是以前的人窮，無野飲才飲，我會按你身體情況來煲野」，其實一天就只是得一個湯，數得出來湯以外的東西是有2日羅漢果水、1日清熱涼茶、1日黑豆茶、2日炒米水 (我迫佢煲才有)、1日北其黨蔘水，炒佢個時又話自己見工有講是兩天才煲一次代茶，但我肯定佢無講過，而且佢做了23天，你自己數數呢度有無11次代茶
17) 我問佢除了飲湯，口渴的話可以飲什麼，佢話白開水，頂，我一萬九請你回來預備白開水我飲，無野呀，係人都知坐月飲水會胃寒，佢話飲湯就夠，我飲代茶就會飲唔哂D湯，正常人都唔會一日到黑只飲湯不飲水啦，弱智
18) 根本唔識胸部按摩幫你增奶，見工時問佢，佢話不用，可以用湯水配合，事實是自己唔識按摩，從來沒有話幫我按胸，第一、二日返工，拿面粉 (係，就係整面包個D面粉) 加水幫我敷胸，話可以軟化乳線，做完我都不覺有分別，唔知佢做來做咩，之後又無左回事
19) 亂講一通，成日話我好多奶，其實我坐月時左右胸加埋才有3安多D，根本就是少，佢竟然仲話我是佢咁多個客入面第二個多奶的，仲話第日D奶會越來越少，所以我要補奶粉，但炒左佢之後，跟住的兩星期我已經可以埋身全人奶直到而家，同埋叫我埋身時45度角甘向前烏，話人奶原理是同水流一樣，個人烏前先會流得多流得快
20) 成日遲到，9點到5點工作時間，有45分鐘是買送時間，從來只有遲沒早，有時10點才見人，甚至10點後，炒佢時老公話佢遲到問題，佢竟然話買送是45分鐘至1小時，我肯定佢從來都只是話45分鐘買送時間，一定沒有講過要1小時，我甚至懷疑佢根本不是早上去街市買送，而是前一天放工買自己送時買埋我第二日的送，我的懷疑是建基於她從沒有早過9點45分上班，但如果你真係早上去買送，點可能日日都預到一模一樣的返工時間，有可能用多左時間買，亦有可能用少左，我轉第二個陪月後，第二個陪月就係咁，有時會早左少少，有時會遲左少少
21) 懶到爆，上午就在廚房做做做 (但不知有什麼可以做甘耐)，下午就自己舒服，3點之後就基本上是休息時間，拿埋椅子入廚房話「睇火」，開住YOUTUBE娛樂，仲好好心咁話驚嘈住我睡覺所以入廚房聽歌，5點就一定電話鬧鐘響，提佢準時收工，從不會利用這些時間整D會花思的送菜或下午茶比我，坐月那個月雖然開刀不可以大補，但我連清燉雞汁都沒有飲過呀
22) 返工第二日話可以有下午茶，例如燉奶、糖水，只要「我去買奶」、「我主動提出」佢就會整，於是整過2日燉奶、1日蕃薯西米露 (係呀，係同一樣野，不是1個蕃薯糖水1個西米露) 咁大把
23) 叫佢整豬手腳同蛋落姜醋，佢話幫我整姜醋是額外野，額外野!你估我而家叫你整羅白糕呀，之後又話我派得多醋 (叫佢整左三次豬手)，我心想，我錢多呀，中意派得多呀，你理得我，你返9點到5點，我在你返工時間叫你整，有什麼問題。其實佢又唔太識搞，亂咁講 ，話豬手要在醋入面浸兩日，結果30件豬手，化到得番22件，又話不用放雪櫃 (豬手同蛋)，幾天後蛋就發霉了，要掉哂
24) 炒佢個時老公話我們俾的開工利是都不少，話佢沒有認真做份工，佢話佢有收過比我們大封的開工利是，我們封500元，我不知是不是大封，我只知我同你不是有親，我新年封比自己親人的利是都是100元 (對不起，我不是什麼富有人家)，500元已經唔少，而且我有出糧比你，利是多少是BONUS，唔係必然，所以講到尾就是貪得無厭
當然佢的惡行不止咁少，以上是我最反感的地方。可能你會問點解我唔一早炒佢，其實12月31號晚我已經想炒佢，但因為我坐月中，沒有人可以幫我煮野，我亦找左好多陪月，都沒有人有期幫我，加上佢最後肯1月1日返工，所以我就忍左佢，結果越來越過分 (最少頭個1個幾星期佢唔會看YOUTUBE)，後來到BB滿月，我發現佢做到的工人都做到，甚至比佢做得好 (例如炒米水、蒸雞、幫BB沖涼等)我就決定無論找不找到第二個陪月，我都要炒佢 (因為本來我簽約請佢1個半月，打算佢做得好就請夠2個月)。結果好好彩我找到一個剛好做完一單而下一單又未開工的姨姨，第二個陪月就好好，有熱誠，做野快手，醒目，煮野好好味，每日5個送 (午餐2個、晚餐3個)，一代茶、一湯、一燉品，有時4點已經做哂野，問準我同意，仲可以早收工，收少我一個鐘人工，最後一日返工仲幫我將家中所有餘下藥材分好一袋袋，配搭好，等我可以繼續燉湯飲，我返工之後好多人都話我面色好左，我真係好感激佢第二個月幫我。
個垃圾陪月我不開名了，因為太多乜姐物姐都是呢個名，我不想影響其他人，如果有請緊陪月的媽媽需要知的就PM我，此人住藍田。
懷孕
健康
煮意
遊樂
熱話
學校
管教
移民升學
理財
潮流
使用意見
故障報告
下載APP
關注我們
發表於 
返回列表
