本帖最後由 Beanbean123 於 23-2-19 16:11 編輯
我今年41歲，由4年前開始做IVF，當時AMH只有0.81，醫生話自然懷孕機會低過5%。IVF做過3次，成功兩次，但分別喺22週同20週胎停。引產身體受創好大，但心靈傷害更大。我喺第一次小產後發現自己有免疫問題，所以第二次做IVF前已經做足準備，食藥、打肝素、吊免疫球蛋白，但最後都係留唔住。第二次引產我大出血，要刮宮，足足瞓咗8日醫院。而我亦決定咗唔再生小朋友，我將所有嘢都掉哂。
之後我為咗自己身體健康，一直睇中醫調理。到咗上年三月底，發現經期遲咗，我仲以為自己有事，打算去見醫生前先驗孕，可以排除懷孕機會先，點知，我真係自然有咗。我第一個反應係好驚，好怕自己又小產，但既然有咗，唯有面對，所以又開始打針食藥嘅日子。
一直陀到七個月，我以為今次可以順利生到，點知中秋節嗰晚突然間肚痛，我以為生得，原來我係無啦啦卵巢內出血。由於我食緊薄血藥同打薄血針，所以出血情況好嚴重，要做緊急嘅開肚手術去止血。亦因為我大緊肚，唔可以做微創手術。手術後我瞓咗4日ICU，前後住咗14日醫院，個肚縫咗14針，多咗一條30cm長嘅疤。
之後我一直忍痛繼續陀住BB至九個月，過程好辛苦，BB一直大，我個傷口一直痛，但我咬緊牙關去面對。雖然好辛苦，但好彩BB喺上年11月出咗世，健健康康。
我想同各位做IVF或者試咗好耐都唔成功嘅大家講，如果覺得攰就停一停，所有事上天自有安排，我由小產兩次之後已經唔再打算生，但個天又安排一個BB比我，之後我又要經歷手術嘅痛楚，我都有問個天點解要咁耍我，但諗諗吓，可能一切都係考驗。如果我唔係有之前嘅經歷，我又未必可以捱到手術之後身心嘅痛苦。
所以，大家要放寬心，可能個天會對你有特別嘅安排。各位加油！
懷孕
健康
煮意
遊樂
熱話
學校
管教
移民升學
理財
潮流
使用意見
故障報告
下載APP
關注我們
發表於 
做好多野裝備自己，希望努力埋今次，希望接好孕。我都認為好多野有上天既安排，每個經歷都係比到得著我地，令自己更加堅強。
返回列表
